Gürcüstan MSK parlament seçkilərini izləmək üçün Azərbaycana nümayəndə heyəti göndərəcək
Gürcüstanın Mərkəzi Seçki Komissiyası (MSK) Azərbaycan MSK-dan fevralın 9-da keçiriləcək parlament seçkilərinə müşahidəçilərin göndərilməsi ilə bağlı dəvət alıb.
Bunu “Report”un yerli bürosunun sorğusuna cavab olaraq Gürcüstan MSK-nın mətbuat katibi Ana Mikeladze deyib.
Onun sözlərinə görə, Gürcüstan MSK Azərbaycana nümayəndə heyəti göndərməyi planlaşdırır: “Nümayəndə heyətində komissiyanın sədr müavini Giorgi Şarabidze və katibi Giorgi Cavaxişvili təmsil olunacaqlar. Heyətə komissiyanın digər əməkdaşlarının da əlavə olunacağı nəzərdə tutulub”.
