Bu gündən etibarən Gürcüstanda daxili turizm mövsümü açıldı
Bu gündən etibarən ölkədə daxili turizm mövsümü açılıb.
Bu barədə Hökumətin Qurumlararası Koordinasiya Şurasının 7 may tarixində keçirilən iclasında qərar verilib.
“15 iyundan etibarən Gürcüstanda yerli turizm sezonu açılacaq, 1 iyuldan etibarən isə Gürcüstan xarici turistlər qəbul etməyə hazır olacaq”, – deyə Koordinasiya Şurasının qərarında qeyd olunub.
Xatırladaq ki, Gürcüstan ilk olaraq İsrail ilə ikitərəfli turizm sezonunu açmaq istəsə də İsraildə koronavirusun artması səbəbi ilə bu məsələ təxirə salındı.
