Dalga Televiziyasi Siyasət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Hava proqnozu

Weather data OK
Bakı
13 °C

Ziyarətçi sayğacı

Bu günBu gün1920
DünənDünən3648
Bu həftəBu həftə15075
Bu ayBu ay41765
Bu günə qədərBu günə qədər2890206

Bizi Paylaşın

Video Xəbərlər

 

Təqvim


İlham Əliyev Lahıca təbii qazın verilməsi mərasimində

Avqustun 26-da Azərbaycan Respublikasının Prezidenti İlham Əliyev və birinci xanım Mehriban Əliyeva İsmayıllı rayonunun Lahıc qəsəbəsinə təbii qazın verilməsi mərasimində iştirak ediblər.

Dövlətimizin başçısı və xanımı əvvəlcə Lahıc qəsəbəsinin sakinləri ilə görüşüblər.

Azərbaycan Respublikası Dövlət Neft Şirkətinin (SOCAR-ın) prezidenti Rövnəq Abdullayev Lahıc qəsəbəsinə təbii qaz xəttinin çəkilməsi ilə bağlı görülən işlər barədə məlumat verib.

Prezident İlham Əliyev və birinci xanım Mehriban Əliyeva Lahıc qəsəbəsinə qazın verilməsinin rəmzi olan məşəli alovlandırıblar.

Ermənilər mövqelərimizi atəşə tutdu

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 78 dəfə pozub.

Müdafiə Nazirliyi xəbər verir ki, Ermənistan Respublikası Noyemberyan rayonunun Voskevan kəndində yerləşən mövqelərdən Qazax rayonunun Quşçu Ayrım kəndində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində yerləşən mövqelərimiz atəşə tutulub.

Tərtər rayonunun işğal altında olan Göyarx, Yarımca, Ağdam rayonunun Tağıbəyli, Şıxlar, Baş Qərvənd, Cəvahirli, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Horadiz, Cəbrayıl rayonunun Mehdili kəndləri yaxınlığında, həmçinin Goranboy, Tərtər, Ağdam, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

İlham Əliyev: Bu, tarixi bir səfərdir

"Biz sizin səfərinizə çox böyük əhəmiyyət veririk. Əminəm ki, səfər çox uğurlu olacaq və Almaniya-Azərbaycan əlaqələri bundan sonra da uğurla inkişaf edəcək". 

Bu sözləri Azərbaycan Prezidenti İlham Əliyev Almaniya Federativ Respublikasının Federal Kansleri xanım Angela Merkelin nümayəndə heyətlərinin iştirakı ilə geniş tərkibdə görüşdə bildirib. 

Merkellə dəfələrlə görüşdüyünü bildirən Azərbaycan Prezidenti, ölkələr arasında siyasi dialoqun fəal şəkildə aparıldığını bildirib. 

"Çox şadam ki, bu gün siz Azərbaycandasınız. Bu, tarixi bir səfərdir. İkitərəfli əlaqələrimizin gündəliyi çox genişdir, siyasi, iqtisadi əlaqələr, ticarət əlaqələri, regional məsələlər - yəni, bütün bu məsələləri bu gün müzakirə edəcəyik. Əminəm ki, səfəriniz əlaqələrimizə yeni təkan verəcək", - deyə Azərbaycan Prezidenti vurğulayıb.

Merkel Azərbaycanda

Avqustun 25-də Heydər Əliyev Mərkəzində Azərbaycan Respublikasının Prezidenti İlham Əliyevin və Almaniya Federativ Respublikasının Federal Kansleri xanım Angela Merkelin iş adamları ilə görüşü olub.

Bu haqda prezidentin mətbuat xidməti məlumat yayıb.

Angela Merkel Gürcüstana səfəri zamanı təmas xəttindəki vəziyyətlə tanış olub

Almaniyanın kansleri Angela Merkel Tbilisi Dövlət Universitetinin tələbələri ilə görüş başa çatdıqdan sonra təmas xəttinə yollanıb.

