ბიშკეკის მერიამ და აზერბაიჯანის ხელისუფლებამ ყირგიზეთის დედაქალაქში აზერბაიჯანის მხარდაჭერით სკოლის მშენებლობას განიხილავენ.
ამ საკითხს ბიშკეკის მერის ისა ომურკულოვის აზერბაიჯანის ამ ქვეყანაში ელჩთან ჰიდაეტ ორუჯოვთან შეხვედრისას შეეხნენ.
ომურკულოვის თქმით, სკოლა ჰეიდარ ალიევის სახელობის იქნება. საგანმანათლებლო დაწესებულება ბიშკეკის ცენტრში აშენდება. გარდა ამისა, შეხვედრაზე ჰეიდარ ალიევის პარკის სარეკონსტრუქციო და სარემონტო საკითხებიც განიხილეს.
ამჟამად ორი ქვეყნის არქიტექტორები პარკის პროექტს და დიზაინს ამზადებენ. 10 ჰექტარის ფართობის მქონე პარკი სამხრეთ კარიბჭეში მდებარეობს.
ბიშკეკის მერმა აღნიშნა: "პარკი დედაქალაქის მოსახლეობის და სტუმრების დასასვენებელი ადგილი იქნება. დამსვენებლების ჰეიდარ ალიევის ცხოვრებასთან გასაცნობად პარკში საინფორმაციო სტენდები დამონტაჟდება. იმედი გვაქვს, რომ ეს პარკი ორი მეგობრული ქვეყნის ურთიერთობების განვითარებაში დიდ წვლილს შეიტანს".

ინდოეთში გასაკვირი შემთხვევა მოხდა.
ცნობილი გახდა, რომ 24 წლის გოგოს ძმას გათხოვილ ქალთან ჰქონდა ურთიერთობა. ამის შემდეგ ბიჭი უცნაურად დასაჯეს. ამდენად, ბიჭის და იმ ქალის ქმარზე ძალით გაათხოვეს. ახალგაზრდა ქალის უბედურება ამით არ დასრულებულა.
სოფლის მოსახლეობის მიერ "შურისძიებად" დარქმეული ამ დაქორწინების შემდეგ ახალგაზრდა ქალი ქმრისა და ქმრის ძმების მხრიდან რეგულარულად ხდებოდა გაუპატიურების მსხვერპლი. ცოტა ხნის შემდეგ ქალი, რომელიც იძულებული გახდა, გაიქცეს, მათ პოლიციაში უჩივლა. პოლიციაში ქალმა განაცხადა: "ამ ქორწინებაზე უარი რომ მეთქვა, სოფელი სისხლის მდინარედ გადაიქცეოდა".
პოლიცია კი "დამნაშავეები დაისჯებიან"-ის თქმით დაკმაყოფილდა.

8 აგვისტოს რამაზანის დღესასწაულში მოსკოვის ცენტრალურ მეჩეთში შესვლა მხოლოდ პირადობის მოწმობით იქნება.
გაძლიერებულს კონტროლს დღესასწაულის დღისა და მძიმე ატლეტიკის მსოფლიო ჩემპიონატის თარიღის დამთხვევით ხსნიან. საბუთების შემოწმებას მოხალისეები დაეხმარებიან.
აღსანიშნავია, რომ მძიმე ატლეტიკის მსოფლიო ჩემპიონატი 10-დან 18 აგვისტომდე გაგრძელდება.

დღეს პაკისტანში ახალი პრეზიდენტი აირჩიეს.
ქვეყანაში რიგით მე-12 საპრეზიდენტო არჩევნების გამარჯვებული მემნუნ ჰუსეინი გახდა. მან მაისში საპარლამენტო არჩევნებში გაიმარჯვა და პრემიერ-მინისტრ ნევაზ შარიფის ხელმძღვანელობის პარტია "პაკისტანის მუსულმანთა ლიგის" კანდიდატი იყო. საპრეზიდენტო არჩევნები საზოგადოებისთვის დახურულად ჩატარდა და პრეზიდენტი 706 დეპუტატმა აირჩია.
საპარლამენტო არჩევნებში დამარცხებული მართველი "პაკისტანის სახალხო პარტიის" ლიდერის ასიფ ალი ზარდარის პრეზიდენტობის უფლებამოსილება 8 სექტემბერს სრულდება. ზარდარიმ საპარლამენტო არჩევნებში დამარცხების შემდეგ საპრეზიდენტო არჩევნებში მონაწილეობაზე უარი განაცხადა.

საფრანგეთის ქალაქ ბრეტინი-სურ-ორჟ-ში მომხდარი მატარებლის ავარიაში დაღუპულთა რიცხვმა 7-ს მიაღწია. დღეს 67 წლის ქალბატონი საავადმყოფოში გარდაიცვალა.
პარიზი-ლიმოჟის საერთაშორისო ექსპრესი 12 ივლისს ქალაქ ბრეტინი-სურ-ორჟში ავარიაში მოყვა. შემთხვევის შედეგად 6 ვაგონი ამოვარდა რელსიდან. ლოკომოტივი კი პლატფორმას დაეჯახა.

თურქეთის გაზეთ "საბაჰ"-ში მომუშავე იავუზ ბაიდარი კრიტიკული სტატიის The New York Times-ში დაბეჭდების შესახებ სამსახურიდან გააგდეს.
ბაიდარის სტატია "მედიამაგნატები თურქეთში დემოკრატიას აჭიანურებენ" ამერიკის მედიაში 19 ივლისს დაიბეჭდა.
სტატიაში ბაიდარმა აღნიშნა, რომ თურქეთის პრესა იმის გამო, რომ ხელისუფლებასთან მჭიდრო კავშირშია, სიმართლეს მალავს და ინფორმაციას ამახინჯებს. ეს კი განსაკუთრებით მაშინ გამოჩნდა, როცა მაისში ქვეყანაში მომხდარი მასობრივ აქციებს აშუქებდნენ.
თურქეთის პრესის ინფორმაციით, მიუხედავად იმისა, რომ იავუზ ბაიდარს ამ სტატიის გაზეთ "საბაჰში" დაბეჭდება უნდოდა, მას ამის ნება არ დართეს. თუმცა იმის შემდეგ, რაც სტატია "The New York Times"-ში დაიბეჭდა, გაზეთმა "საბაჰი" განაცხადა, რომ ჟურნალისტმა სტატიაში ის გაზეთი შეურაცხყო, რომელშიც მუშაობს.
აღსანიშნავია, რომ იავუზ ბაიდარი გაზეთში ომბუდსმენის ( შუამავალი მკითხველსა და გაზეთს შორის) თანამდებობას იკავებდა.