Dalga Televiziyasi

Məhkəmə binası qarşısında insident: 4 polis yaralandı

29.10.13 20:27 |

alt

Oktyabrın 28-də Bakıda polislə bir qrup şəxs arasında qarşıdurma olub. Lent.az-ın məlumatına görə, hadisə Bakıxanov qəsəbəsində, Sabunçu rayon Məhkəməsinin inzibati binasının qarşısında baş verib.

Bir qrup şəxs Penitensiar xidmətin xüsusi avtomobili ilə məhkəmə binası qarşısına gətirilən məhbusların binaya daxil olmasına imkan verməyib. Həmin şəxslər Ədliyyə Nazirliyinə məxsus olan avtomobili dövrəyə alıblar.

Hadisə yerinə Sabunçu rayon Polis İdarəsinin əməkdaşları gəlib. Onlar Penitensiar xidmətin nəzarətçiləri ilə birlikdə məhkəmə iclasının gedişinə mane olan şəxsləri uzaqlaşdırmağa çalışıb. Bu zaman mülki şəxslərlə polislər arasında qarşıdurma yaranıb. Həmin şəxslər dəmir parçası və digər əşyalarla polisə hücum edib. İnsident zamanı 4 polis əməkdaşı müxtəlif dərəcəli bədən xəsarəti alıb.

Yaralanan polislərdən ikisinin adını dəqiqləşdirib. Bunlar polis serjantları Fərəməz İmanov və Samir İsmayılovdur.

Hadisə ilə bağlı araşdırmalar başlanılıb və Sabunçu rayon Prokurorluğunda Cinayət Məcəlləsinin 315-ci (Hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə iş başlanılıb.

	Bu gün	1593
	Dünən	2716
	Bu həftə	7031
	Bu ay	4309
	Bu günə qədər	7492526

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bizi Paylaşın

Video Xəbərlər

Təqvim

Məhkəmə binası qarşısında insident: 4 polis yaralandı

Saytda Axtarış

Son xəbərlər