 Kansler Odzisi kəndi ətrafında təmas xəttindəki vəziyyətlə tanış olub.

Bu gün Almaniya kansleri və Gürcüstanın baş naziri Tbilisi beynəlxalq hava limanında alman hərbçiləri, "Layiqli tərəfdaş" təliminin iştirakçıları ilə görüşəcək.

Almaniya kanslerinin Gürcüstana səfəri bir neçə saatdan sonra başa çatacaq. A.Merkel  Cənubi Qafqaz turnesini Ermənistanda davam etdirəcək, sabah isə Azərbaycanda görüşlər keçirəcək.

Merkel: Gürcüstan tezliklə NATO üzvü olmayacaq

Almaniya Gürcüstanın NATO-ya inteqrasiyasını dəstəkləyir, ancaq onun tezliklə alyansa üzv olacağı az inandırıcıdır. 

Bu fikirləri Almaniya kansleri Angela Merkel Tbilisidə tələbələr qarşısında çıxışı zamanı deyib. 

"Almaniya Gürcüstanın NATO-ya isteqrasiyasını dəstəkləyir, ancaq açıq danışmaq istəyirəm ki, Gürcüstanın bu mərhələdə alyansa üzv olacağından danışması tezdir", - o bildirib.  

Angela Merkel: "Gürcüstan və Ukraynanın daha çox Avropa perspektivi var"

 "Gürcüstan Ukrayna ilə yanaşı daha çox Avropa perspektivinə malikdir".

Gürcüstan KİV-inə istinadən xəbər verir ki, bunu Almaniya kansleri Angela Merkel Tbilisi Dövlət Universitetinin tələbələri ilə görüşdə Almaniya xarici işlər naziri Hayko Maasın bəyanatı ilə bağlı verilən sualı cavablandırarkən bildirib.

"Almaniyanın Şərqi Avropa siyasətinə gəlincə, bu, yeni təşəbbüs deyil. Hayko Maas yalnız Avropa İttifaqının qonşusu olan Rusiya ilə yaxşı əlaqələr olmasının əhəmiyyətini vurğulayıb. Amma digər tərəfdən, Şərqi Avropa ilə bağlı bizə aydın siyasət lazımdır. Bura Gürcüstan, Azərbaycan, Ermənistan daxildir. Lakin Gürcüstan və Ukraynanın daha çox Avropa perspektivi var. Yaxın 10 il ərzində gələcəkdə görülməli olan işləri açıqlayacağıq", - A.Merkel deyib.

Cəbhədə silahlar susmadı

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 87 dəfə pozub.

Bu barədə Müdafiə Nazirliyinin Mətbuat xidmətindən məlumat verilib.

Ermənistan Respublikası Noyemberyan rayonunun Voskevan kəndində, İcevan rayonunun Berkaber kəndində yerləşən mövqelərdən Qazax rayonunun Quşçu Ayrım kəndində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndlərində və adsız yüksəkliklərdə yerləşən Azərbaycan ordusunun mövqeləri atəşə tutulub.

 

Tərtər rayonunun işğal altında olan Çiləbürt, Ağdam rayonunun Nəmirli, Şuraabad, Kəngərli, Sarıcalı, Novruzlu, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Cəbrayıl rayonunun Nüzgar və Mehdili kəndləri yaxınlığında, həmçinin Göygöl, Goranboy, Tərtər, Ağdam, Xocavənd, Füzuli və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

Gürcüstan Prezidenti müqəddəs Qurban bayramı münasibətilə müsəlmanları təbrik edib

Gürcüstan Prezidenti Giorgi Marqvelaşvili müqəddəs Qurban bayramı münasibətilə müsəlmanları təbrik edib.

