“Qarabağ” avrokuboklarda mübarizəni dayandırıb
“Qarabağ” UEFA Konfrans Liqasının pley-off mərhələsinin cavab oyununda Niderlandın “Tvente” klubunu qəbul edib.
Bakıda keçirilən qarşılaşmanın əsas vaxtı 1:2 hesabı ilə qonaqların xeyrinə başa çatıb. İlk görüşdə “Qarabağ” 1:0 hesabı ilə qalib gəldiyindən qarşılaşma əlavə vaxta uzanıb.
Əlavə vaxtda daha iki qol vuran “Tvente” 4:1 hesablı qələbə qazanaraq liqa mərhələsinə yüksəlib. Bununla da “Qarabağ”ın avrokuboklardakı mübarizəsi başa çatıb.
“Qarabağ”ın yeganə qolunu 59-cu dəqiqədə Kadi Borges vurub. “Tvente”nin heyətində Marko Pyatsa (79), Maks Bruns (90+2), Vaut Veqorst (95) və Yunis Taha (114) fərqləniblər.
UEFA Konfrans Liqası, pley-off mərhələsi
“Qarabağ” – “Tvente” 1:4
İlk oyun: 1:0
