Ermənistan Mərkəzi Seçki Komissiyası bazar günü keçirilən parlament seçkilərinin ilkin nəticələrini açıqlayıb.

APA-nın “news.am” saytına istinadən verdiyi məlumata görə, saat 12.00-yə 2009 seçki məntəqəsinin hamısından məlumatlar daxil olub və səslər hesablanıb.

Beləliklə, Ermənistan parlamentində partiya kimi yalnız hakim Respublika Partiyası və Daşnaksutyun Partiyası təmsil olunmaq hüququ qazanıb.

Respublika Partiyası seçicilərin 49,12 faizinin,  Daşnaksutyun Partiyası  isə 6,57 faizinin səsini toplayıb. Blok qismində isə parlamentdə 27, 32 faiz səs toplamış “Tsarukyan” və 7,77 faiz səs toplamış “Yelk” ("Çıxış") blokları təmsil olunacaq.

Qeyd edək ki, parlamentdə təmsil olunmaq üçün partiyalar ən azı 5, bloklar isə 7 faiz səs qazanmalıdır. Beləliklə, əsas müxalif qüvvələr sayılan Ermənistanın ilk prezidenti Levon Ter-Petrosyanın rəhbərlik etdiyi Ermənistan Milli Konqresi və 1999-cu ildə parlamentdə atışmada öldürülən spiker Karen Dəmirçiyanın oğlu Stepan Dəmirçiyanın başçılıq etdiyi “Xalq” partiyasının birgə təmsil olunduğu blok (1,65 faiz) və sabiq müdafiə naziri olan Seyran Ohanyan, 1991-1992-ci illərdə Ermənistanın xarici işlər naziri olmuş Raffi Ovanisyan və 1998-2008-ci illərdə xarici siyasət idarəsinin rəhbəri vəzifəsini tutmuş Vardan Oskanyan başçılıq etdiyi “Ohanyan-Raffi-Oskanyan” bloku (2,7 faiz), o cümlədən Azad Demokratlar Partiyası (0,94 faiz), Ermənistan Kommunist Partiyası (0,75 faiz), Erməni Dirçəlişi Partiyası (3,71 faiz) parlamentdən kənarda qalıb.

2017-ci ilin əvvəlindən dünyanın müxtəlif yerlərində hotel, mehmanxana və hostellər açılıb. Onların sırasında yetərincə qeyri-adi olanlar var. Bəziləri qonaqları xüsusi dizaynı, digərləri təqdim edilən xidmətlər və hətta məkanın ölçüləri ilə təəccübləndirmək qərarına gəlib.  

Dalga tv Lenta.ru-ya istinadən son bir neçə ay ərzində ilk turistlərini qəbul edən maraqlı hotelləri təqdim edir. 

“The Book and Bed Tokyo-Kyoto” (Kioto, Yaponiya) kitab hostelində yataq yerləri kitab rəflərində yerləşir. Hər seksiyada lampa və pərdə var.  

Tel-Əvivdə Frişman çimərliyində xilasediclərin qülləsində quraşdırılan ilk hotel yalnız 10 gün 15-25 mart tarixində fəaliyyət göstərib. Bu hoteldə yalnız müsabiqədə iştirak edərkən yaşamaq mümkün olub.

Məşhur ingilis rəssamı Benksinin də artıq öz hoteli var. “Walled Off Hotel” hoteli Fələstin və İsrail sərhədində açılıb. Hoteldə doqquz adi və bir syut var. Hotelin otaqlarının divarlarını Benksinin əsərləri bəzəyir.  

“The 7th Room ” hotelini Laplandiyada meşədə inşa ediblər. Ənənəvi Skandinaviya evini xatırladan ev, 10 metr hündürlükdə 12 sütun üzərində qurulub. Ümumi sahəsi 55 kvadratmetrdir. 

Maldiv adalarında dəbdəbəli hotellərin açılışı adi haldır. Amma “Hurawalhi Island Resort” beşulduzlu hotel sualtı restoranı ilə qürrələnə bilər. Masalar şəffaf tuneldə yerləşdirilib, dəniz məhsulları yalnız menyuda deyil, eləcə də ətrafdadır.

İspaniyanın “In-Tenta” dizayner şirkəti hotel deyil, portativ mehmanxana otağı icad edib. “Drop box” adı alan konstruksiya dörd nəfər üçün nəzərdə tutulub. İki yataq otaqlı variant nəzərdə tutulub. Nömrədə vanna otağı və terras var. 

