Gürcüstanda fəaliyyət göstərən Qara Dəniz Beynəlxalq Universitetində “Mədəniyyətlərin tanıdılması” festivalı keçirilib.

APA-nın Gürcüstan bürosunun məlumatına görə, bu barədə Azərbaycanın Gürcüstandakı səfirliyinin birinci katibi Vüsal Məmmədov məlumat verib.

Məlumata görə, festivalda özündə Azərbaycanı əks etdirən “Azərbaycan guşəsi” adlı 13 stend təşkil edilib. Stendlər tədbir iştirakçılarının marağına səbəb olub. Tədbirdə Azərbaycanın musiqi alətləri, xalçalarımız, mətbəximizdə bişirilən xörək nümunələri, Azərbaycanın gəzməli və görməli yerlərini özündə əks etdirən, o cümlədən Şəkidəki Xan Sarayı, Qarabağın əsrarəngiz təbiəti, qədim Şuşa qalası, Bakının tarixi yerləri rəssamlarımızın müxtəlif bölgələrdən çəkdiyi rəsm əsərləri stendlərdə nümayiş etdirilib.

Tədbirdə Azərbaycan musiqi nömrələri və beş folklor rəqsi nümayiş olunub.

APA-nın məlumatına görə. Qara Dəniz Beynəlxalq Universitetində azərbaycanlı tələbələr və 13 dövləti təmsil edən tələbələr təhsil alır.

Ötən gün Donetsk şəhərinin Volnovax rayonunda baş verən silahlı toqquşma ilə bağlı Ukraynanın iki vilayətində, Volın və Rovno vilayətlərində matəm elan olunub. Bu haqda Ukrayna Müdafiə nazirliyi xəbər yayıb.

Volında iki gün, Rovnoda 3 gün matəm olacaq. Volnovaxda Ukrayna hərbçiləri ilə rusiyayönümlü üsyançılar baş verən atışmada 16 nəfər həlak olub, 32 nəfər müxtəlif xəsarətlərlə xəstəxanalara yerləşdirilib.

Bu gün də bir qrup ukraynalı hərbçi üsyançıların pusqusuna düşsə də, mühasirədən çıxa biliblər. İnsident nəticəsində 10-a yaxın hərbçi yaralanıb.

May ayının sonuna kimi Qara dənizdə NATO-nun üç gəmisi qalacaq. .

ANS PRESS-in məlumatına görə, bunlar Fransanın "Sürkuf" freqatı, "Düpüi de Lom" kəşfiyyat gəmisi və ABŞ-ın "Vella Qalf" kreyseri olacaq.

Hazırda "Düpüi de Lom" kəşfiyyat gəmisi Bolqarıstanın Varna limanındadır. O, Qara dənizə mayın 14-də gəlib. Gəmidəki cihazlar çağdaş məlumat ötürmə növlərinin hamısını, o cümlədən elektron poçt ismarışlarını və mobil telefon danışıqlarını tutmaq imkanındadır.

"Sürkuf" freqatı 1996-2001-ji illərdə düzəldilmiş "Lafayet" tipli freqatlara aiddir. Su tutumu 3600 ton, heyət üzvləri 164 nəfərdir. Onda "Ekzoset" tipli qanadlı raketlər, göyərtə helikopteri yerləşdirilib.

Türkiyənin Soma şəhərində kütləvi insan tələfatı baş verən kömür mədənində axtarış-xilasetmə əməliyyatı sona çatıb.

Dalgatv-nin  APA-ya verdiyi xəbərə görə, bu barədə ölkənin enerji və təbii qaynaqlar naziri Taner Yıldız məlumat verib.

Onun sözlərinə görə, mədəndə baş verən partlayış nəticəsində həlak olan son iki işçinin də meyiti tapılaraq çıxarılıb. Bununla da Türkiyə tarixinin ən böyük mədən qəzasında ölənlərin sayı 301-ə çatıb.

Bu açıqlamadan sonra axtarış-xilasetmə əməliyyatına qatılan xilasedicilər və fəhlələr ərazini tərk etməyə başlayıb.

Türkiyənin Manisa vilayətinin Soma bölgəsində mədəndə baş verən faciənin səbəbləri haqda müəssisə sahibi və idarəçilər ilk dəfə mediaya açıqlama veriblər.

Dalgatv-nin  “Hürriyet” qəzetinə istinadən verdiyi məlumata görə, mədənin sahibi Alp Gürkan və idarəçilər baş verən qəzada laqeydlik iradı ilə razılaşmadıqlarını desələr də, itkilərin çox olmasının səbəbini açıqlayıblar.

A.Gürkan deyib ki, mədəndə “təhlükəsizlik otaqları”nın olmaması itkilərin sayını artırıb. Sahibkar açıqlama zamanı göz yaşlarını saxlaya bilməyib: “Canım yanır, içim yanır. Çərşənbə axşamı mədəndən gələn xəbərə inana bilmədim. Qəzanı anlamaqda çətinlik çəkirəm”.

Xatırladaq ki, Türkiyənin Manisa vilayətinin Soma qəsəbəsindəki mədən faciəsi nəticəsində ölənlərin sayı 298-ə çatıb.

Türkiyənin Manisa vilayətindəki Soma qəbəsində baş vermiş mədən faciəsi nəticəsində ölənlərin sayı 300-ə yaxınlaşır. Musavat.com-un məlumatına Türkiyənin enerji və təbii sərvətlər naziri Taner Yıldız mədəndən daha 8 işçinin cəsədinin çıxarıldığını bildirib. Beləliklə, mədən faciəsi qurbanlarının sayı 292-yə çatıb