ეგვიპტეს ქალაქ ალექსანდრიაში გადაყენებული პრეზიდენტის მოჰამედ მურსის მხარდამჭერებსა და ოპონენტებს შორის დაპირისპირებაში 2 ადამიანი დაიღუპა. ინციდენტის დეტალები ჯერჯერობით უცნობია.
შეტაკების შედეგად 19 ადამიანი დაშავდა. რამდენიმე მათგანი ტყვიით დაიჭრა. პოლიცია სიტუაციის გაკონტროლებას ცდილობს.
გაზეთ "ალ-აჰრამის" ინფორმაციით, დაპირისპირება პარასკევის ლოცვის შემდეგ დაიწყო.

თურქეთის შირნაკის პროვინციის სილოპის რაიონში უცნობმა პირებმა პოლიციის განყოფილებას ბომბი ესროლეს. ამის შესახებ პარასკევს ტელეარხმა "CNN TURK" აცნობა.
ინფორმაციის მიხედვით, აფეთქების შედეგად შირნაკის პოლიციის ანტიტერორისტული განყოფილების უფროსი აშირ ილდიზი დაშავდა.
ილდიზის, რომელიც საავადმყოფოში გადაიყვანეს, მდგომარეობა სტაბილურია. ვინ ესროლა ბომბი განყოფილებას ჯერჯერობით უცნობია. ფაქტთან დაკავშირებით გამოძიება მიმდინარეობს.

გაეროს გენერალურმა მდივანმა პან გი მუნმა ეგვიპტეს დროებით ადმინისტრაციას ქვეყანაში კონსტიტუციის ნორმების დაცვისა და პრეზიდენტ მოჰამედ მურსის გათავისუფლებისკენ მიუწოდა.
გენერალურმა მდივანმა მხარეებს რაც შეიძლება ტოლერანტობისკენ, კანონების დაცვის, მოქალაქეების უსაფრთხოებისკენ მიუწოდა.
პან გი მუნმა ამავდროულად განაცხადა, რომ დროებითმა ადმინისტრაციამ უსაფუძვლო დაპატიმრებები უნდა დაასრულოს, ამჟამინდელი პრეზიდენტი და "მუსულმანი ძმების" ლიდერები უნდა გაათავისუფლოს.

სირიის დედაქალაქ დამასკში სატვირთო ავტომობილზე დამონტაჟებული ბომბის აფეთქების შედეგად 10 ადამიანი დაიღუპა, 66 კი დაშავდა.
აფეთქების შედეგად შემთხვევის ადგილზე ბევრი სამაშველო და სამედიცინო დახმარების ბრიგადები იყო ჩართული.
დაშავებულები დაუყოვნებლივ გადაიყვანეს ახლომდებარე საავადმყოფოებში. აფეთქების დროს მიმდებარე ტერიტორიაზე მყოფ მაღალსართულიან შენობებში ხანძარი გაჩნდა, რომელიც მეხანძრეებმა ჩააქრეს.

აზერბაიჯანის პრეზიდენტმა ესპანეთის მეფეს ხუან კარლოს I-ს მიუსამძიმრა.
"თქვენო უდიდებულესობავ, მადრიდ-ფეროლის მიმართულებით მოძრავი სამგზავრო მატარებლის ავარიის შედეგად ბევრი ადამიანის დაღუპვისა და დაშავების ამბავმა ძალიან დამამწუხრა. მომხდარ ტრაგედიასთან დაკავშირებით, თქვენ და დაღუპულთა ოჯახებს და ახლობლებს აზერბაიჯანის ხალხისა და პირადად ჩემი სახელით ღრმა მწუხარებას გამოვთქვამ, დაშავებულებს კი მალე გამოჯანმრთელებას ვუსურვებ".