Gürcüstanın dövlət başçısı "Facebook"dakı səhifəsində paylaşdığı təbrik məktubunda Qurban bayramının birlik, xeyriyyəçilik və humanistlik bayramı olduğunu vurğulayıb, müsəlmanlara uğurlar və tərəqqi arzulayıb.

Prezident Gürcüstan əhalisinin ayrılmaz tərkib hissəsi olan müsəlmanların bu ölkənin inkişafındakı rolunu xüsusi qeyd edib.

İlham Əliyev Azərbaycan xalqını təbrik etdi

Azərbaycan Prezidenti İlham Əliyev Qurban bayramı münasibətilə Azərbaycan xalqını təbrik edib.

"Hörmətli həmvətənlər!

Sizi dünya müsəlmanlarının mənəvi birlik, həmrəylik və qardaşlıq rəmzi olan müqəddəs Qurban bayramı münasibətilə ürəkdən təbrik edir, xalqımıza və Azərbaycanın hüdudlarından kənarda yaşayan bütün soydaşlarımıza ən səmimi arzu və diləklərimi yetirirəm.

Qurban mərasimi Uca Yaradana məhəbbət və itaət, yüksək mənəvi-əxlaqi dəyərlərə hörmət, hər bir bəşər övladına mərhəmət və dözümlülük təlqin edən İslam dininin insanlar üçün hidayət yolu seçilməsi ilə əlamətdardır. Bu mübarək bayram bütün dünya müsəlmanlarının mənəvi-ruhi birliyini, əməli-saleh insanların Tanrı sevgisini və haqq-ədalət naminə hər cür fədakarlığa hazır olmalarını təcəssüm etdirir.

 

Mütərəqqi islami dəyərlərə bağlılığı ilə seçilən Azərbaycan xalqı əsrlər boyu, hətta ən mürəkkəb dövrlərdə Qurban bayramını özünün əziz günlərindən biri kimi qoruyub saxlamışdır. Hazırda minlərlə həmvətənimizin də aralarında olduğu milyonlarla müsəlman müqəddəs Həcc ziyarətində möhtəşəm həmrəylik nümayiş etdirərək, Uca Yaradana şükranlarını bildirir, ölkəmizdə və dünyada sülhün, əmin-amanlığın bərqərar olması üçün dualar edirlər.

Bayram günləri müsəlmanlarımız Allah və din yolunda öz müqəddəs borcunu yerinə yetirir, qurbanlar kəsilir, imkansızlara və ehtiyacı olanlara yardımlar edilir, şəhidlərimizin nurlu xatirəsi ehtiramla yad olunur. Məmnuniyyət hissi ilə qeyd etmək istəyirəm ki, hər belə bayram cəmiyyətimizdə xeyirxahlığın, birlik və bərabərliyin, Vətənə və milli dövlətçiliyə sədaqətin təntənəsinə çevrilir.

İnanıram ki, bu mübarək bayram müstəqil Azərbaycan Respublikasının tərəqqisi naminə xalqımızın qəhrəmanlıq və fədakarlıq qüdrətini artıracaq, ölkəmizdə vətəndaş sülhünü və milli-mənəvi həmrəyliyi daha da gücləndirəcəkdir.

Əziz bacı və qardaşlarım!

Kəsdiyiniz qurbanların Allah tərəfindən qəbul olunması arzusu ilə bir daha hər birinizə möhkəm cansağlığı, ailələrinizə firavanlıq, süfrələrinizə bol ruzi-bərəkət arzulayıram.

Qurban bayramınız mübarək olsun!".

Gürcüstanın hakim partiyası prezident seçkilərində namizəd irəli sürməyəcək

"Hakim "Gürcü arzusu-Demokratik Gürcüstan" Partiyasının oktyabrın 28-də keçiriləcək prezident seçkilərinin ilk turunda qələbə qazana biləcək namizədləri çoxdur. Amma buna baxmayaraq, biz bu seçkilərdə heç bir namizəd irəli sürməyəcəyik".

