Millətlər Liqası: İspaniya yığması 9 qolun vurulduğu matçda Fransaya qalib gələrək finala yüksəlib
UEFA Millətlər Liqasında sonuncu finalçı bəlli olub.
Yarımfinalda Fransa yığmasını 5:4 hesabı ilə məğlub edən İspaniya millisi həlledici görüşə vəsiqə qazanıb.
Almaniyanın Ştutqart şəhərində keçirilən matçda ispanların qollarını Niko Uilyams, Mikel Merino, Lamin Yamal (2) və Pedri vurublar. Fransızların heyətində isə Kilian Mbappe, Rayan Çerki, Dani Vivian (avtoqol) və Randal Kolo Muani fərqləniblər.
Qeyd edək ki, İspaniya millisi finalda Portuqaliyaya rəqib olub. Həlledici qarşılaşma iyunun 8-də keçiriləcək.
