რუსეთსა და აშშ-ს შორის "ცივი ომი" არ არის, სნოუდენის გარშემო ვითარება კი ანომალიაა. ეს რუსეთის საგარეო საქმეთა მინისტრმა სერგეი ლავროვმა აშშ-ის სახელმწიფო მდივანთან ჯონ კერისთან მოლაპარაკებების შედეგებს მიძღვნილ პრესკონფერენციაზე განაცხადა.
"პირიქით, ჩვენ აშშ-თან ძალიან მჭიდრო თანამშრომლობა გვაქვს. და მათ გასაძლიერებლად კარგი პოტენციალი არსებობს. ვთვლი, რომ სნოუდენი ანომალიაა", - განაცხადა რუსეთის საგარეო საქმეთა სამინისტროს თავმჯდომარემ.
მან აღნიშნა, რომ რუსეთსა და აშშ-ის შორის ურთიერთობების უკან დახევის მიზეზი არ არსებობს.
"სნოუდენი მხოლოდ ეპიზოდია. ჩვენ ამ საკითხთან დაკავშირებით ჩვენი არგუმენტები გავაჟღერეთ. რუსეთმა თავისი კანონების და საერთაშორისო უფლებების ნორმების ფარგლებში გადადგა ნაბიჯი. სხვა ნაბიჯის გადადგმა შეუძლებელი იყო. მეორე მხრივ, ჩვენ აშშ-სთან ექსტრადიციის შესახებ ხელშეკრულება არ გვაქვს, იმიტომ რომ ისინი უკვე წლებია ამ ხელშეკრულების გაფორმებას თავს არიდებენ", - განაცხადა ლავროვმა.
აღსანიშნავია, რომ ედვარდ სნოუდენმა აშშ-ის საერთაშორისო უსაფრთხოების დეპარტამენტის მსოფლიოში მილიონობით ადამიანების სატელეფონო და ინტერნეტ-ინფორმაციის მოსმენის შესახებ პრესაში გაჟონა. ამჟამად რუსეთმა სნოუდენს თავშესაფარი მისცა.