Almaniya Prezidenti Frank-Valter Ştaynmayer Azərbaycana rəsmi səfərə gəlib

Almaniya Federativ Respublikasının Prezidenti Frank-Valter Ştaynmayer aprelin 1-də rəsmi səfərlə Azərbaycana gəlib. Heydər Əliyev Beynəlxalq Aeroportunda onu qarşılamaq üçün hər iki ölkənin bayraqları dalğalanıb və fəxri qarovul dəstəsi düzülüb.

Almaniya Prezidentini hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Fariz Rzayev və digər rəsmi şəxslər qarşılayıblar.