Türkiyə ilə Hollandiya arasında diplomatik böhran getdikcə böyüyür.

Dalga tv  ölkə.az-a istinadən xəbər verir ki, Türkiyənin xarici işlər nazirliyi Hollandiyanın müvəqqəti işlər üzrə vəkilini üçüncü dəfədir ki, nazirliyə çağırıb. Vəkilə 2 nota verilib.

Türkiyə tərəfi Hollandiya rəsmilərindən yazılı formada üzr istənilməsini tələb edir.

“Son vaxtlar həm ABŞ-da, həm də Avropada islamofobiya meyllərinin gücləndiyi müşahidə olunur”.

Bunu APA-ya açıqlamasında Niderlandın Türkiyə xarici işlər naziri Mövlud Çavuşoğlunun təyyarəsinin enişinə icazə verməməsi və ailə və sosial siyasət naziri Fatma Betül Sayan Kayanın Türkiyənin Rotterdamdakı Konsulluğuna buraxılmayaraq ölkədən çıxarılmasına münasibət bildirən millət vəkili, Bütöv Azərbaycan Xalq Cəbhəsi Partiyasının (BAXCP) sədri Qüdrət Həsənquliyev bildirib.

Q. Həsənquliyev deyib ki, özünü demokratiyanın beşiyi sayan, demokratik, ali dəyərlərin daşıyıcısı, təminatçısı olduğunu söyləyən ölkələr demokratik prinsiplərə, dəyərlərə barmaqarası baxırlar: “Guya demokratiyanı müdafiə adı altında insanların sərbəst toplaşmaq azadlıqlarını məhdudlaşdırırlar. Bu, bizi hiddətləndirir”.

BAXCP sədri hesab edir ki, Türkiyə hökuməti bu cür təxribatlara emosional və kəskin reaksiyalar verməməlidir: “Çünki Avropa ilə münasibətlərin tamamilə korlanması Türkiyənin dövlət maraqlarına cavab vermir. Türkiyənin rəsmiləri daha təmkinli davranmalı, bu cür konfliktlərdən qaçmalıdırlar. İmkan verməməlidirlər ki, Türkiyəyə qarşı böyük bir informasiya savaşı açılsın və Türkiyənin dünyadakı imici tamamilə korlansın. Çünki dünyanın aparıcı KİV-i Qərbin nəzarətindədir və bu baxımdan Qərblə bu qarşıdurma Türkiyənin və müttəfiqlərinin dövlət maraqlarına qətiyyən cavab vermir. Bu baxımdan Türkiyə hökumətinin daha təmkinli davranmasını arzulayardım. Türkiyəni təxribatlara çəkirlər və Türkiyə bu təxribatlara getməməlidir”.

Hollandiya Türkiyə ilə aralarında baş verən siyasi qalmaqalla bağlı açıqlama yayıb.

“Dalga tv"nin "Posta” qəzetinə istinadən verdiyi məlumata görə, açıqlamada bildirilir ki, Türkiyə öz ərazisində olan hollandiyalı deputatların təhlükəsizliyinə cavabdehlik daşıyır.

“Vəziyyət hələ ki, naməlum istiqamətdə cərəyan edir. Türkiyə ölkədə diplomatik xidmət göstərən diplomatlarımızın təhlükəsizliyinə görə məsuliyyət daşıyır. Türk rəsmilərə qarşı reaksiyamızı göstərmişik”, - deyə bəyanatda qeyd olunub.

Türkiyə Xarici İşlər Nazirliyi Niderlanda iki nota verib.

APA-nın “Milliyet”ə istinadən verdiyi məlumata görə, notalar türkiyəli nazirlərə qarşı tətbiq edilən məhdudiyyətlər və dinc toplaşma hüququndan istifadə edən Türkiyə vətəndaşlarına qarşı pis rəftarla bağlıdır. Niderlandın Türkiyədəki müvəqqəti işlər vəkili 3-cü dəfə nazirliyə çağırılıb.

Notalarda türk nazirlərə qarşı etik və beynəlxalq normalara uyğun olmayan münasibətlər pislənib və bununla bağlı Niderland rəsmilərindən yazılı üzrxahlığın gözlənildiyi bildirilib. 

Gürcüstan Turizm Nazirliyi maraqlı addım atıb.

“Dalga tv” xəbər verir ki, keçən il həmin ölkəyə gələn 6 000 000-cu turistə nazirliyik sürpriz edib.

Belə ki, o, xüsusi qarşılanıb və Gürcüstanın ən bahalı, görməli yerlərinə aparılıb.

Tiflisdə Şərq Tərəfdaşlığı ölkələrində enerji sektorunun inkişafı üçün Avropa İttifaqının (Aİ) İdarəetmə Proqramının (EU4Energy) regional ofisi açılıb.

APA-nın Gürcüstan bürosunun məlumatına görə, açılış mərasimində Gürcüstan baş nazirinin müavini, Energetika naziri Kaxa Kaladze, Avropa Qonşuluq Siyasəti və Genişlənmə Komissiyasının baş direktor müavini Katerina Maternova, Energetika Birliyi Katibliyinin direktoru Yanes Kopaç çıxış ediblər.

Yeni proqramın həyata keçirilməsi haqqında saziş 2016-cı ilin iyununda “Enerji Birliyi”  beynəlxalq təşkilatı və Avropa Komissiyası tərəfindən imzalanıb. Bu proqram enerji sahəsində Aİ-nin regional əməkdaşlıq proqramı İNOGATE-in davamıdır. Proqram dörd il üçün nəzərdə tutulub və altı ölkəni əhatə edir. Bu ölkələrə Moldova, Ukrayna, Ermənistan, Gürcüstan, Azərbaycan və Belarus daxildir. Layihə Avropa İttifaqı tərəfindən maliyyələşdirilib.

EU4Energy proqramı qaz, elektroenerji sahələrinin keyfiyyəti və yeni enerji mənbələrinin tapılması ilə məşğul olacaq. Proqramın ümumi enerji əlaqələndirilməsi ilə Enerji Birliyi Katibliyi məşğul olacaq. Proqramın Şərq Tərəfdaşlığı ölkələri üçün büdcəsi 6,8 milyon avro təşkil edir. 

Tədbirdə Aİ-nın Gürcüstan nümayəndəliyi, diplomatik korpus və beynəlxalq təşkilatların nümayəndələri və digər rəsmi şəxslər iştirak edib.