İranın Məşhəd və Nişapur şəhərləri arasında olan sürətli yolda güclü duman 130 avtomobilin toqquşmasına səbəb olub.

Dalga tv  Report-a istinadən xəbər verir ki, bu barədə “Tasnim” agentliyi məlumat yayıb.

IRINN telekanalının məlumatına görə, qəza nəticəsində 59 nəfər yaralanıb, 1 azyaşlı uşaq ölüb. Yolda böyük tıxac yaranıb.

Egey dənizinin Türkiyə sahilləri yaxınlığında, Quşadası istiqamətində qeyri-qanuni miqrantların olduğu qayıq batıb.

Dalga tv -nin “Hurriyyet”ə istinadən verdiyi məlumata görə, qəza nəticəsində 11 nəfər ölüb.

Məlumata görə, qayıqda 22 nəfər olub. Onlardan 8 xilas edilib, 3 nəfərin axtarışı davam edir.

Britaniya polisi Londonda terror aktı törətmiş şəxsin kimliyini açıqlayıb.

Dalga tv Report-a istinadən xəbər verir ki, bu, 52 yaşlı Xalid Məsuddur.

O, Kent qraflığında doğulub.

Təhqiqatçıların sözlərinə görə, Xalid Məsud son vaxtlar Qərbi Midlends qraflığında yaşayıb. Qeyd edək ki, Parlament binası yaxınlığındakı Vestminster körpüsü üzərində baş verən silahlı insident nəticəsində 5 nəfər ölüb, 40 nəfər yaralanıb.

İnsanlara atəş açmış X.Məsud polis tərəfindən öldürülüb.

Londonda baş vermiş terror aktına görə məsuliyyəti “İslam Dövləti” terror təşkilatı öz üzərinə götürüb.  

APA-nın xəbərinə görə, bu barədə “Röyters”in yaydığı məlumatda deyilir. 

Xatırladaq ki, ötən gün naməlum şəxs Vestminster körpüsündə bir neçə nəfəri avtomobillə vurub və sonra parlament binasına yaxınlaşaraq polis əməkdaşını bıçaqlayıb. O, digər polislər tərəfindən zərərsizləşdirilib. Hadisə nəticəsində 5 nəfər ölüb, 40 nəfər yaralanıb.  

Bu ilin yanvar-fevral ayları ərzində Gürcüstan Azərbaycandan 14 mln. 464,2 min dollar dəyərində elektrik enerjisi idxal edib.

"APA-Economics" xəbər verir ki, bu barədə Gürcüstan Statistika Xidmətinin açıqladığı statistikada qeyd edilib.

Rəqəmlərin təhlili göstərir ki, 2016-cı ilin yanvar-fevral ayları ilə müqayisədə ötən iki ay ərzində Azərbaycan Gürcüstana 13 mln. 716,6 min dollar və 19,34 dəfə çox elektrik enerjisi ixrac edib.

Belə ki, ötən ilin yanvar-fevral aylarında qonşu ölkə Azərbaycandan 747,6 min dollar dəyərində elektrik enerjisi alıb.

Suriyanın Hələb şəhərində Etarib rayonunun Cina kəndində məscidə havadan hücum edilib.

Dalga tv  Hurriyete istinadən xəbər verir ki, namaz vaxtı həyata keçirilən hücumun nəticəsində 58 nəfər ölüb.  

Bundan başqa, hücum nəticəsində 100-dən çox adamın yaralandığına dair məlumat da yayılıb. Hücum zamanı məsciddə 300-ə yaxın adam olub. 

Suriyanın mülki müdafiə nümayəndəsi Yahya Cevad jurnalistlərə verdiyi açıqlamasında “Hərbi təyyarə Hələbin Etarib rayonunun Cina kəndində yerləşən məscidi bombaladı” deyib. 

Cevad sonda dağıntılar altından çıxarılan ölənlərin sayının 58-ə çatdığını bildirib. “Mülki müdafiə bölükləri hücuma məruz qalan məsciddə dağıntılar altında qalan insanları xilas etməyə çalışır. Hücum zamanı məsciddə 200-dən 300-ə qədər adam olub”. 

ABŞ SQ komandanlığı (CENTCOM) hücumun həyata keçirildiyini inkar etməyib. Baş verən hadisə ilə əlaqədar verilən açıqlamada hücum İdlibdə “Əl Qahidə” terror təşkilatının yaraqlılarının toplaşdığı məkana edildiyi bildirilib.

Jurnalistlərin İdlib əməliyyatı ilə Cina kəndində həyata keçirilən hava hücumunun eyni əməliyyat olmasına dair sualına gəldikdə isə, CENTCOM nümayəndəsi hücumun İdlibdə deyil, Hələbin Cina kəndində həyata keçirildiyini təsdiqləyib. 

Dini İşlər Nazirliyin rəhbərliyi Məhməd Görməz hücumla əlaqədar “Twitter” hesabında “Bir insanı səcdədə olarkən öldürməyin və bir məbədin partladılmasının nə Allah, nə də bəşəriyyət qarşısında bir izahı ola bilməz” yazıb.