Türkiyənin İstanbul şəhərində jurnalistlərdən ibarət bir qrup etiraz aksiyası keçirib.

Dalgatv-nin  Anspress-ə istinadən verdiyi xəbərə görə, 200-dən çox jurnalist əvvəllər aparıcı qəzetlərin redaksiyalarının yerləşdiyi tarixi məhəllədə bir araya gəliblər. Nümayiş iştirakçıları senzuraya və hökumətin kütləvi-informasiya vasitələrinə qarşı təzyiqinə etiraz etdiklərini bəyan ediblər.

Jurnalist, Dəniz Hakan: “Hökumət kütləvi-informasiya vasitələrini onların rəhbərləri və ya onlara yaxın olan jurnalistlər vasitəsilə idarə etməyə çalışır. Biz bundan təngə gəlmişik, ona görə də buradayıq.”

Nümayişçilər İstanbul valisinin iqamətgahına yürüş etdikdən sonra orada bəyannamə oxuyublar.

Jurnalistlərin etirazları Türkiyənin Baş naziri Recep Tayyib Erdoğanın intiernet üzərində qoyduğu bir sıra məhdudiyyətlərində əsas rol oynadığı bildirilir.

Həmçinin,Recep Tayyib Erdoğanın “Habertürk” telekanalının rəhbəri ilə danışığını əks etdirən audioyazı da yayılıb. Həmin audioyazıda Erdoğan adıçəkilən telekanalda müxalifət liderinin çıxışının yayımlanmasından dolayı narazılığını bildirir. Telekanalın rəhbəri isə tədbir görəcəyini deyir və bundan sonra müxalifət liderinin çıxışının yayımlanması dayandırılır.

Avropa Birliyi ABŞ-ın nəzarəti altında olan internet şəbəkəsinə qarşı mərkəzi Avropada yerləşən internet resurslarının yaradılmasını planlaşdırır.

Dalgatv-nin Anspress-ə istinadən verdiyi məlumata görə, Almaniya kansleri Angela Merkel Fransaya səfəri zamanı bu məsələni gündəmə gətirəcəyini deyib.
“Fransalı həmkarlarımla yüksək səviyyəli məlumatların necə qorunmasını müzakirə edəcəyik. Bunun üçün birinci növbədə Avropada yerləşən texnologiya şirkətləri ilə danışıqlar aparacağıq”, - deyə A.Merkel bildirib.

Qeyd edək ki, Fransa prezidenti Fransua Olland ötən həftə Vaşinqtona səfəri zamanı Avropada ABŞ kəşfiyyatına qarşı internet resurslarının yaradılması fikrini dəstəklədiyini bildirmişdi.

Gürcüstanın sabiq baş naziri Vano Merabişviliyə 5 il müddətinə həbs cəzası verilib.

APA-nın “Georgia Online” portalına istinadən verdiyi məlumata görə, bu qərarı bu gün Kutaisi şəhər məhkəməsinin hakimi Natiya Barbakadze elan edib.

Qeyd edək ki, V.Merabişvili seçicilərin pulla ələ alınması, dövlət vəsaitlərinin mənimsənilməsi, vəzifə səlahiyyətlərindən sui-istifadə, habelə Kvariati kəndində bağ evinin mənimsənilməsində ittiham olunurdu.  

Boşanmış Rusiya prezidenti Vladimir Putin nişan üzüyü taxıb. Prezidentin üzüklü kadrlarını "LifeNews" paylaşıb.

Kadrların Misirin müdafiə naziri Abdelfəttah as-Sisi ilə görüşü zamanı çəkildiyi iddia edilib.

Maraqlısı odur ki, bir müddət sonra "LifeNews" bu fotonu silib və onun arxiv kadrı olduğunu yazıb. Lakin fotoda olan yerin interyeri və Putinin qalstuku Kremlin görüş barədə yaydığı video ilə uyğundur.

Qeyd edək ki, Vladimir Putin 2013-cü ilin iyun ayında həyat yoldaşından ayrılıb. O zamandan şəxsi həyatı barədə heç bir ictimai məlumat yayılmayıb. Maraqlısı isə odur ki, bu ərəfədə uzun müddətdir Putinlə bir yerdə olduğu iddia edilən idmançı Alina Kabayevanın da barmağında üzüklə fotosu yayılıb. (anspress)

Senator Rend Pol ABŞ Prezidenti Barak Obamanı vətəndaşların telefon zəngləri haqqında məlumatın toplanması zamanı qanun pozuntularına görə ittiham edərək məhkəməyə verib. Cavabdehlər kimi iddiada ABŞ milli kəşfiyyatının rəhbəri Ceyms Klepper, eləcə də Milli Təhlükəsizlik Agentliyinin direktoru Keyt Aleksanderi və FTB-nin rəhbəri Komi Ceymsin adları da yer alıb.

Dalgatv Trend-ə istinadən verdiyi xəbərə görə, iddiada göstərilir ki, "2006-cı ildən qüvvədən olan telekommunikasiya şirkətlərinin müştərilərinin şəxsi məlumatlarının toplanması haqqında proqram ABŞ Konstitutsiyasına dördüncü düzəlişi pozur".

Rend Pol bəyan edib: "Bu işin ABŞ Ali Məhkəməsinə qədər gedib çıxacağını gözləyirəm və qabaqcadan deyirəm ki, Amerika xalqı qalib gələcək".

Şikayətçinin iddiasına görə, onun əsas məqsədlərindən biri ABŞ-ın ali məhkəmə instansiyası tərəfindən dördüncü düzəlişin mənasının müasir izahının verilməsidir. Senator əmindir ki, "nəticədə Ali məhkəmə dördüncü düzəlişin nə demək olduğunu müəyyən edəcək".

“Əl-Qaidə” terror təşkilatının keçmiş lideri Üsame Bin Ladenin məhv edilməsində iştirak edən Amerika xüsusi təyinatlılarına əməliyyat zamanı çəkilən fotoları məhv etmək tapşırılıb.

 Dalgatv.ge Rusiya mətbuatına istinadən xəbər verir ki, belə bir əmri admiral Ulyam Makreyven verib.

Admiral məktubunda tələb edib ki, əməliyyat zamanı çəkilən fotolar Mərkəzi Kəşfiyyat İdarəsinə təhvil verilsin və ya məhv edilsin.

Tapşırıq Ben Laden öldürüldükdən 11 gün sonra verilsə də zaman-zaman bu fotolar yayılıb. Prezident Barak Obama tettor təşkilatı rəhbərinin öldürülməsindən sonra onun ölümünü təsdiqləmək üçün bir fotonun yayılmasının mümkünlüyünü bildirmişdi.

Ancaq sonradan bu təklif icra olunmadı. Daha sonralar bəzi Konqres üzvləri cəsədin şəklini nümayiş etdirdilər. Həmin fotoların əməliyyatda iştirak xüsusi təyinatlılardan əldə edildiyi ehtimal edilir. Ben Ladenin cəsədinin fotolarının yayılmasının radikalizmin artmasına səbəb olduğu iddia edilir.