"Reort"un Gürcüstan bürosu xəbər verir ki, bu fikirləri Gürcüstan parlamentinin sədri İrakli Kobaxidze deyib. 

Onun sözlərinə görə, Gürcüstanda demokratiya inkişaf edir: "Biz də hakim partiya olaraq müstəqil prezident institutunun formalaşması, yeni seçiləcək ölkə başçısının tam müstəqil olması üçün bu addımı atırıq. Bununla belə, məqsəd və məramı, seçki platforması hakim partiyanın siyasi kursu ilə üst-üstə düşən müstəqil namizədi dəstəkləyə bilərik. Həmin şəxsin adı isə prezident seçkilərində iştirak edəcək siyasi partiyaların namizədlərinin qeydiyyatı tam başa çatdıqdan sonra açıqlanacaq".

Qeyd edək ki, İ.Kobaxidze bir neçə gün əvvəl jurnalistlərə açıqlamasında hakim partiyanın prezident seçkilərində xanım deputat Salome Zurabişvilinin namizədliyini dəstəkləyəcəyini bildirmişdi.

Medvedev Gürcüstan müharibəsinin təfərrüatını açıqladı

Rusiya baş naziri Dmitri Medvedev Rusiya və Gürcüstan arasındakı "Beşgünlük müharibə" ilə bağlı "Kommersant" qəzetinə müsahibə verib. 

Müsahibə hərbi əməliyyatların başlanmasının 10 illiyinə həsr olunub. 

O zaman ölkə prezidenti postunu tutan Medvedev münaqişənin təfərrüatını açıqlayıb. 

Onun sözlərinə görə, hərbi əməliyyatların başlanması üçün zərurət yox idi:

"Ancaq “Saakaşvilinin (Mixail Saakaşvili – 2004-2013-cü illərdə Gürcüstanın prezidenti) və onun tərəfdarlarının məsuliyyətsizliyi, əxlaqsız və cinayətkar davranışı buna vadar etdi". 

"Düşündüm və belə qərara gəldim: Cənubi Osetiya və Abxaziyanın müstəqilliyini tanımaqdan yaxşı heç nə yoxdur", - Rusiyanın baş naziri bildirib. 

Medvedevin sözlərinə görə, o, Rusiyada, Zaqafqaziyada gələcəkdə sülhün saxlanılması üçün çalışırdı. Və, bu, yeganə mümkün addım idi. 

"Bir müddət sonra VladimirPutinin rəhbərlik etdiyi hökumətlə danışdım. O da məni bu məsələdə dəstəklədi", - o qeyd edib. 

Medvedev deyib ki, 2008-ci ildə baş verən münaqişədə Rusiyanın Gürcüstanı darmadağın etmək və prezident Mixail Saakaşvilini edam etmək niyyəti yox idi. 

Siyasət

Gürcüstan prezident seçkiləri ərəfəsində

Gürcüstan Mərkəzi Seçki Komissiyası oktyabrın 28-də keçiriləcək prezident seçkiləri üçün 22 oktyabrdan seçki bülletenlərinin çapına başladı. Bu barədə Gürcüstan MSK-nın mətbuat katibi Ana Mikeladze məlumat verərək bildirib ki, bülletenlərin çapı bir neçə gün davam edəcək və prosesi 2 beynəlxalq və 5...

Baş nazir: “Prezident seçkiləri ilə Gürcüstan vacib demokratiya testi verəcək”

“Gürcüstan prezident seçkiləri ilə daha bir vacib demokratiya testi verəcək”. “Report”un yerli bürosunun verdiyi xəbərə görə, bunu Gürcüstanın Baş naziri Mamuka Baxtadze bu gün keçirdiyi brifinqdə deyib. O bildirib ki, bir neçə gündən sonra Gürcüstanda çox vacib və məsuliyyətli gün olacaq: “Ölkədə prezident...

