თურქეთის პრემიერ-მინისტრმა რეჯეპ ტაიპ ერდოღანმა ანკარას სინჯანის აქციაზე გამოსვლისას გეზის პარკის გამო პროტესტანტებს თაქსიმის მოედნის დატოვება მოსთხოვა. ამის შესახებ თურქული სი-ენ-ენი იტყობინება.

"ხვალ სტამბულის აქცია გვაქვს. ძალიან ღიად ვაცხადებ. თუ თაქსიმის მოედანს დატოვებთ, ძალიან კარგი. თუ არა და ქვეყნის უშიშროების ძალებმა კარგად იციან, როგორ დაგატოვებინონ იქაურობა", - განაცხადა პრემიერ-მინისტრმა.

მრავალშვილიანი დედა აშშ-ის კალიფორნიის შტატიდან საშინელ განცდებშია მას შემდეგ, რაც მისმა მეუღლემ მისი 22 ათას დოლარიანი ბრილიანტის ბეჭედი 10 დოლარად გაყიდა.

ვიდრე 31 წლის რახელ კლოუტიერი  მშობიარობდა მეხუთე შვილზე, მისმა ქმარმა ერიკმა გადაწყვიტა ძველი ნივთებისგან გაეცალა სახლი და მოეწყო ეგრეთ წოდებული ”გარაჟის ბაზრობა” (ამ ფორმით ამერიკაში ღია ცის ქვეშ სიმბოლურ ფასებში თავისუფლდებიან ხოლმე ყველაფერ იმისაგან, რისი გადაყრაც  ენანებათ).

ოჯახის უფროსი ვერც კი წარმოიდგენდა, რომ  მისი მეუღლე ძვირფას ნივთს შეინახავდა საათის ჩასადებ ძველ ყუთში. როდესაც რახელი გამოვიდა საავადმყოფოდან, სიმბოლურ ფასად - 10 დოლარად გაყიდული დახვდა ძვირფასი ბრილიანტის ბეჭედი, რომელიც საგანგებოდ დაემალა ძველ ყუთში, პატარების ცნობისმოყვარე თვალთაგან დასაცველად.

სასოწარკვეთილმა ქალმა ჟურნალისტებს გაანდო თავისი გასაჭირი: ”ჩვენი რაიონის მცხოვრებნი ყოველ წელს აწყობენ ”გარაჟის ბაზრობებს”. სანამ მე სამშობიაროში ვიყავი, ჩემმა ქმარმა გადაწყვიტა გაერთო დანარჩენი ოთხი ჩვენი შვილი - მოაწყო გაყიდვა, რომ ბავშვებისთვის გამყიდვლის ფუნქცია მიენიჭებინა”.

ამჟამად  რახელისთვის ცნობილია მხოლოდ ის, რომ ყუთი შეიძინა ქერათმიანმა ქალმა. თვალცრემლიანმა რახელმა სცადა მყიდველის სინდისის ხმისაკენ აპელირება: ”მე არ დავიტოვებდი სხვის ბეჭედს, ასე უნებურად რომ ჩამეგდო ხელში; გთხოვთ, გომოიჩინოთ პატიოსნება - ხომ ხვდებით, რომ ბეჭედი შემთხვევით მოხვდა იმ ყუთში” - თქვა რახელმა ტელეინტერვიუში.

აშშ-ს ქალაქ ლუისში ერთ-ერთ სამუშაო ადგილზე შეიარაღებული თავდასხმაში ორი ქალი და ორი მამაკაცი სიცოცხლეს გამოასალმეს.

ადგილობრივი დროით 13:45-ს ფარგლებში ქალაქის ჩეროკის გამზირზე სროლის ხმა გაისმა. შემთხვევის ადგილზე მოსულმა პოლიციამ პრესას განუცხადა, რომ 4 ადამიანი დაიღუპა.

შემთხვევის მიზეზისა და გამოყენებული იარაღის შესახებ ინფორმაცია არ არის. შემთხვევის ადგილზე ესპანური წარმოშობის მოსახლეობა ცხოვრობს.

იაპონიის ორგანიზაციის წარმომადგენლის მოულოდნელი ნაბიჯი

იაპონიის წარმომადგენელმა გაეროში ხიდეკი უედამ დღეს ორგანიზაციის შეხვედრაზე სკანდალი მოაწყო.

ამგვარად, მან შეხვედრის დროს მავრიტანიელ კოლეგას ხმა აუმაღლა.

"Russia Today"-ის ინფორმაციით, მისმა ამ ქმედებამ ყველა გააკვირვა და სოციალურ ქსელებში დიდი ინტერესი გამოიწვია. ტოკიოს ხელისუფლებამ ქვეყნის წარმომადგენელი პოლიტიკოსის ამგვარი სამარცხვინო ქმედება იაპონიის იმიჯის შელახვად ცნო და იგი დაუყოვნებლივ უკან გამოიძახეს.

"როგორც ჩანს, ჩვენ მას სხვა წარმომადგენლით შევცვლით. რადგან მან ემოციები ვერ მოთოკა და იაპონიის იმიჯი შელახა", - განაცხადა იაპონიის საგარეო საქმეთა მინისტრმა.

სირიაში უკანასკნელი ოპერაციების დროს ბაშარ ასადის წინააღმდეგ ომში ამბოხებულების მხარეზე მებრძოლი 21 აზერბაიჯანელი დაიღუპა. ამის შესახებ ლიბანის ტელეარხი "ელ-მენარი" იტყობინება. ტელეარხის გავრცელებულ ინფორმაციაში დაღუპული მებრძოლების სია და მათი წარმომავლობაც იყო მითითებული.

დაღუპულთა უმეტესობა გუსეირში მიმდინარე ბრძოლაზე და ბოლოს ორგანიზებულ ოპერაციებზე დაიღუპა.

სიის მიხედვით, დაღუპულთა შორის 167 თურქიც არის.

ბრიტანეთის ხაზინის კანცლერ ჯორჯ ოსბორნის კატა ეჭვმიტანილია ჯაშუშობაში. ის ორ წელზე მეტია გაპარული იყო სახლიდან და დაბრუნების შემდეგ საეჭვო მარშრუტებით დაბორიალობს.

კატა, სახელად ”ფრეია”, გაქრა 2009 წელს, მაგრამ შარშან ის იპოვეს კანქვეშა მიკროჩიპის მეშვეობით, რომელზეც დატანილი იყო ოსბორნის მეუღლის ტელეფონის ნომერი. როგორც ბრიტანელი მოხელეები თვლიან, გარე-გარე სიარულში კატა შეეძლოთ დაეჭირათ ჩინელ ჯაშუშებს და დაემონტაჟებინათ მის სხეულზე სხვა ელექტრონული მოწყობილობანი. ”თქვენ რომ გამოგაყენებინათ კატა მოსმენებისთვის, მთავრობის ნახევარ საიდუმლოებებს გაიგებდით” - გაენდო ”Daily Mail”-ს კონსერვატიული პარტიის წარმომადგენელი.

ფრეია უკვე შემჩნეულია საგარეო საქმეთა სამინისტროს საიდუმლო ზონაში, დაუკავებიათ სახაზინო განყოფილებებში შეძრომის მცდელობისას, უყვარს ყოფნა მთავრობის წევრებში პოპულარულ ბარ ” The Red Lion”-ში და ტრაფალგარის მოედანთან მდებარე თეატრში.

ასე რომ, ეჭვებისათვის მიზეზები საკმარისზე მეტია.