Slovakialı adam uşaqlıq arzusunu olan uçan maşını istehsal edə bilib.
Dalğatv-nin aldığı məlumata görə , bu maşın çox sadə materiallardan hazırlanıb və özünəməxsus görüntüsü var. Maşın artıq şəhərmərkəzində və şosedə sınaqdan keçirilib. Bu maşının sürəti saatda 130 km-ə qədər qalxa bilir.
  Maşının  uçan maşına dönüşməsi saniyələr alır. Bu ixtiranın aeroport olmayan yerlərdə vəya aeraporta insan daşıma kimi funksiyalarda istifadə olunması planlaşdırılır.
 Slovakialının ixtira etdiyi bu maşının sonuncu modeli gələn il satışa çıxacaq və müştərilərə də satılması planlaşdırılır.

Fillər və onların sürücülərinin futbol oyunu Nepalda çox məşhurdur. Bu tədbir hər ildə bir dəfə olmaq üzərə yerli və xarici turistlərin axını ilə müşahidə olunur.  Bu il keçirilən tədbirdə hesabı ən kiçik yaşlı fil açmışdır.
  Dalğatv-nin aldığı məlumata görə , Nepalda təxminən 300-ə yaxın fil var.Onların 100-ə qədəri əhliləşdirilmişdir. Əhliləşdirilmiş fillər hotellərdə və zooparklarda istifadə olunur. Nepaldakı fillər məhkəmə tərəfindən qorunur. Əgər kim isə fillərə zərər verərsə onu 15 ilə qədər həbs gözləyir.

Gürcüstanda Saakaşvili dönəmində “qanuni oğru”lara qarşı qəbul edilən qanun dəyişdirilməyəcək.

APA - nın “Georgia Online” saytına istinadən verdiyi məlumata görə, bunu hökumətin toplantısından öncə jurnalistlərin suallarını cavablandıran baş nazir İrakli Qaribaşvili deyib.

Qeyd edək ki, “Gürcü arzusu” koalisiyasına daxil olan bəzi siyasətçilər zaman-zaman “qanuni oğrulara” qarşı mübarizəni nəzərdə tutan qanunun yenidən nəzərdən keçirilməsinin vacibliyini önə çəkib. Hakimiyyət dəyişikliyindən sonra həmin qanuna düzəlişlərin ediləcyi gözlənilsə də, hələlik bu baş verməyib.

Parlamentdə “Gürcü arzusu”nun liderlərindən biri olan, Hüquq məsələləri komitəsinin sədri Vaxtanq Xmaladze bu gün keçirdiyi brifinqdə bildirib ki, Cinayət Məcəlləsinin “oğru dünyası”na mənsubiyyət haqda maddəsinə yenidən baxılmalıdır.

“Bu qanun xoşuma gəlmir. Vaxtilə o qəbul ediləndə, öz fikrimi bildirmişdim. Cinayət əməlinə qiymət dəqiq olmalıdır. Dəqiq müəyyən olunmalıdır ki, “qanuni oğru” və “oğru mentaliteti” anlayışları nədir. Məsələn, deyək ki, mənim oğrulardan və oğrular arasındakı münasibətlərindən xoşum gəlir. Buna görə məni həbsxanaya atmaq olmaz”, - deyə o vurğulayıb.

Hong Kongda restoranlardan biri yaranmasının 10-cu ildönümü tədbirində maraqlı bir işə imza atıb.

37metrəlik yerdə 20 647 ədəd suşi istifadə olunaraq mozayka yaradan restoran Guinness rekordunu qırmağı bacarıb. Rekord üçün hazırlanan suşilər sonra tədbirdə iştirak edənlərə paylanılıb.

Argentina Konqresinin millət vəkili Julian Dominguez, təbii zənginliklərin istehsala qatılmasını təmin etmək üçün paytaxtın şimal əyalətlərindən birinə köçürülməsini təklif edib.

Dominguez verdiyi açıqlamada: ''Argentinanı yenidən düşünməyin vaxtı gəlib'' bildirib.

Üzümüzü geniş və məhsuldar torpaqları olan şimala çevirməliyik deyən Dominguez: ''Paytaxt Buenos Aires qalacaq yoxsa şimaldan yer seçəcəyik bilmirəm'' söyləyib.

36 ölkənin ictimai yayımçıları “Eurovision 2014” mahnı müsabiqəsində iştirak edəcəyini təsdiqləyib.

Bu barədə APA müsabiqənin rəsmi saytına istinadən məlumat verir.

Mayın 6-da Danimarkada keçiriləcək sayca 59-cu “Eurovision” müsabiqəsində Azərbaycan, Albaniya, Belarus, Belçika, Danimarka, Estoniya, Finlandiya, Fransa, Gürcüstan, Almaniya, Yunanıstan, Macarıstan, İrlandiya, İsrail, İtaliya, Latviya, Litva, Makedoniya, Malta, Moldova, Monteneqro, Niderland, Norveç, Polşa, Portuqaliya, Rumıniya, Rusiya, San-Marino, İspaniya, İsveç, İsveçrə, Böyük Britaniya, Ukrayna və Ermənistan iştirak edəcək.

Xatırladaq ki, müəyyən maliyyə sıxıntıları üzündən 12 ölkə mahnı müsabiqəsində iştirakdan imtina edib. Öncə Xorvatiya, Slovakiya, Çexiya, Lyuksemburq, sonra isə Bolqarıstan, Bosniya və Herseqovina, Serbiya, Monako, Mərakeş, Kipr və Türkiyə “Eurovision”da iştirak edə bilməyəcəyi haqda müsabiqə təşkilatçılarını məlumatlandırıb.

Mahnı müsabiqəsinin direktoru Yan Ola Sand bu il müsabiqəyə Polşa və Portuqaliyanın qayıtdığını bildirib.

Qeyd edək ki, 2014-cü ildə iştirakçıların sayının azlığına görə “Eurovision” tarixində antirekorda imza atılıb.