Litva Seyminin İqtisadiyyat komitəsi “Lukoyl” şirkətinin Rusiyanın Avropadakı hərbi aqresiyasını müdafiə etməsi ilə əlaqədar məsələləri araşdırmaq üçün Dövlət Təhlükəsizlik Departamentinə müraciət etmək niyyətindədir.

Axar.az Regnum agentliyinə istinadən xəbər verir ki, bu açıqlama ilə komitənin üzvü Remiqiyus Jemaytaytis çıxış edib. O, “Lukoyl”un Rusiyanın hərbi fəaliyyətini maliyyələşdirdiyini bildirib. Jemaytaytis iddiaların təsdiqlənəcəyi təqdirdə “Lukoyl”un Litvada fəaliyyətinə qadağa qoyulacağını deyib.

“İstəsəm, qoşunları Şərqi Avropaya göndərərəm”

Rusiya prezidenti Putin yenidən Avropanı təhdid edib. AzNews.az xəbər verir ki, o, rus qoşunlarının iki gün ərzində Kiyevdən başlayaraq bir sıra Şərqi Avropa şəhərlərinə ola biləcəyini söyləyib. Alman mediasının yazdığına görə, bu barədə Avropa Birliyinin xarici xidmətlərindən birinin bəyanatında qeyd olunub. Həmin məlumatda bildirilir ki, Putin Ukrayna prezidenti Pyotr Poroşenkonu hədələyərək deyib: “İstəsəm, iki gün ərzində qoşunları təkcə Kiyevə yox, Riqa, Vilnus, Tallin, Varşava və Buxarestə yollaya bilərəm”.

Poroşenko da öz növbəsində Putinlə söhbəti barədə Avropa Komissiyasının sədri Joze Manuel Barrozuya məlumat verib. Deyib ki, V. Putin ona Avropa Birliyinə çox güvənməməyi məsləhət görüb. Putin bildirib ki, istəsə Avropa Şurasının qərarlarını blok edə bilər.

Rusiya prezidentinin budəfəki bəyanatı Joze Manuel Barrozu ilə telefon danışığını xatırladıb. Putin Avropa Komissiyasının sədri ilə söhbətində də qeyd etmişdi ki, istəsə iki həftə ərzində Kiyevi ələ keçirə bilər. Avropa Şurasının avqust ayında keçirilən sammitində Barrozu bu barədə Avropa ölkələrinin nümayəndələrinə məlumat vermişdi. Bundan sonra rəsmi Kreml Barrozu şəxsi söhbəti ictimailəşdirməkdə günahlanıdırmışdı.

Avropa Şurasını Nazirlər Komitəsi Ukraynanın ərazisində Rusiya qoşunlarının mövcudluğunu rəsmən tanıyıb.

ANS PRESS-in məlumatına görə, bu barədə Ukrayna Xarici İşlər Nazirliyi açıqlama yayıb.

Açıqlamada bildirilir ki, AŞ Nazirlər Komitəsi Ukraynanın ərazisində Rusiya qoşunlarının mövcudluğunu ilə bağlı qərarı bu gün qəbul edib.

Şuranın qərarında bildirilir ki, Rusiya bütün qoşun bölmələrini Ukrayna ərazisindən, o cümlədən qanunsuz işğal edilmiş Krım Muxtar respublikasından çıxarılmalı və bundan sonra Ukraynaya hər hansı hərbi müdaxilədən yan keçməlidir.

Ukrayna xarici siyasət idarəsi isə AŞ Nazirlər Komitəsinin bu qərarını alqışlayıb

Şimali İraqdakı kürd silahlı birləşmələri – peşmərgələr “İslam dövləti” (əvvəki adı İŞİD)  terror təşkilatının 40 üzvünü öldürüb. Modern.az xarici mətbuata istinadən xəbər verir ki, terrorçular Mosulun şimalındakı Bartella şəhərində öldürülüblər.

Peşmərgələrin rəhbəri Kamaran Həvrami Zartek dağı yaxınlığında 40 “İŞİD”çinin öldürüldüyünü və onların 9 avtomobilinin ələ keçirildiyini söyləyib.

“Peşmərgə ABŞ helikopterlərinin hava dəstəyi sayəsində xeyli irəliləyib. Həsən Şam kəndi və ətraf əraziləri nəzarət almışıq.

Biz İŞİD-in ciyərini çıxaracayıq”, - deyə kürd komandir deyib.Hazırda peşmərgə və ABŞ aviaisiyası Mosul uğrunda döyşülərə hazırlaşır.

İŞİD (İraq Şam İslam Dövləti) terror təşkilatı ABŞ prezidenti Barak Obamanın onlara qarşı müharibə bəyanatına cavab olaraq video yayıb. 

Bu barədə AzNews.az nytimes.com-a istinadən xəbər verir. 

Çərşənbə axşamı yaydıqları video ilə İŞİD yaraqlıları ABŞ əsgərləri hücuma keçərsə, onları öldürəcəklərini elan ediblər.

Videonun yayılma vaxtı da diqqət çəkib. Bundan bir neçə saat əvvəl prezident Obamanın hərbi müşavirlərindən biri Konqresə müraciət edərək, İŞİD-ə qarşı hava hücumu kampaniyasının kifayət olmadığını bildirib. O təklif edib ki, İŞİD-lə döyüşmək üçün hərbi qoşunlar göndərilsin. 

52 saniyə davam edən video Hollivud filmlərinin treylerini xatırladır. Amerika tankları və əsgərlərinin hücum altında yaralıları daşıması görüntüləriylə başlayan video “Müharibənin alovları”, “Döyüş artıq başlayıb” kimi mesajlar ötürüb. 
Ancaq, ABŞ prezidenti çıxışında qeyd edib ki, Amerika İraqa döyüşmək üçün qoşun göndərməyəcək. 

İŞİD bu sonuncu videonu da sosial şəbəkələrlə mesaj ötürmə strategiyasının bir hissəsi kimi yayıb. Bundan əvvəl qruplaşma ikisi amerikalı olmaqla üç nəfərin edam videosunu da yaymışdı. 
İŞİD-in edam taktikasından sonra B. Obama bəyanat yayaraq təşkilatın məhv edilməsi üçün plan hazırlandığını, mümkün tədbirlərin görüləcəyini elan edib. 

BMT-nin vasitəçiliyi ilə İsrail və Fələstin arasında Qəzza zolağında bərpa işlərinə başlanmasına dair razılaşma əldə olunub.

Dalgatv-nin  APA-ya istinadən verdiyi xəbərə görə, bu barədə BMT-nin Yaxın Şərq üzrə xüsusi əlaqələndiricisi Robert Cerri bildirib.

Qeyd olunub ki, razılaşma işlərin aparılmasının təhlükəsizliyinə zəmanət verir, həmçinin görüləcək işlərə nəzarəti Fələstin həyata keçirəcək.

Qeyd edək ki “HƏMAS” hərəkatının lideri Əbu Marzuk bundan əvvəl bildirib ki, onun rəhbəri olduğu qruplaşma İsraillə birbaşa danışıqlar aparmağa məcbur olacaq.

Fələstin lideri Mahmud Abbas isə, öz növbəsində, HƏMAS ilə əməkdaşlığın kəsilməsinin mümkünlüyünə dair xəbərdarlıq edib.