C.Cabbarlı adına İrəvan Dövlət Azərbaycan Dram Teatrı Mədəniyyət və Turizm Nazirliyinin təşəbbüsü ilə “Dünya Azərbaycanlıları ulu öndər Heydər Əliyevi anır!” layihəsi çərçivəsində Gürcüstan Respublikasında geniş heyyətlə qastrol səfərindən qayıdıb.

Teatrdan AzNews.az-a verilən məlumata görə, qastrol mayın 8-12 tarixlərində reallaşıb. Səfərdə teatr Heydər Əliyevə həsr olunan “Nurlu ömrün anları” tamaşası ilə çıxış edib. Tamaşaçılar arasında Gürcüstanın dövlət və hökumət nümayəndələrinin və Azərbaycanın bu ölkədəki səfirliyinin əməkdaşları iştirak edib.

Teatrın direktoru İftixar Piriyevin AzNews.az-a açıqlamasında səfərin həyata keçirilməsində “Günəş” asossasiyasının rəhbəri Nizami Məmmədzadənin dəstəy olduğunu deyib. Səfərdə qonaqlara şair-dramaturq İftixarın H. Əliyevə həsr olunan, doqquz dilə tərcümədə nəfis kitab şəkilində çap olunan “Müstəqil vətənin memarı” poeması və “Qurtuluş dastanı” tamaşasının DVD diski hədiyyə olunub.

Qeyd edək ki, səfər Azərbaycan Televiziyası, İctimai Televiziya, Atv və Türkiyə Cümhuriyyətinin Ulusal və TRT Avaz kanalları vasitəsi ilə geniş işıqlandırılıb.

Somadaki faciəyə görə ölkələrin bir çoxu Baş nazir Rəcəb Tayyib Ərdoğana başsağlığı verib. Bəzi ölkələr Türkiyədə keçirilməsi nəzərdə tutulan tədbirlərini təxirə salıblar.

Bundan başqa hələlik 8 ölkə-ABŞ , AB , İsrail , Fransa , Polşa , İran , Yunanıstan və İngiltərə Türkiyəyə kömək təklif ediblər.

Qeyd edək ki, Manisanın Soma qəsəbəsində mədən qəzası nəticəsində ölənlərin sayı armaqda davam edir. Son rəsmi rəqəmi Bakı vaxtilə saat 00.00-da Türkiyənin Enerji və Təbii sərvətlər naziri Taner Yıldız açıqlayıb. Onun sözlərinə görə, qəza nəticəsində ölənlərin sayı 274-ə çatıb.

Türkiyədə kömür mədənində baş vermiş faciə ilə əlaqədar 3 günlük yas elan edilib.

APA-nın xəbərinə görə, Türkiyə hökuməti Manisa vilayətinin Soma rayonu ərazisindəki kömür mədənində çoxlu sayda işçinin ölümü ilə əlaqədar 13 may tarixindən etibarən ölkədə 3 günlük matəm elan olunduğunu açıqlayıb. Matəmlə əlaqədar Türkiyədə və ölkənin xaricdəki nümayəndəliklərində bayraqlar yarıya qədər endirilib.

Qeyd edək ki, Soma kömür mədənində baş vermiş qəzada ölənlərin sayı 205-ə çatıb.

Manisanın Soma rayonunda ölənlərin sayı 245-ə çatıb.

AzNews.az-ın məlumatına görə, bu haqda Təbii Sərvətlər naziri Taner Yıldız məlumat yayıb.

Türkiyənin Zonquldak vilayətində daha bir daş kömür mədənində uçqun qeydə alınıb. Trend-in verdiyi məlumata görə, hadisə nəticəsində bir nəfər dağıntılar altında qalıb. Hazırda hadisə yerində xilasedicilər çalışır. Dağıntılar altında qalan mədənçilərin dəqiq sayı məlum deyil.

Qeyd edək ki, bundan əvvəl Türkiyənin Manisa vilayətinin Soma şəhərində daş kömür mədənində partlayış baş verib. Hadisə nəticəsində ölənlərin sayı 205 nəfərə çatıb.Faciə ilə əlaqədar Türkiyədə üçgünlük matəm elan olunub.İlkin ehtimala görə, hadisəyə qısaqapanma səbəb olub, bu da yanğına və partlayışa gətirib çıxarıb. Partlayış yerində xilasetmə işləri aparılır. Ölənlərin əksəriyyətinin dəm qazından zəhərləndiyi bildirilir.

Türkiyə Statistika İnstitutunun məlumatına görə, son dörd ayda ölkədə iş yerlərində bədbəxt hadisələr nəticəsində 1235 nəfər ölüb, onlardan 103-ü qadındır.

