Baş nazir Gürcüstanda yüksək vəzifələrdə azərbaycanlıları daha çox görmək istədiyini dedi

“Bu gün bir çox vətəndaşımızın gürcü dilində danışa və yaza bilməməsi mənim üçün çox ağrılıdır”.

Bu sözləri Baş nazir İrakli Qaribaşvili, Barışıq və Vətəndaş Bərabərliyi üzrə dövlət naziri Aparatının 10 illik failiyyəti barədə çıxışında deyib.

Hökumət başçısının sözlərinə görə, hökumətin konkret vəzifələrindən biri 2030-cu ildə bütün Gürcüstan vətəndaşlarının gürcü dilində sərbəst danışa bilməsidir:

“Bu gün bir çox vətəndaşımızın gürcü dilində danışa və yaza bilməməsi mənim üçün çox ağrılıdır. Etiraf edək ki, bu böyük problemdir.

Mən burada etnik azərbaycanlılar olan uğurlu parlament üzvlərini görürəm. Onlar gürcü dilində səlis danışırlar və təhsilləri, bilikləri sayəsində Gürcüstan Parlamentinin üzvü olmaq vəzifəsinə nail olublar. Belə uğurlu gəncləri parlamentdə və nazirliklərdə nazirlər, nazir müavinləri və digər yüksək vəzifələrdə daha çox görmək istəyirəm. Bunun üçün ilkin şərtlərdən biri bütün vətəndaşlarımızın gürcü dilini öyrənməsidir.

2030 -cu ildə bütün Gürcüstan vətəndaşlarının gürcü dilində səlis danışmasını təmin etməyi qarşımıza məqsəd qoymuşuq. Bu, konkret vəzifələrdən biridir. Bu barədə etnik azərbaycanlı və erməni soydaşlarımızla dəfələrlə danışmışıq və hər kəs dövlətin bu istiqamətdə atacağı konkret addımlara tam hazırdır. Buna nail olmaq üçün lazım olan bütün vasitələri – iradəyə sahibik və etməliyik. Təhsilə və keyfiyyətli səhiyyə xidmətinə çıxış, onların sosial -iqtisadi layihələrdə iştirakı və siyasi həyatımızda daha çox iştirakı güclülərimizin möhkəm təminatı olacaq”, – deyə İrakli Qaribaşvili bildirib.