1 აგვისტოს რუსეთისგან დროებითი თავშესაფრის მიმღები აშშ-ის ცენტრალური სადაზვერვო დეპარტამენტის ყოფილი თანამშრომლის ედვარდ სნოუდენის მამამ ლონ სნოუდენმა განაცხადა, რომ მისი შვილის შეერთებულ შტატებში ექსტრადიცია არ განხორციელდება.
ლ. სნოუდენმა განაცხადა, რომ მას სჯერა, რომ რუსეთის პრეზიდენტი ვლადიმირ პუტინი აშშ-ის ადმინისტრაციის ზეწოლების გამო უკან არ დაიხევს.
"პუტინმა უკვე დაადასტურა, რომ ჩვენი მთავრობის ზეწოლის წინააღმდეგ დადგომა შეუძლია და დარწმუნებული ვარ, ეს ასე გაგრძელდება" - განაცხადა ლ. სნოუდენმა.
შეგახსენებთ, რომ ცენტრალური სადაზვერვო დეპარტამენტის ტექნიკური სპეციალისტი ედვარდ სნოუდენი სასამართლოს საიდუმლო ორდერის გავრცელებაშია ბრალდებული. ამავე ორდერის თანახმად, აშშ-ის მობილური ოპერატორის Verizon-ის ყველა ზარის მონიტორინგის უფლებას იძლევა.
აგრეთვე სნოუდენს აშშ-ის ეროვნული უშიშროების სააგენტოს კონფიდენციალური პროგრამის PRISM შესახებ ინფორმაციის გავრცელებაში სდებენ ბრალს. ეს პროგრამა დიდ საიტებში ელექტრონული კომუნიკაციების მონიტორინგის შესაძლებლობას იძლევა.
აშშ-ის პრეზიდენტმა ბარაკ ობამამ სნოუდენისთვის დროებითი თავშესაფრის მიცემისთვის რუსეთის პრეზიდენტ ვ. პუტინთან სექტემბერში დაგეგმილ შეხვედრაზე უარი განაცხადა.

უკრაინის ქალაქ ოდესაში ამერიკის ცნობილი რეპ-როკ ჯგუფის "Bloodhound Gang" გამოსვლა ღონისძიების ორგანიზატორების მიერ შეწყდა.
სცენაზე გამოსული ჯგუფის "Bloodhound Gang"-ის სოლისტმა მაყურებლების თვალწინ რუსეთის დროშა შეურაცხყო და განაცხადა "ამის შესახებ პუტინს არ უთხრათ".
ჯგუფის ასეთმა საქციელმა ბოლოს საერთაშორისო სკანდალი გამოიწვია.
კრასნოდარის გუბერნატორმა ალექსანდ ტკაჩევმა შემთხვევასთან დაკავშირებით რეპ-როკ ჯგუფის "Bloodhound Gang" რუსეთში შესვლის აკრძალვის განკარგულება გასცა.
ამავდროულად ჯგუფის რუსეთის ქალაქ კრასნოდარში დაგეგმილი კონცერტიც გაუქმდა.
აშშ-ის ელჩმა მოსკოვში კი შემთხვევასთან დაკავშირებით რუსეთს ოფიციალურად ბოდიში მოუხადა, განაცხადა, რომ მუსიკოსების ეს საქციელი სამარცხვინოა.

ამერიკაში დანაშაულებრივი ჯგუფის "Armeniam Power" 2 სომეხი წევრი დააპატიმრეს.
მათ ბრალი ედებათ შეიარაღებულ თავდასხმაში და ქურდობაში.
CBS-ის ინფორმაციით, 23 წლის ლევონ ისკანდარიანი და 33 წლის სამბრე ხაჩიანი ქალაქ პანორამა სითიში ადამიანებზე შეიარაღებული თავდასხმის შემდეგ დააკავეს. ცნობილია, რომ თავდასხმაში მესამე პირიც მონაწილეობდა, თუმცა მისი დაკავება ჯერჯერობით ვერ მოხერხდა. პოლიციამ დაადასტურა, რომ დაკავებული პირები ქუჩაში მოქმედი დანაშაულებრივი ჯგუფის წევრები არიან.