თურქეთის სპორტული კლუბის "გალათასარაის" მიერ 22 ივნისს ჩატარებულ ყრილობაზე არჩეულმა ახალმა დირექტორთა საბჭომ ოფიციალურად დაიწყო მოქმედება.
კლუბის პრეზიდენტის უნალ აისალის მიერ ფორმულირებულ ახალ დირექტორთა საბჭოში თურქეთის ცნობილმა მომღერალმა ჯანდან ერჩეთინმაც დაიკავა ადგილი.
დირექტორთა საბჭოს 25 ივნისს ჩატარებულ პირველ სხდომაზე მოვალეობათა გადანაწილება მოხდა. ერჩეთინი "გალათასარაის" პრეზიდენტის ერთ-ერთი ასისტენტი გახდა. თურქეთის სპორტული კლუბების ისტორიაში პირველად ხდება, რომ ქალბატონი იკავებს ასეთ მაღალ თანამდებობას.
აღსანიშნავია, რომ 1963 წელს დაბადებულმა ერჩეთინმა გალათასარაის ლიცეუმი დაამთავრა. წლების განმავლობაში ამავე ლიცეუმში იგი მუსიკის მასწავლებლად მუშაობდა. ამჟამად იგი თურქეთის ერთ-ერთ ყველაზე პრესტიჟულ უმაღლეს სასწავლებელში - გალათასარაის უნივერსიტეტში ასწავლის.

თურქეთის თაქსიმის მოედანზე ბოლო დროს განვითარებულ მოვლენებთან დაკავშირებით დემონსტრანტებს მხარდაჭერა ამჯერად რუსი ეროვნების კანადელი მომღერლის მიშელ გურევიჩისგან მოუვიდათ.
ცნობილი მომღერალი სიმღერით "Kiss in Taksim Square" (კოცნა თაქსიმის მოედანზე) საკუთარ მხარდაჭერას ადასტურებს.

დღეს ნატოს გენერალური მდივანი ფოგ რასმუსენი ვიზიტით საქართველოში ჩამოვიდა.
დღეს ვიზიტის ფარგლებში ნატოს გენერალურ მდივანს საქართველოს პრემიერ-მინისტრ ბიძინა ივანიშვილთან შეხვედრა ჰქონდა. შეხვედრის შემდეგ მათ პრესკონფერენცია ჩაატარეს. რასმუსენმა საქართველოში მომხდარ მოვლენებზე კომენტარი გააკეთა: "ჩვენ დღეს და ხვალ გვექნება იმის საშუალება, რომ შევაფასოთ ის, თუ რა დონეზე იმყოფება საქართველო და მისი წინსვლა. ჩვენი საერთო მიზანი არის ის, რომ საქართველო მთლიანად დაინტეგრირდეს ევროატლანტიკურ სივრცეში. თუ საქართველო აუცილებელ მოთხოვნებს დააკმაყოფილებს, ეს ქვეყანა აუცილებლად გახდება ნატოს წევრი".
რასმუსენმა ჟურნალისტებთან ინტერვიუს დროს ოქტომბრის საპრეზიდენტო არჩევნებზეც გააკეთა კომენტარი: "იმედი მაქვს, რომ ამ წლის საპრეზიდენტო არჩევნები უმაღლესი სტანდარტების შესაბამისად ჩატარდება. ეს საქართველოს დემოკრატიზებისთვის ძალიან მნიშვნელოვანია და ეს საქართველოს საერთაშორისო როლის გაზრდაში გადამწყვეტ მნიშვნელობას ატარებს. ჩვენ გპირდებით, რომ ამ გზაზე ნატო ყოველთვის თქვენს გვერდით იქნება".

საქართველოს პრემიერ-მინისტრმა ბიძინა ივანიშვილმა პრეზიდენტ მიხეილ სააკაშვილის დაპატიმრების დიდი ალბათობის შესახებ ისაუბრა.
პრემიერ-მინისტრმა ივანიშვილმა განაცხადა, რომ არ სურს, რომ სააკაშვილი დააკავონ. "მართალია, მე არ მინდა, რომ ის დააკავონ. თუმცა ეს გამორიცხული არაა. თუ ეს მოხდება, სავარაუდოდ, ეს 2013 წლის საპრეზიდენტო არჩევნების შემდეგ იქნება. გადაწყვეტილებებს ის თვითონ იღებს. გადადგმულ ნაბიჯებს კარგად უნდა დააკვირდე. არსებობს სასამართლო, კანონი, წესი. და ამ კანონების წინაშე ყველა თანაბრად აგებს პასუხს", - განაცხადა პრემიერ-მინისტრმა.
ცნობისთვის გეტყვით, რომ პრემიერ-მინისტრმა ივანიშვილმა რამდენჯერმე ისაუბრა იმაზე, რომ სააკაშვილი ძალაუფლებას ბოროტად იყენებდა და ამიტომ მისი დაპატიმრების დიდი ალბათობა არსებობს.

საფრანგეთის ცნობილი ეიფელის კოშკის მუშები საპროტესტო აქციას ატარებენ.
საპროტესტო აქციის გამო დღეს ტურისტებმა ეიფელის კოშკი ვერ დაათვალიერეს. იმის გამო, რომ საპროტესტო აქციის ჩატარების გადაწყვეტილება სალაროების გახსნამდე ცოტა ხნით ადრე მიიღეს, ტურისტების გაფრთხილება ვერ მოხერხდა.
ეიფელის კოშკის თანამშრომლების მოთხოვნები ანაზღაურების მომატება და სამუშაო პირობების გაუმჯობესებაა. მსოფლიოში ცნობილი ეიფელის კოშკზე უსაფრთხოების საკითხებზეც მახვილდება ყურადღება.

ამჟამად საუდის არაბეთში, კატარში, გაერთიანებულ არაბულ ემირატებში, საფრანგეთში, გერმანიაში, იტალიასა და ტუნისში სასუნთქი გზების მაინფიცირებელი ახალი სასიკვდილო ვირუსი "მერსი" გავრცელდა. ექსპერტების თქმით, მერსის ვირუსით დაავადება ადამიანზე ცხოველისგან - აქლემის ან თხისგან გადადის.
ექიმებმა განაცხადეს, რომ დღეების განმავლობაში მაღალსიცხიანობისა და ხველების სიმპტომების მაჩვენებელი ვირუსის საავადმყოფოებში გავრცელება დისკომფორტს ქმნის.