ირანში მორიგი საიდუმლო სიკვდილით დასჯა განხორციელდა.
პატიმრებიდან 5 ალბორზის ოლქის ქალაქ ქერეჯის რეჯაიშეჰრის, 6 კი ციხე გიზილჰასარში ჩამოახრჩვეს.
მათი სახელები და გვარები არ დაასახელეს და არც ბრალდებებია ცნობილი.
მხოლოდ ისაა ცნობილი, რომ ოთხი დღის წინ ცალკე კამერაში გადაიყვანეს და 22 აგვისტოს დღის საათებში სიკვდილით დასაჯეს.
აღსანიშნავია, რომ 22 აგვისტოს ურმიაში 5, არდაბილში 3, მაშჰადში 2, ჰანდიჯანში 1, 21 აგვისტოს კი ჯაჰრომსა და თავრიზში 2 ადამიანი დასაჯეს.
ამასთან ერთად, ორი დღის განმავლობაში 24 ადამიანი დაისაჯა. ახლა უკვე ვარაუდობენ, რომ ქვეყნის სხვა ციხეებშიც საიდუმლო სიკვდილით დასჯა ხორციელდება და ამ განჩინებებზე საზოგადოებას არ ეუბნებიან.

გუშინ ღამით ქერქუქ-ჯეიჰანის მილსადენის ხაზს თავს დაესხნენ.
თავდასხმა მოსულის მახლობლად განხორციელდა. მილსადენის ხაზთან ახლოს სამი ბომბი აფეთქდა. აფეთქების შედეგად ერაყიდან თურქეთში ნავთობის ექსპორტი შეჩერდა.
ცნობილია, რომ ამჟამად მილსადენის ხაზის რეკონსტრუქციის სამუშაოები მიმდინარეობს.

ტაილანდის სამეფოს სასამართლომ დღეს ირანის ორი მოქალაქე ბანგკოკში ისრაელის დიპლომატების წინააღმდეგ შეთქმულებაში დაადანაშაულა.
მათგან საიდ მორადს სამუდამო, მოჰამედ ქარზაის კი 15 წლით თავისუფლების აღკვეთა მიესაჯათ.
ბრალდების თანახმად, 39 წლის მორადმა და 43 წლის ქარზაიმ 2012 წლის თებერვალში ბანგკოკში ისრაელის ოფიციალური პირების წინააღმდეგ შეთქმულების მომზადებაში მონაწილეობდნენ. ცნობილია, რომ ამავდროულად მორადმა დაკავებისას პოლიციელის თანამშრომლების წინააღმდეგაც გამოიყენა ასაფეთქებელი მოწყობილება.
ბრალდებულები კი აცხადებენ, რომ ტერორისტული საქმიანობისთვის და შეთქმულების მომზადებისთვის ურთიერთობა არ ჰქონიათ.
აღსანიშნავია, რომ ამ მოვლენებამდე ირანის რამდენიმე მოქალაქე ისრაელის დიპლომატების წინააღმდეგ შეთქმულებაში იყვნენ ბრალდებულნი. ინდოეთის ქალაქ დელიში ისრაელის ოფიციალური პირების მანქანას თავს დაესხნენ. საქართველოში კი ისრაელის ელჩის ავტომობილზე თავდასხმის მცდელობა აღკვეთილ იქნა.
მაშინ, ირანის ხელისუფლებამ უარყო გავრცელებულ ინფორმაციაში მისი ამ ბრალდებებთან კავშირი.

"რამდენად არის სიმართლე სირიის ხელისუფლების ქიმიური იარაღის გამოყენებასთან დაკავშირებით განაცხადი, გაეროს დამკვირვებლების მიერ ჩატარებული გამოძიების შემდეგ გახდება ცნობილი". ეს აზრი რუსეთის საგარეო საქმეთა სამინისტროს სპეციალურმა წარმომადგენელმა ალექსანდრ ლუკაშევიჩმა დღეს ჩატარებულ ბრიფინგზე განაცხადა. რუსეთის საგარეო საქმეთა სამინისტროს ოფიციალურმა პირმა, რომელსაც სირიაში მყოფი გაეროს დამკვირვებლების საქმიანობის ქვეყანაში მომხდარი კრიზისის პოლიტიკური გზით მოგვარების მხარდაჭერის იმედი აქვს, განაცხადა, რომ სირიის მთავრობა შეძლებისდაგვარად გაეროს დამკვირვებლებთან თანამშრომლობისთვის მზადაა: "ხელისუფლება მათ ყველანაირად უჭერს მხარს. ქიმიური იარაღის მთავრობის წინააღმდეგ გამოყენებასთან დაკავშირებით განცხადებებს გაეროს დამოუკიდებელი დამკვირვებლების გამოძიებას ვუჭერთ მხარს".
ალექსანდრ ლუკაშევიჩმა განაცხადა, რომ დამასკის მახლობლად ქიმიური იარაღი ხელისუფლების წინააღმდეგ მებრძოლმა მეომრებმა გამოიყენეს: "დამასკში ქიმიური რაკეტა მათ მიერ იყო გამოყენებული. ეს 19 მარტს ხან ალ-ასალაში ტერორისტების გამოყენებული იარაღის მაგვარია. ყველაფერი ეს რეჟიმის მოწინააღმდეგეთა გაეროს უშიშროების საბჭოს (უს) მოთხოვნების წინააღმდეგ გამოსვლის საბაბია და 28 აგვისტოს დაგეგმილი კონფერენცია "ჟენევა-2"-ის ჩატარების შანსებს ამცირებს".
საგარეო საქმეთა სამინისტროს წარმომადგენელმა ყველა შესაძლებლობის მქონე პირს ექსტრემისტების მიერ ქიმიური იარაღის გამოყენების და პროვოკაციის შეჩერებისკენ მიუწოდა: "რამდენიმე მედია საშუალებებმა იმწუთში თითქოს საიდანღაც ბრძანება მიიღეს, ყველა პასუხისმგებლობა ხელისუფლებას დააკისრა და აგრესიულ ინფორმაციულ თავდასხმაზე გადავიდა. ეს ყველაფერი გვიჩვენებს, რომ ამ ინფორმაციის გამავრცელებლები კიდევ ერთხელ წინასწარ მომზადებული პრვოვოკაციით არის დაკავებული".

ეგვიპტეს ყოფილმა პრეზიდენტმა ჰოსნი მუბარაქმა კაიროში ტორას ციხიდან გათავისუფლდა.
მუბარაქმა ციხე ვერტმფრენით დატოვა და ქვეყნის სამხრეთით მდებარე სამხედრო ჰოსპიტალში მიიყვანეს. ყოფილი პრეზიდენტი სასამართლოს გადაწყვეტილებით გათავისუფლდა, მას კორუფციის ფაქტები და თანამდებობის ბოროტად გამოყენების ბრალდებები მოეხსნა. ამიტომაც მუბარაქის ციხეში დატოვებას იურიდიული მიზეზი არ ჰქონდა. ეგვიპტის სამხედრო ხელმძღვანელობამ მუბარაქი შინა პატიმრობაში ყოფნა გონივრულად სცნო, ეს გადაწყვეტილება ქვეყანაში საგანგებო სიტუაციით აიხსნა. ყოფილ პატიმარს ყველა ბრალდება არ მოუხსნეს. ის 2011 წელს დემონსტრანტების ხოცვის ეპიზოდში სისხლის სამართლის საქმის ერთ-ერთ მთავარ ფიგურად რჩება.