Ermənistanda Gömrük İttifaqına qarşı etiraz aksiyası keçirilib.

Dalgatv-nin  Anspress-ə istinadla verdiyi məlumata görə, mitinqin təşkilatçısı Milli Müqəddarat İttifaqı sədri Paruyr Ayrikyan olub. Ermənistan prezidentliyinə keçmiş namizədin təşkil etdiyi aksiya paytaxt İrəvanın mərkəzində olub. Gömrük İttifaqına daxil olmağa etiraz edən onlarla insan meydana çıxıb.

Toplananlar qarşısında çıxış edən Ayrikyan qeyd edib ki, ölkədə prioritet problem sülhün təminatı ilə bağlıdır. Onun sözlərinə görə, Ermənistanı tam müstəqil dövlət adlandırmaq olmaz: "Dövlət o zaman müstəqil sayılır ki, öz elmi, dini və mənəvi dətərlərini özü idarə edəndə müstəqil və suverin sayılır. Bu Ermənistanda müşahidə edilmir".

Pilot təyyarəni İstanbulun Sabiha Gökçən Hava Limanına endirib.

Lakin hələ də üstündə bomba olduğunu deyən şəxs və sərnişinlər təyyarənin içindədir. 

Türkiyənin “Pegasus” şirkətinə məxsus olan təyyarəni bomba ilə təhdid edən şəxsin ukraynalı olduğu bildirilir.

Məlumata görə, sərnişinin bu hərəkətindən sonra pilotun mərkəzə verdiyi siqnalla Balıkesirdəki F-16 döyüş təyyarəsi havaya qaldırılıb.

Türkiyənin Nəqliyyat Nazirliyinin hadisə ilə bağlı yaydığı açıqlamada bildirilib ki, Xarkov- Sabiha Gökçen reysini həyata keçirən və “Pegasus” şirkətinə məxsus, içərisində 110 nəfər sərnişinin olduğu təyyarə sərnişinlərdən birinin bomba təhdidindən sonra təhlükəsiz şəkildə Sabiha Gökçen Hava Limanına endirilib.

Nazirlik bildirib ki, təyyarə ətrafında təhlükəsizlik tədbirləri görülüb.

Qeyd edək ki, bu gün Soçidə XXII Qış Olimpiya Oyunlarının rəsmi açılış mərasimi keçirilir.

17 dekabr rüşvət və korrupsiya əməliyyatından sonra vəzifəli şəxslərin və polislərin iş yerlərinin dəyişdirilməsi prosesi davam edir. Türkiyənin baş naziri Rəcəp Tayyib Ərdoğanın yaxın mühafizəçiləri işdən çıxarılıb.

Bu dəfə işdən çıxarılanlar arasında Baş Nazirliyin mühafizə işçiləri də var.

Belə ki, 23 polisin iş yeri dəyişdirilib. Eləcə də baş nazir R.T.Ərdoğanın yaxın mühafizəçiləri də işdən çıxarılıb və başqa yerə təyin ediliblər.

Qarlı-şaxtalı hava şəraiti səbəbindən Gürcüstanın avtomobil yollarında nəqliyyatın hərəkəti məhdudlaşdırılıb. Bunu Trend-ə Gürcüstan İqtisadiyyat Nazirliyinin Avtomobil yolları departamentindən bildiriblər.

Məlumata görə, Vaziani-Qombori-Telavi şosesinin Sasadilo-Telavi sahəsində qoşqulu nəqliyyat vasitələri və 30-dan artıq sərnişin tutumu olan avtobusların hərəkəti məhdudlaşdırılıb.

Departamentdən deyiblər ki, Vaziani-Şuamta şosesi sahəsində yalnız xüsusi sürüşmə əleyhinə zəncirlərdən istifadə etməklə nəqliyyat vasitələrinin hərəkətinə icazə verilir.

Zuqdidi-Cvari-Mestiya-Lasdili şosesinin Laxamula-Kala sahəsində də qoşqulu nəqliyyat vastələrinin və 30-dan artıq sərnişin tutumu olan avtobusların hərəkəti məhdudlaşdırılıb.

Bununla belə, Mestiya-Kala sahəsində sürüşmə əleyhinə zəncirlərdən istifadə etməklə hərəkətə icazə verilir.

Departamentdən bildiriblər ki, Qudauri-Kobi sahəsində avtomobillərin hərəkəti qar uçqunundan qorunmaq üçün tikilmiş xüsusi tunellər vasitəsilə həyata keçirilir. Bununla belə, tunellərdə yalnız qoşqulu nəqliyyat vasitələri və avtobusların birtərəfli hərəkətinə icazə verilir.

Pakistan məhkəməsi Pakistanın sabiq prezidenti Pərviz Müşərrəfin həbsi üçün daha bir order verərək, müalicə üçün xaricə yollanmağa icazə verməyib.

Dalgatv-nin APA-ya istinadən verdiyi xəbərə görə, Pərviz Müşərrəf yanvarın əvvəlində xəstəxanaya yerləşdirilib.

İttihamçı tərəf iddia edir ki, Müşərrəfin səhhəti məhkəmə iclasında iştirak etməyə imkan verir.

Sabiq prezident 2007-ci ildə ölkədə qanunsuz olaraq fövqəladə vəziyyət rejimi elan etdiyinə görə dövlətə xəyanət maddəsi ilə ittiham olunur.

Xatırladaq ki, yanvarın 2-də İslamabadda dövlətə xəyanət ittihamı üzrə keçirilən prosesdə məhkəmə qarşısına çıxmalı olan generalın səhhəti qəfildən pisləşib. Məhkəməyə aparılarkən yolda ürəyində ağrılar hiss edən P.Müşərrəf xəstəxanaya yerləşdirilib.

Ukrayna Prezidenti Viktor Yanukoviç etiraz aksiyalarının iştirakçılarının əfv edilməsi barədə qanunu imzalayıb.

Dalgatv-nin Trend-ə istinadən verdiyi xəbərə görə qanun iğtişaşlar zamanı ağır cinayət törətmiş aksiya iştirakçılarından başqa, bütün etirazçıların əfv edilməsini nəzərdə tutur. Sənədə əsasən, etirazçılar 15 gün ərzində paytaxt Kiyevdə və regionlarda zəbt etdikləri inzibati binaları boşaltmalıdırlar.

Xatırladaq ki, Ukraynada etiraz aksiyaları ötən ilin noyabr ayında Nazirlər Kabinetinin avrointeqrasiyaya fasilə verilməsi barədə açıqlamasından sonra başlayıb. Müxalifətin yanvarın 19-da Kiyevdə keçirdiyi növbəti xalq nümayişi zamanı radikallarla hüquq mühafizə orqanlarının əməkdaşları arasında qarşıdurma yaranıb. İştişaşlar nəticəsində 3 nəfər həlak olub. Müxalifət hökumətin istefasını və avrointeqrasiyanın davam etdirilməsini tələb edir.

Ukrayna Prezidenti Viktor Yanukoviç Nikolay Azarovun Baş nazir vəzifəsindən azad edilməsinə dair fərman imzalayıb. Fərmana əsasən, Nazirlər Kabineti də istefaya göndərilib. Hazırda Baş nazirin səlahiyyətlərini Baş nazirin I müavini Sergey Arbuzov icra edir.