თურქეთის დიარბაქირის პროვინციაში ძლიერი აფეთქება მოხდა.
ინფორმაციის თანახმად, აფეთქების შედეგად 6 ადამიანი დაშავდა. რამდენიმე მათგანის მდგომარეობა მძიმედაა.
ამჟამად შემთხვევის დეტალებს აზუსტებენ.

თურქეთის პრემიერ-მინისტრმა რეჯეპ ტაიპ ერდოღანმა ეგვიპტეს დროებით ვიცე-პრეზიდენტთან მოჰამედ ალ-ბარადეითან შეხვედრაზე უარი თქვა.
ალ-ბარადეიმა ერდოღანს მისი მიღება სთხოვა, თუმცა თურქეთის პრემიერ-მინისტრმა განაცხადა, რომ არალეგიტიმური ვიცე-პრეზიდენტის მიღებას ვერ შეძლებს.
ერდოღანმა განაცხადა: "ალ-ბარადეის ჩემთან შეხვედრით ლეგიტიმურობის მოპოვება სურს".

ბრაზილიის ტყეებში გადაღებული და სოციალურ ქსელებში გავრცელებული ვიდეო მნახველებს აოცებს.
სამოყვარულო ოპერატორი იმის თვითმხილველი გახდა, როგორ გადაყლაპა და იმის გამო, რომ კუჭმა ვერ გადახარშა, ანაკონდამ ძროხა უკან დააბრუნა. მიუხედავად იმისა, რომ აქამდე რამდენიმე ვიდეო არსებობს, რომელშიც აღბეჭდილია თუ როგორ ყლაპავს ანაკონდა სხვადასხვა ცხოველებს, ძროხის ღებინებით დაბრუნების ვიდეო პირველად გამოჩნდა. ძროხის ბედზე არაფერია ცნობილი.

სამხრეთ აფრიკაში ველური ცხოველების სარეაბილიტაციო ცენტრში, როდესაც სამუშაოდ მისულმა 18 წლის გოგონამ ლომის კოცნას შეეცადა, თავდასხმის მსხვერპლი გახდა.
ლომმა ახალგაზრდა გოგოს ფეხს თათებით სწვდა და გალიაში ჩათრევის დროს მას სხვა ლომმაც დაეხმარა. მათ გოგოს ფეხზე უკბინეს და ღრმა ჭრილობა დატოვეს. გოგოს დასახმარებლად მოსულმა ვეტერინარმა ნატალი ბენეტმა ლომები ცოცხით დააშინა და გოგონა გადაარჩინა.

რუსეთის მოსკოვის ოლქის პოდოლსკის რაიონში საბედისწერო ავარია მოხდა.
პოდოლსკის ქალაქთან ახლოს სატვირთო მანქანის და ავტობუსის შეჯახების შედეგად 18 ადამიანი დაიღუპა. შემთხვევის ადგილზე 14 ადამიანი მოკვდა, ხოლო 4 კი საავადმყოფოში დაიღუპა. მიმდინარეობს გამოძიება.