İlin əvvəlində Sinqapurun mərkəzində “Oasia” hoteli qonaqlarını qəbul etməyə başlayıb. 27 mərtəbəli bina təbii bitki örtüyünə malikdir. Hoteldə 314 nömrə var, burada ofis və mağaza fəaliyyət göstərir. 

Yaponiyanın “Henn na Hotel” hotelində martın ortasında, demək olar ki, əməkdaşlar olmur. Qeydiyyat masasında çalışan qızları və digər əməkdaşları robotlar əvəz edir.  

“The Breakers” hoteli 1896-cı ildən fəaliyyət göstərir. Doğrudur, həmin dövrdə hotel “The Palm Beach Inn” adlanırdı. “The Flagler Club” hoteli isə bu yaxınlarda açılıb. Dünyada ilk dəfədir ki,  bir hotelin içində başqa bir hotel açılır. Nömrələrin qiyməti isə burada 2,1 min dollardan başlayır. 

Yük konteynerlərindən inşa edilən“Quadrum” hoteli martın əvvəlində Gürcüstanda açılıb. Qudauri məşhur dağ-xizək kurortudur. Hotel turistlərə bir nəfərlik və ailəvi, eləcə də lyuks nömrələr təklif edir. Bundan başqa, hovuz və sauna da xidmətinizdədir. 

23 yaşlı gənc fizik Sabrina Gonzales Pasterski hazırda dünyanın ən ağıllı elm adamlarından biri kimi göstərilir.

Əslən Kubadan olan Sabrina MIT-dən 3 il ərzində bütün imtahanlardan ən yüksək qiyməti alan tək qadın kimi tarixə düşüb. Dünya mediası onu yeni Enşteyn kimi qələmə alır.

Sabrina eynilə Enşteyn kimi qara dəliklər, cazibə qüvvəsi və kosmos zamanı ilə bağlı mövzularla maraqlanır. O, bu sahədə inqilab yaradan insanlardan biri ola bilər. Ancaq Sabrinanın yeni Enşteyn kimi göstərilməyinin tək səbəbi elmi uğurları deyil.

İlk dəfə 2008-ci ildə cəmi 14 yaşında tək başına motorlu təyyarə yaratmağı bacarıb. MIT professorları Sabrinanın istedadının standartdan üstün olduğunu qeyd edirlər.

O, hələ də ağıllı telefon, feysbuk, instaqram və linkedindən istifadə etmir. (bizplus)

Bu gün yerli vaxtla saat 15.00-a qədər Ermənistanda keçirilən parlament seçkilərində pozuntularla əlaqədar Ermənistan Baş Prokurorluğuna 970 məlumat daxil olub.

Dalga tv-nin APA-ya istinadən verdiyi məlumata görə, Baş Prokurorluğun Xüsusi işlər üzrə idarəsinin rəis müavini Sevak Ovannisyan həmin məlumatlardan 131-də cinayət əməli aşkarlandığını bildirib.

Həmin məsələlər araşdırılması üçün İstintaq Komitəsinin regional bölmələrinə və Ermənistan Polisinə göndərilib. Bu məlumatlardan 48-i başqasının yerinə səs vermə, yaxud təkrar səsvermə, 26-ı gizli səsvermə, 9-u seçicinin müstəqil iradəsini ifadə etməyə maneə yaradılması, 15-i vəzifəli şəxslərin, müşahidəçilərin, komissiya üzvlərinin, KİV-lərin səlahiyyətlərini yerinə yetirməyə mane olma, 8-i seçicinin ələ alınması, 2-i seçki məntəqələrində qruplarla toplaşma, 23-ü seçicilərə təzyiq göstərilməsi ilə bağlı olub.

Ermənistanda 13/18 saylı seçki məntəqəsində dava olub.

Dalga tv Trend-ə istinadən xəbər verir ki, səsvermə zamanı müşahidəçi ilə seçici arasında dava baş verib.

Ermənistan prezidenti Serj Sarkisyan parlament seçkilərində səsvermədə çətinlik çəkib.

Dalga tv-nin Trend-ə istinadən verdiyi məlumata görə, texniki vasitə Sarkisyanın biometrik kartını tanımadı.

Yaranan problem bir müddət sonra aradan qaldırılıb.