Türkiyənin Eskişehir şəhərində 15 universitetdən 30-dan artıq mütəxəsisin birgə çalışdığı layihə ilə Türkiyənin ilk elektriklə işləyən avtomobili hazırlanıb.

 Tam enerji ehtiyatı ilə 160 km yol gedə biləcəyi gözlən avtomobili 2017-cı ildə bazara çıxarmağa planlaşdırırlar .

Ukraynanın paytaxtı Kiyev şəhərində müxtəlif millətləri təmsil edən təşkilatların iştirakı ilə 20 Yanvar hadisələrinin 24 -cü ildönümü qeyd olunub.

Birləşmiş Ukrayna Azərbaycanlıları Konqresindən (BUAK) APA-ya verilən məlumata görə, bununla bağlı bu gün Ukrayna Azərbaycanlı Gənclər Birliyi (UAGB), Ukrayna Millətlər Assambleyası, Ukrayna Yəhudi Fondu, Ümumukrayna Tatar Mədəniyyət Mərkəzi, o cümlədən Ukraynada fəaliyyət göstərən digər bir sıra xalqların diaspora təşkilatları ilə birgə konfrans keçirlib.

Konfransda 20 Yanvar şəhidlərinin xatirəsi yad edilib. Tədbirdə çıxış edən BUAK sədri Rövşən Tağıyev 24 il əvvəl Sovet qoşunlarının Bakıda və Azərbaycanın müxtəlif şəhərlərində dinc əhaliyə qarşı həyata keçirdiyi kütləvi qırğınlar barədə danışıb.

Azərbaycan Ağsaqqallar Şurasının Ukraynadakı nümayəndəsi Firudin Məmmədov, Azərbaycan dili və Mədəniyyəti Mərkəzinin rəhbəri, professor Rafiq Novruzov, Ukrayna Azərbaycanlı Gənclər Birliyinin sədri Anar Tahirov, Ukrayna Yəhudi Fondunun prezidenti Arkadi Monastırski, Ümumukrayna Tatar Mədəniyyət Mərkəzinin prezidenti Pyotr Şarafetdinov və digər xalqların diaspora rəhbərləri 20 Yanvar faciəsindən 24 il ötməsinə baxmayaraq bu qanlı cinayətdə birbaşa əli olan Mixail Qarbaçov və o vaxtkı sovet rəhbərliyinin beynəlxalq məhkəmə qarşısında cavab vermələrinin vacibliyini bildiriblər.

Bununla bağlı Ukrayna Millətlər Assableyası adından beynəlxalq təşkilatlara müraciət qəbul olunub.

Xoşbəxt şəxs 20 il ərzində hər il 50 min dollar alacaq

Bankrot olmuş amerikalı biznesmenin əməlli başlı bəxti gətirib. O Massaçusets ştatında benzindoldurma məntəqələrindən birində 20 dollara işərisində uduş olan lotoreya bileti alıb. 50 min dollar udan şəxs milyonların sahibi olub. Uduşun qaydalarına görə ilkin olaraq 50 min dollar alandan sonra 20 il müddətinə o hər il 50 min dollar da alacaq.
Bankrot biznesmen ilk olaraq borclarını ödəmək fikrində olduğunu bildirib.

İranın ali lideri Ayətullah Əli Xamneyi İslam Peyğəmbəri Həzrət Məhəmmədin (s) və İmam Cəfər Sadiqin (ə) doğum günü münasibətilə həbsdə olan 878 nəfərin əfv olunması barədə fərman imzalayıb.

Bu barədə Trend "Mehr" agentliyinə istinadən məlumat verir.

Əfv olunanlar siyasi və mülki məhbuslar, həmçinin hərbi cinayətlərə görə həbs edilmiş şəxslərdir.

Qeyd edək ki, İran Məhkəmə Sisteminin rəhbəri Sadiq Amoli Məhəmməd Peyğəmbər (s) və İmam Cəfər Sadiqin (ə) doğum günü münasibətilə ali liderə məktubla müraciət edib. Məktubda 878 məhbusun əfv edilməsi xahiş olunub. Ə.Xamneyi həmin məhbusların əfv olunması barədə fərman imzalayıb.

Polis “Səlimə” ləqəbli terrorçunu axtarır, şəhərdə həyat durub.

Rusiyanın Soçi şəhərində fövqəladə vəziyyət yaranıb. Polis olimpiada şəhərində evbəev gəzərək şəkildə gördüyünüz bu qızın, Ruzana İbrahimovanın axtarışına başlayıb. 1991-ci il təvəllüdlü, “Səlimə” ləqəbli Ruzana İbrahimovanın kamikadze hücumu təşkil edəcəyi gözlənilir.

Tesaka qarşı milli ədavəti qızışdırmağa görə cinayət işi qaldırılıb

Kuba hakimiyyəti Rusiya millətçilərinin liderlərindən olan "Tesak" ləqəbli Maksim Martinkeviçin həbs edilməsini Moskvaya xəbər verib. 

 Rusiya hakimiyyəti tərəfindən beynəlxalq axtarış elan edilmiş Tesak yanvarın 17-də saxlanılıb. Onun Rusiyaya nə vaxt veriləcəyi bilinmir. Amma bu məsələdə hansısa çətinlik olacağı güman edilmir.

Tesaka qarşı milli ədavəti qızışdırmağa görə cinayət işi qaldırılıb. İstintaq onun sosial şəbəkələrə yerləşdirdiyi video çarxları öyrəndikdən sonra saxlanmasına qərar verib. Lakin həmin müddət ərzində Tesak aradan çıxmağı bacarmışdı.