Xaricdə yaşayan Gürcüstan vətəndaşlarının parlament seçkilərində səsvermə proseduru dəyişdirilir

Gürcüstanda hazırlanmaqda olan yeni Seçki Məcəlləsinə əsasən, vətəndaşlar parlament seçkilərində yalnız ölkə ərazisində səs verə biləcəklər. Bu barədə parlamentin sədri Şalva Papuaşvili keçirdiyi brifinqdə məlumat verib.

Onun sözlərinə görə, xaricdə yaşayan Gürcüstan vətəndaşlarının səsvermə hüququ formalaşdırıcı şəkildə dəyişməsə də, prosedur yenilənir və parlament seçkilərində səsvermə yalnız Gürcüstan sərhədləri daxilində həyata keçiriləcək. Papuaşvili bildirib ki, tətbiq ediləcək mexanizm yerli özünüidarəetmə seçkilərində istifadə olunan sistemlə uyğunlaşdırılır.

Parlament sədrinin açıqlamasına görə, bu qərar seçicilərə xaricdən mümkün təsirləri və siyasi təzyiq risklərini azaltmaq, eləcə də seçki iradəsinin sərbəst ifadəsini təmin etmək məqsədi daşıyır. O əlavə edib ki, yeni model İrlandiya, Malta, İsrail və Ermənistan kimi ölkələrin təcrübəsinə uyğun hazırlanıb.