Azərbaycanda general-mayor və polkovnik şəhid oldu

“İyulun 13-dən 14-nə keçən gecə Tovuz rayonunda şiddətli döyüşlər davam edib. Düşmənə sarsıdıcı zərbələr endirilib, yüzə qədər canlı qüvvəsi, texnikaları məhv edilib”.
Bunu Müdafiə nazirinin müavini Kərim Vəliyev Ermənistanın Tovuz rayonu istiqamətindəki təxribatları barədə keçirdiyi brifinqdə bildirib.

O qeyd edib ki, Azərbaycan Ordusunun general-mayoru Polad Həşimov və polkovnik İlqar Mirzəyev qəhrəmancasına şəhid olub.
“Bizim generallar əsgərlə çiyin-çiyinə, cəsarətlə döyüşürlər”.

K.Vəliyev əlavə edib ki, hazırda döyüşlər davam edir.