"Real"ın futbolçusu Cristiano Ronaldo "Barselona"nın hücumçusu Lionel Messinin rekordunu təkrarlayıb.

Dalgatv-nin  Qol.Az-a istinadən verdiyi xəbərə görə, Çempionlar Liqasının 1/4 finalında "Borrusiya" ilə oynanılan matçda (3:0) bir dəfə fərqlənən portuqaliyalı hücumçu bununla da cari mövsüm ÇL-də vurduğu qolların sayını 14-ə yüksəldib. Ronaldo bu nəticə ilə ÇL-də bir mövsümdə ən çox fərqlənən Messinin rekorduna şərik olub.

Ronaldo "Borussiya" ilə cavab qarşılaşmasında da qol vursa, yeni rekord müəyyənləşdirəcək.

“MMA idman növü üzrə Gürcüstanda keçirilən beynəlxalq yarışda idmançılarımızdan ibarət “Legion Fight klub” komandası qalib olub. Qafqaz ölkələrinin iştirak etdiyi yarışda vətənimizi beş idmançı təmsil edib”.

Bu haqda “Axar.az”a klubun məşqçisi Orxan Həmzəyev məlumat verib: Erməni idmançısı nokaut oldu “3 idmançımız - Nihat Şükürzadə, Orxan Quliyev və Təbriz Bəşirov birinci pilləni qazanıblar. Yarışda ən diqqət çəkən məqam isə Orxan Quliyevin Ermənistan döyüşçüsünü 7 saniyə ərzində nokaut etməsi olub”. Qeyd edək ki, “Legion Fights Club” komandası iyul ayında Bolqarıstanda keçiriləcək yarışa hazırlaşır.

FİFA "Barselona" klubunu ağır cəzalandırıb.

Dalgatv-nin Qol.Az-a istinadən verdiyi məlumata görə, Kataloniya təmsilçisi iki transfer dönəmində heç bir futbolçunu heyətinə qata bilməyəcək.

Buna "Barsa"nın 18 yaşlı bir oyunçunun transferində qanunsuzluğa yol verməsi səbəb olub. Beləliklə, Kataloniya təmsilçisi ötən mövsümdən transfer etmək istədiyi "Borussiya"nın qapıçısı Andre ter Ştegeni transfer edə bilməyəcək.

Qeyd edək ki, 350 min funt cərimə ödəməli olacaq "Barselona" bir il ərzində müqaviləsi başa çatacaq futbolçuları ilə də müqavilə yeniləyə bilməyəcək.

"Milan"ın braziliyalı futbolçusu Kaka komandanı tərk edə bilər.

Dalgatv-nin  Qol.Az-a istinadən verdiyi xəbərə görə, ötən il "Real"dan transfer olunan futbolçunun müqavilə müddəti bu mövsümün sonunda başa çatır.

Ancaq müqavilə şərtlərinə uyğun olaraq "Milan" Çempionlar Liqasında mübarizəni dayandırdığı üçün Kaka istənilən vaxt komandadan ayrıla bilər. Bunu klubun vitse-prezidenti Adriano Qalliani deyib.

Qeyd edək ki, Kaka bu yaxınlarda karyerasını ABŞ-da davam etdirmək istədiyini bildirib.

Gürcüstan azərbaycanlılarının yığcam yaşadıqları Kvemo Kartli-Borçalı bölgəsinin Tetrisxaro (Ağbulaq) rayonundakı Kosalar kəndinin sakini Etibar Budaqlının adı Ginnesin Rekordlar Kitabının 2014-cü ildə işıq üzü görmüş nəşrinə daxil edilmişdir.
Yeni nəşrin Gürcüstanın İdman və Gənclərin işi üzrə Nazirliyində təqdimat mərasimi keçirilmişdir.
Qeyri-adi bioenerjiyə malik olan idmançı bədənində yüz kiloqramdan çox dəmir əşyanı saxlaya bilir. O, İtaliya, Çin, Almaniyada çıxışları ilə tamaşaçıları təəccübləndirmiş, bu sahədə 12 dəfə rekordu təzələmişdir.
Etibar Budaqlı demişdir: “Bu yaxınlarda Qafqaz Rekordlar Federasiyasını təsis etmişəm. Məqsədim Azərbaycanda və Gürcüstanda qeyri-adi istedada malik olanları üzə çıxarmaq, onları Ginnesin Rekordlar Kitabına istiqamətləndirməkdir. Bununla əlaqədar müxtəlif qurumlarla məsləhətləşmələr aparılır”.
E.Budaqlı adı Gürcüstanda Ginnesin Rekordlar Kitabına daxil edilmiş ilk azərbaycanlıdır.

Futbol üzrə Türkiyə Superliqasının növbəti oyunları keçirilib.

ANS PRESS-in məlumatına görə, İstanbulun “Qalatasaray” futbol klubu Türk Telekom stadionunda “Akhisar Bələdiyyəsi” komandasını qəbul edib. Gərgin keçən oyunda sarı-qırmızılılar rəqibini darmadağın edib. “Qalatasaray”ın futbolçusu Didye Droqba 13-cü dəqiqədə topu tora qovuşduraraq qol yağışının açılışını edib. Daha sonra Alex Teres hesab arasındakı fərqi 2-yə çatdırıb. Matçın 48-ci dəqiqəsində isə Droqba dubla imza ataraq hesabı 3:0-a çatdırıb. Oyunun birinci hissəsi bu hesabla da başa çatıb. İkinci hissədə isə sarı-qırmızılılar yenidən 3 dəfə fərqlənib. “Akhisar Bələdiyyəsi” klubu bir dəfə fərqlənə bilib. Oyun 6:1 hesabı ilə başa çatıb.