Çempionlar Liqası: “Sabah”ın pley-off mərhələsindəki rəqibi bəlli olub
“Sabah” klubunun UEFA Çempionlar Liqasının pley-off mərhələsindəki rəqibi müəyyənləşib.
AZƏRTAC xəbər verir ki, Azərbaycan çempionu növbəti raundda İsrailin “Hapoel” (Ber-Şeva) komandası ilə qarşılaşacaq.
Ber-Şeva təmsilçisi III təsnifat mərhələsində Serbiyanın “Srvena Zvezda” komandasını mübarizədən kənarlaşdırıb. Rəqibinə hər iki oyunda (1:0, 2:0) qalib gələn “Hapoel” pley-offa vəsiqə qazanıb.
Qeyd edək ki, “Sabah” İsrail klubu ilə ilk oyununu avqustun 19-da səfərdə, cavab görüşünü isə 25-də Bakıda keçirəcək.