Gürcüstanın Laqodexi rayonunun azərbaycanlıların yaşadığı Qabal kəndində ulu öndərin Heydər Əliyevin anadan olmasının 91-ci ildönümünə həsr olunmuş mərasim keçirilmişdir.
Kənddəki 2 nömrəli məktəbin direktoru Şahismayıl İslamov, 1 nömrəli məktəbin tarix müəllimi Bəkir Yunisov, Laqodexi Rayon İcra Hakimiyyətinin Qabal kəndi üzrə nümayəndəsi Namaz Allahverdiyev, Dünya Azərbaycanlıları Mədəniyyət Mərkəzinin üzvü Mehman Rəsulov, kənd ambulatoriyasının baş həkimi Rəfail Paşayev, uşaq bağçasının müdiri Tamella Vəliyeva, “Heydərnamə” poemasının müəllifi Ağəli Əsgərov, “Ozan” cəmiyyətinin sədri Kamil Kirəcli mərasimdə çıxış etmişlər. Onlar ulu öndər Heydər Əliyevin xalq və dövlət qarşısında misilsiz xidmətlərindən, Azərbaycanı inkişaf yoluna çıxarmasından danışmışlar.
Azərbaycanın Gürcüstandakı səfirliyinin birinci katibi Vüsal Məmmədov tədbirdə iştirak etmişdir. Diplomat Ulu Öndərin həyat və fəaliyyəti barədə ətraflı söhbət açmış, Heydər Əliyevin yenidən hakimiyyətə qayıdışı ilə ölkənin parçalanmaqdan, hərc-mərclikdən, vətəndaş qarşıdurmasından, səriştəsiz rəhbərlikdən xilas edildiyindən danışmışdır.
V.Məmmədov ümummilli lider Heydər Əliyevin şah əsəri müasir müstəqil Azərbaycanın taleyinin etibarlı əllərdə olduğunu vurğulamış və Prezident İlham Əliyevin rəhbərliyi ilə ölkənin dünya dövlətləri sırasında layiqincə təmsil olunduğunu, beynəlxalq aləmdə nüfuzunun artdığını, davamlı inkişafın, sabitliyin təmin edildiyini bildirmişdir. O qeyd etmişdir ki, xaricdə yaşayan soydaşlara qayğı və diqqət göstərilməsi istiqamətində Ümummilli Liderin müəyyənləşdirdiyi siyasi kurs Azərbaycan dövlətinin başçısı tərəfindən uğurla davam etdirilir.
Əsl kənd şənliyinə çevrilmiş tədbirdə “Heydərnamə” poemasından parçalar səsləndirilmiş, mərasim musiqi sədaları altında davam etdirilmişdir.

Ümummilli lider Heydər Əliyevin anadan olmasının 91-ci ildönümü münasibətilə Gürcüstan azərbaycanlılarının yığcam yaşadıqları Kvemo Kartli-Borçalı bölgəsinin Marneuli şəhərində “Heydər Əliyev Gürcüstan gəncliyinin gözü ilə” mövzusunda konfrans keçirilmişdir.
Gürcüstanın 5 ali məktəbində təhsil alan tələbələrin iştirakı ilə keçirilən konfransı Azərbaycanlıların Mədəniyyət Mərkəzinin təşkil etmişdir.
Mədəniyyət Mərkəzinin gənclər şöbəsinin müdiri Nərgiz Əliyeva çıxışında ulu öndər Heydər Əliyevin zəngin irsinin hər bir gənc üçün böyük örnək olduğunu bildirmiş, Azərbaycançılıq ideologiyasının, adət-ənənələrimizin, mədəniyyətimizin, tariximizin təbliğində gənclərin qarşısında duran vəzifələrdən söhbət açmışdır. O, Azərbaycan ilə yanaşı, Gürcüstanın da müstəqilliyinin möhkəmləndirilməsi işində, Ulu Öndərin ideyalarına sadiqlik, Gürcüstan cəmiyyətinə inteqrasiya, Gürcüstan-Azərbaycan münasibətlərinin daha da inkişaf etdirilməsi məsələlərində gəncləri fəal olmağa çağırmışdır. Azərbaycan-Gürcüstan strateji tərəfdaşlığı barədə söhbət açan Nərgiz Əliyeva ölkələrimizin tarixi dostluğunun qorunmasında da gənclərin fəallığının gücləndirilməsinin vacibliyini vurğulamış və Heydər Əliyev fenomeninin dünya miqyasında qəbul edildiyini, Ümummilli Liderimizin zəngin həyat və fəaliyyətinin hər bir azərbaycanlının işıqlı gələcəyinin layiqli yolgöstəricisi olduğunu demişdir.
Müzakirələrdə tələbələr fəal iştirak etmiş, ümummilli lider Heydər Əliyevin həyat və fəaliyyətinin gənclərə örnək olduğunu vurğulamışlar.
Sonda Ulu Öndərin həyat və fəaliyyətindən bəhs edən film nümayiş olunmuşdur.