ჩეხეთის პარლამენტის ქვედა პალატას დეპუტატებმა პარლამენტის ნაადრევად დაშლას მისცეს ხმა.
მიუხედავად იმისა, რომ გადაწყვეტილების მისაღებად 120 დეპუტატის ხმის მიცემა იყო საჭირო, 140 დეპუტატმა "თანხმობა" განაცხადეს. გადაწყვეტილების "წინააღმდეგნი" კი 7 პარლამენტარი იყო.
ჩეხეთის პარლამენტის ქვედა პალატას უფლებამოსილების ნაადრევად შეჩერების წინააღმდეგ მყოფების ნაკლებობის მიზეზი მმართველი სამოქალაქო დემოკრატიული პარტიის დეპუტატების კენჭისყრამდე დარბაზის დატოვება იყო.
ქვედა პალატის დაშლას, როგორც მოსალოდნელი იყო, ჩეხეთის სოციალ-დემოკრატიული პარტიის, კომუნისტური პარტიის, "TOR 09" და პარტია "საზოგადოებრივი საქმეების" დეპუტატებმა მისცეს ხმა.
ჩეხეთის კონსტიტუციის თანახმად, ვადამდელი საპარლამენტო არჩევნების დღევანდელი გადაწყვეტილების შემდეგ 60 დღის განმავლობაში უნდა ჩატარდეს. არჩევნების თარიღს პრეზიდენტი მილოშ ზემანი განაცხადებს.
მომდევნო არჩევნები 2014 წლის მაისში უნდა ჩატარებულიყო.

სომხეთის ბუნების დაცვის სამინისტროს თანამშრომელი 22 წლის აიკ აირაპეტიანი მთავრობის სახლის მე-6 კორპუსიდან გადახტა და მოკვდა.
სამინისტროს ახალგაზრდა თანამშრომელმა აივნიდან გადახტომით თავი მოიკლა. ცნობილია, რომ თვითმკვლელობა პირად საკითხებთანაა დაკავშირებული.
აირაპეტიანი ცოტა ხნის წინ აიყვანეს სამინისტროში. მას კოლეგებთან კარგი ურთიერთობები ჰქონდა.

გაეროს გენერალურმა მდივანმა პან გი მუნმა დაპატიმრებული "მუსლიმთა საძმოს" მხარდამჭერების სიკვდილის ფაქტით შეშფოთება გამოთქვა.
პან გი მუნმა ინციდენტის საფუძვლიანად გამოძიებისკენ მიუწოდა.
გაეროს გენერალურმა მდივანმა აგრეთვე ქალაქ რეფაში პოლიციელების მკვლელობის ფაქტი დაგმო და ეგვიპტეში პოლიტიკური პროცესის აღდგენისკენ მიუწოდა.
პან გი მუნმა აღნიშნა, რომ "მუსლიმთა საძმოსთვის" უკიდურესად შეზღუდული სივრცე უნდა გაფართოვდეს, დემოკრატიული გზით არჩეული პრეზიდენტი მუსრი კი ან უნდა გათავისუფლდეს, ან და ღია სასამართლოს წინ უნდა წარდგეს.

რუსეთში აზერბაიჯანელი წარმოშობის მოქალაქესთან დაკავშირებით სასამართლო გადაწყვეტილებამ დიდი აჟიოტაჟი გამოიწვია. 47 წლის ლეონიდ ფროლოვის მკვლელობაში ბრალდებული ბახტიარ ალიევს 1-წლიანმა თავისუფლების აღკვეთამ პროტესტი გამოიწვია.
აზერბაიჯანელი, რომელმაც პატიმრობის პერიოდის უმეტესი ნაწილი გამოძიების პერიოდში გაატარა, 19 სექტემბერს გათავისუფლდება. ეს კი მოკლული ფროლოვის ნათესავებს და მეგობრებს არ აკმაყოფილებს. ისინი ამტკიცებენ, რომ სასამართლომ მკვლელი მსუბუქად დასაჯა.
მოკლული ლეონიდ ფროლოვი ერთ-ერთი ბაიკერთა ჯგუფის წევრი იყო. რაც შეეხება შემთხვევის მიზეზს, 2012 წლის 30 ივნისს მოსკოვის ოლქის ქალაქ სერგიევ-პოსადში ერთ-ერთ ბაზარში ოჯახთან ერთად მოსულ ფროლოვს გამყიდველებთან შელაპარაკება მოუვიდა.
ერთ-ერთმა გამყიდველმა ბახტიარ ალიევმა 47 წლის ფროლოვს ნიკაპის არეში მუშტით დარტყმა მიაყენა. ძლიერი დარტყმისგან დავარდნილმა ფროლოვმა დახურული ქალის-ტვინის ტრავმა მიიღო. მიუხედავად იმისა, რომ იგი უგონო მდგომარეობაში საავადმყოფოში გადაიყვანეს, რამდენიმე დღეში გარდაიცვალა. შემთხვევასთან დაკავშირებით პოლიციის განყოფილების ალყაშემომრტყმელი ფროლოვის ბაიკერ-მეგობრები ბახტიარ ალიევისთვის უფრო მძიმე სასჯელის მიცემას ითხოვენ. ამისთვის დაწყებულ ხელმოწერების შეგროვების კამპანიას 10 ათასზე მეტი ადამიანი შეუერთდა.

ეგვიპტის მთავრობამ ბრძანება გასცა, რომ ქვეყნის მთავარი მეჩეთები ყოველი ლოცვის შემდეგ დაიხუროს.
მიზეზი კი ისლამისტური ოპოზიციის იქ შეკრების თავიდან აცილებაა. ამის შესახებ "ალ-მასრი ალ-იაუმ"-ის ფონდის სამინისტროს წარმომადგენლობამ განაცხადა.
გუშინ ეგვიპტის სამხედროებმა ხანგრძლივი მოლაპარაკებების და შემდეგი ინტენსიური სროლის მეშვეობით კაიროს "ალ-ფათ" მეჩეთი დააკავეს. "ალ-ფათში" გადაყენებული პრეზიდენტის მოჰამედ მურსის მხარდამჭერები იკრიბებოდნენ. ადგილობრივი მედიის ინფორმაციით, მეჩეთში 300 ოპოზიციონერი დააკავეს და მათ იარაღები წაართვეს.