დღეს, ავღანეთის პრეზიდენტმა ჰამიდ ყარზაიმ განაცხადა, რომ ავღანეთი ყატარიში „თალიბანთან“ მოლაპარაკებების გასამართად ჯგუფს გააგზავნის.

„ავღანეთის მშვიდობის უმაღლესი საბჭო ყატარში „თალიბანთან“ სამშვიდობო მოლაპარაკებებზე იმსჯელებს,“-განაცხადა პრეზიდენტმა.

ამ დრომდე აღნიშნულის შესახებ ავღანეთის „თალიბანს“ კომენტარი არ გაუკეთებია. „როიტერისათვის“ ცნობილი გახდა, რომ ავღანეთის „თალიბანის“ წევრები ყატარში ოფისის გახსნას სამშაბათვის გეგმავდნენ.

ამასთან, წინა  კვირასაც, თალიბანმა ორი თავდახმა მოაწყო ავღანეთში, 10 ივნისს თავდასხმა მოხდა ქაბულის აეოპორტზე,  მეორე დღეს კი უზენაეს სასამართლოსთან აფეთქებას 17 ადამიანი ემსხვერპლა.

აფეთქება მოხდა დღეს ქაბულში პარლამენტის შენობასთან, თუმცა პასუხისმგებლობა აფეთქებაზე ამ დრომდე არცერთ დაჯგუფებას აუღია.

სირიაში ქალაქ ჰელების მახლობლად ასაფეთქებელი მოწყობილობა დამონტაჟებული მანქანის აფეთქების შედეგად ბეშერ ესედთან დაკავშირებული ჯარის 50-მდე მეტი სამხედრო დაიღუპა.

ინციდენტი ჰელების აეროპორტთან მოხდა. ტელეარხ "el-Cezire"-ს ინფორმაციით, აფეთქება "El-Qaide"-სთან დაკავშირებული ტერორისტული დაჯგუფების მიერ არის ორგანიზებული.

წყაროს ცნობით, ერთ-ერთი ადგილობრივი აქტივისტის მოჰამედ ალ-ჰადის ავტომობილში 6 ტონაზე მეტი ასაფეთქებელი იყო.

პაპუა - ახალი გვინეის აღმოსავლეთში მთიან ტერიტორიაზე გაუპატიურების შემთხვევა მოხდა.

მთვრალმა მამამ 18 წლის ქალიშვილი გააუპატიურა. იგი მძინარე გოგონას ოთახში შევიდა და ყელზე დანა მიუდო. "ხმას თუ ამოიღებ, ყელს გამოგჭრი", ასე შეაშინა გოგონა მამამ და გააუპატიურა. ინციდენტიდან ორი საათის შემდეგ მან გოგონა ისევ გააუპატიურა. ამ ყველაფრისგან მორალურად შერყეულმა გოგონამ დილისკენ მამამისი ძილში მოკლა.

ამჟამად გოგონა სოფელში ერთერთ მეზობელ სახლში იმყოფება. პოლიციას უნდა, ინციდენტი გამოიძიოს და მამის მკვლელი გოგონა დააპატიმროს, თუმცა სოფლელები ამის უფლებას არ აძლევენ. მათი თქმით, ამორალურმა მამამ თავისი საკადრისი მიიღო.

ადგილობრივი ეკლესიის მოძღვარის ლუკას კუმინის თქმით, სოფლის მოსახლეობა გოგონას პოლიციას არ ჩააბარებს: "პოლიციას ვურჩევ, რომ ხალხზე ზეწოლა არ მოახდინოს. თუ პოლიციელებს გოგონას ძალით დაპატიმრება მოუნდებათ, აქ ხოცვა იქნება. სოფლელების თქმით, ამორალურმა მამამ სიკვდილი დაიმსახურა".

წუხელ ღამით გეზის პარკში პოლიციის ჩარევის შემდეგ დღეს თაქსიმის მოედანზე მანქანებისა და მოსიარულეების შესვლა აკრძალულია.

ამჟამად მოედანზე პოლიციის, ჟურნალისტებისა და დასუფთავების სამსახურების თანამშრომლების გარდა არავის არ უშვებენ. მუნიციპალიტეტის თანამშრომლები ერთი მხრივ, მოედანზე დასუფთავების სამუშაოებს ატარებენ, ხოლო მეორე მხრივ, გუშინ ღამით დემონსტრანტების მიერ დამწვარი მანქანები მიაქვთ.  ცნობისთვის, ამჟამად გეზის პარკი და თაქსიმის მოედანი მთლიანად პოლიციელების კონტროლის ქვეშ არიან.

ამ ღამით, მექსიკაში 6-ბალიანი მიწისძვრა მოხდა.

ამის შესახებ ლათინური ამერიკის ქვეყნების სეისმოლოგიური სამსახურიდან აცნობეს.

მიწისქვეშა ბიძგების ეპიცენტრი ჰერეროს შტატის სამხრეთ-დასავლეთში მდებარეობს. დედაქალაქ მეხიკოში მიწისძვრის მაგნიტუდა 5.9 დაფიქსირდა.

გავრცელებული ინფორმაციით, მიწისძვრის შედეგად ნანგრევები არ ფიქსირდება.

მეხიკოს რამდენიმე რაიონისთვის ელექტროენერგიის მიწოდების შეფერხებები არსებობს.

მიწისქვეშა ბიძგების შემდეგ ათასობით ადამიანი პანიკაში სახლები დატოვა.

გაეროს გენერალური ასამბლეის ანტიგუასა და ბარბუდას წარმომადგენელი ჯონ ეში ასამბლეის 68-ე სესიის თავმჯდომარედ ერთხმად დანიშნეს.

ჯონ ეშმა განაცხადა, რომ 2015 წლიდან დაწყებული პერიოდისთვის გლობალური დღის წესრიგის ამუშავებას გაეროს მთავარ ამოცანად თვლის.

აღსანიშნავია, რომ გაეროს გენერალური ასამბლეის 68-ე სესია სექტემბერში დაიწყება.