Kanadada atdan yıxılan Sharon Campbell-Rayment danışma qabiliyyətini itirdikdən sonra şotlant aksentiylə danışmağa başlayıb.

 Kanadada atçılıq məktəbi işlədən Sharon Campbell-Rayment bir müddət əvvəl atdan yıxılıb.  Nəticədə danışma qabiliyyətini itirən qadın 8 həftə sonra şotlant aksentiylə danışmağa başlayıb. Dünyada 60 insanda olduğu bilinən "Xarici dil sindromu"na tutulan Campbell-Rayment, əcdadlarının 100 il bundan qabaq Şotlantiyadan köçdüyünü xatırlayaraq: "həkimlər bundan sonra həmişə bu aksentlə danışa ya da vəziyyətin bir gecədə  dəyişə biləcəyini  söylədi" deyib.
 Xatırladaq ki , buna oxşar bir hadisə 2 il əvvəl Çində baş vermişdi. Belə ki , 49 yaşlı bir kişi komadan ayıldıqdan sonra ana dilində deyil heç kimə məlum olmayan bir dildə danışmışdı.

ABŞ-da hökm sürən anormal soyuq hava şəraiti ilə əlaqədar bu gün bir sıra şimal ştatlarında şiddətli şaxtalar gözlənilir.

Məlumata görə, Minnesota, Ayova, Şimali Dakota, Viskonsin, Montana ştatlarında bu gün mənfi 40-50 dərəcə şaxta gözlənilir.

ABŞ-ın müvafiq qurumları vətəndaşları bu havada küçəyə çıxmamağa, elektrik enerjisinə qənaət etməyə çağırıb. Şaxtadan ABŞ-da artıq 17, Kanadada isə 10 nəfər vəfat edib, 40 mindən artıq ev elektrik enerjisiz qalıb, 4 mindən çox aviareys təxirə salınıb və ya ləğv edilib.

Qeyd edək ki, hazırda müşahidə olunan şaxtalar Şimali Amerikada son 40 il ərzində ən şiddətli soyuqlardır.

Kaliforniyadakı yol qəzasında vəfat etdiyi üçün Paul Walkerin “Sürətli və qəzəbli ” (Fast and Furios ) filmindəki qəhrəmanı da dünyasını dəyişəcək.

 Artıq 60 % çəkilən filmi yeni süjet xətti tamamlanır.

Qeyd edək ki, Paul Warker 30 noyabr 2013-cü ildə avtomobil qəzasında vəfat edib.

ABŞ-da anolmal şaxtalı hava şəraiti hökm sürür. Vaşinqtonda son 20 ilin ən şaxtalı yanvar ayı gözlənilir. Kəskin şaxtalar digər ştatlarda da proqnozlaşdırılır.

 Sinoptiklər xəbər verir ki, şaxtalar -62 C0 dərəcəyə qədər enəcək.

Norveç terrorçusu Anders Breyvikin vəkili Qeyr Lippestad və xanımı “İnsan ləyaqətinin müdafiəsinə görə” mükafatına layiq görülüblər.

Belə bir ödül “Menneskeverds Livsvernpris” hüquq-müdafiə təşkilatı tərəfindən hər il təqdim olunur. Bu dəfə qurum Breyvikin vəkili və xanımını “məhdud müdafiə imkanı olan şəxs”ə hüquqi yardıma görə mükafata layiq bilib.

Təşkilat rəhbərliyinin fikrincə, “Beryvikin vəkili insan ləyaqəti anlayışının etdiyi hərəkətlərdən asılı olmayaraq hər kəs üçün keçərli olmasını fakta çevirə bilib”.

Xatırladaq ki, 2012-ci ilin avqustunda Breyvik Osloda 77 nəfərin qətlə yetirdiyi üçün 21 il azadlıqdan məhrum edilib. Terrorçu öz hərəkətini “yerli norveçliləri qorumaq və multikulturizmə son qoymaq” niyyəti ilə törətdiyini etiraf edib.

“Formula 1”in məşhur pilotu, almaniyalı Mixail Şumaxerin xizək sürərkən yıxılmasından sonra Almaniya daha bir xizək qəzası xəbəri ilə sarsılıb., Almaniya kansleri  Angela Merkel də xizəklə sürüşərkən yıxılıb

Almaniya hökumətindən verilən xəbərə görə, Merkelin çanaq sümüyündə çat aşkarlanıb. Bu səbəbdən də qarşıdakı 3 həftə ərzində kanslerin bütün görüş və toplantıları ləğv edilib.

Qeyd edək ki, “Formula 1”də 1994-2004 arası 7 dəfə dünya çempionu olan əfsanəvi  alman pilot Şumaxeri hələ də komadan ayıltmaq mümkün olmayıb. Fransa ərazisində, Alp dağlarında oğlu ilə birgə xizək sürərkən yıxılan Şumaxerin başında qəza vaxtı kaska olsa da, zərbənin gücündən o, ölümcül hala düşüb.