რუსეთის პრეზიდენტის ვლადიმერ პუტინის ბაქოში ვიზიტის დრო გახდა ცნობილი.
მოსალოდნელია, რომ პუტინი აზერბაიჯანს მომავალი კვირის დასაწყისში ეწვევა. ვიზიტი 14 აგვისტომდე იგეგმება.
ამის შესახებ რუსეთის პრეზიდენტის პრესმდივანმა დმიტრი პესკოვმა საიტ "ვესტნიკ კავკაზას" კორესპონდენტს განუცხადა.
ვიზიტის დროს პუტინი პრეზიდენტ ილჰამ ალიევს შეხვდება.
არაოფიციალური ინფორმაციით, ვიზიტის დროს პუტინი აზერბაიჯანს ევროსაბჭოში გაწევრიანებას შესთავაზებს.
აღსანიშნავია, რომ პუტინი ბოლოს აზერბაიჯანში 2007 წელს იყო.

რუსეთში პირველმა ტაჯიკურმა ტელეარხმა "საფომ" მაუწყებლობა დაიწყო. ამის შესახებ ინტერფაქსს ახალი არხის რუსული განყოფილების რედაქტორმა ტიმურ ვარკიმ განაცხადა. ტელეარხს ტაჯიკეთიდან რუსეთში ჩამოსული შრომის მიგრანტებისთვის და ამ ქვეყანაში მცხოვრები ეთნიკური ტაჯიკებისთვის პოპულარობა სურს.
"ამჟამად რუსეთში ბევრი ტაჯიკელი ცხოვრობს. ტაჯიკების მიგრაცია უკვე მხოლოდ ტაჯიკეთის პრობლემა არაა. სამწუხაროდ, ტაჯიკეთის მთავრობა მას ხელს ვერ უშლის და მათი დახმარება არ შეუძლია", - განაცხადა ვარკიმ.
მისი თქმით, 24-საათიანი მაუწყებლობის მქონე "საფო" ტაჯიკეთის გარდა, ცენტრალური აზიის სხვა რესპუბლიკების, აგრეთვე ირანის და ავღანეთის მოსახლეობის ცხოვრებაზე ისაუბრებს.

ისრაელის პრემიერ-მინისტრი ბინიამინ ნეტანიაჰუ მუცლის არეში ძლიერი ტკივილების გამო იერუსალიმის ერთ-ერთ საავადმყოფოში მიიყვანეს.
ნეტანიაჰუს პირადმა ექიმმა მას "კუჭის წყლულის" დიაგნოზი დაუსვა.
შესაბამისი კვლევების შემდეგ ექიმებმა მისთვის ოპერაციის გაკეთება გადაწყვიტეს. ადგილობრივი (ლოკალური) ანესთეზიის ქვეშ ერთსაათიანი ოპერაცია იგეგმება. ინფორმაციის თანახმად, იმ შემთხვევაში, თუ პრემიერ-მინისტრს საერთო ანესთეზიას გაუკეთებენ, პრემიერ-მინისტრის უფლებამოსილებას დროებით თავდაცვის მინისტრი მოშე იალონი შეასრულებს.
ნეტანიაჰუს საავადმყოფოდან გამოწერა 11 აგვისტოს დღის მეორე ნახევარში იგეგმება.

აშშ-ის გემი ბათუმის პორტში 4-დღიანი ვიზიტით იქნება.
დღეს საქართველოს დროით 11:00-ზე შავი ზღვის ბათუმის პორტზე აშშ-ის გემი Bulkeley 4-დღიანი ოფიციალური ვიზიტით ჩამოვიდა. ხვალ, 11 აგვისტოს შეხვედრის დროს სანაპირო დაცვის ბრძანებით ამერიკის გემის შემადგენლობასთან ერთად დაგეგმილი სამხედრო საზღვაო წვრთნების ასპექტები განიხილება.
მანევრებში ამერიკის გემი და საქართველოს 2 დაცვითი ნავი მიიღებენ მონაწილეობას.

აშშ-ის პრეზიდენტმა ბარაკ ობამამ თეთრ სახლში ორგანიზებულ პრესკონფერენციაზე ბოლო პერიოდში რუსეთის მთავრობასთან ურთიერთობების შესახებ განცხადება გააკეთა.
ობამამ ორ ქვეყანას შორის ურთიერთობების დაძაბულობის ზრდის მიუხედავად, ვლადიმერ პუტინთან პირადი ურთიერთობების სასურველ დონეზე ყოფნა აღნიშნა და არც ხუმრობისგან შეიკავა თავი.
"ვიცი, რომ პრესა სხეულის ენას დიდ მნიშვნელობას აძლევს. პუტინს უცნაური დგომის პოზიცია აქვს. ის კლასში ბოლო მერხზე მასწავლებლისგან დამალულ ბავშვს ჰგავს. მაგრამ ფაქტია, რომ მასთან შეხვედრები კარგი შედეგებით სრულდება".
აშშ-ის პრეზიდენტმა ბოლო დღეებში რუსეთთან ურთიერთობების დაძაბვას, G20-ის ფარგლებში პუტინთან პირისპირ შეხვედრაზე უარის თქმას ნათელი მოჰფინა. მან აღნიშნა, რომ საბჭოთა კავშირის დაშლის შემდეგ აშშ-სა და რუსეთის ურთიერთობებში დაძაბულობა არსებობს.
"ზოგ სფეროში საერთო ინტერესები გვაქვს, ზოგ საკითხში კი ჩვენ შორის კონკურენციაა".