İlham Əliyev Türkiyəyə gedib

Azərbaycan Respublikasının prezidenti İlham Əliyev İzmir şəhərində STAR neft emalı zavodunun açılış mərasimində iştirak etmək üçün oktyabrın 19-da Türkiyə Respublikasına işgüzar səfərə gedib. Hər iki ölkənin dövlət bayraqlarının dalğalandığı İzmir şəhərinin Adnan Menderes adına hava limanında dövlətimizin başçısını yüksək vəzifəli rəsmi şəxslər qarşılayıblar. Prezident İlham...

Mədəniyyət

Gürcüstanda şərab festivalı və nəhəng milli şirniyyat

Gürcüstanın Kaxeti bölgəsinin Qurcaani şəhərində ötən həftəsonu ənənəvi şərab festivalı keçirilib. "Report"un yerli bürosu xəbər verir ki, tədbir şəhərin "Axtala" kurortu ərazisində Gürcüstanda qeyd olunan "Gürcü şərabı" günləri çərçivəsində təşkil olunub. Kaxeti bölgəsi qonşu ölkənin şərabçılıq mərkəzi sayıldığından burada keçirilən festival daha genişmiqyaslı olub....

Tbilisidə şəxsi kolleksiyalarda saxlanılan Azərbaycan xalçalarının sərgi-satışı keçirilir

Gürcüstan paytaxtı Tbilisi şəhərində, "Axundov Evi" İncəsənət Qalereyasında "Şərq nağılları" adlı sərgi-satış yarmarkası açılıb.  “Report”un Gürcüstan bürosu xəbər verir ki,  sərgidə Tbilisi sakinlərinin şəxsi kolleksiyalarında saxlanılan 60-dan çox təsviri və tətbiqi incəsənət nümunələri və qədim Azərbaycan xalçaları nümayiş etdirilir. Sərginin açılış mərasimində Azərbaycan,...

Azərbaycanlı model Gürcüstanda gözəllik müsabiqəsinin qalibi oldu

Gürcüstanın paytaxtı Tbilisidə keçirilən "Miss and Mister Planet - 2018" beynəlxalq gözəllik müsabiqəsinin qalibləri müəyyənləşib. "Miss Planet - 2018" tituluna Ukrayna təmsilçisi Yelana-Evelina Firut, "Mister Planet - 2018" tituluna isə Azərbaycan təmsilçisi Emil Qasımov layiq görülüb. "Miss Planet 2018" titulu uğrunda yarışmada...

Cəmiyyət

Tanışlarına qarşı yarım milyonluq dələduzluq edən şəxs məhkəmə zalında həbs olunub

Bu gün Bakı Ağır Cinayətlər Məhkəməsində dələduzluqda təqsirləndirilən Bəhruz Muradov, Sehran Məmmədov və Abbas Rəsullunun cinayət işi üzrə məhkəmə iclası başa çatıb. "Report"un xəbərinə görə, hakim Əfqan Hacıyevin sədrliyi ilə keçirilən prosesdə hökm oxunub. Məhkəmənin hökmü ilə B.Muradov 9 il və S.Məmmədov...

Son 9 ayda Azərbaycanda 497 nəfərin İİV-ə yoluxması aşkarlanıb

Son 9 ayda Azərbaycanda 497 nəfərin İİV-ə yoluxması aşkarlanıb. Bu barədə "Report"a Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupundan bildirilib. Səhiyyə Nazirliyinin QİÇS-lə Mübarizə Mərkəzinin məlumatına əsasən, onlardan 482-i (96,9%) Azərbaycan vətəndaşı, 15-i (3,1%) isə əcnəbilərdir:...

Tovuzda yol qəzası nəticəsində yaralananların adları məlum olub

Tovuz rayonunda mikroavtobusun qəzaya uğraması nəticəsində xəsarət alan şəxslərin kimlikləri məlum olub. Bunlar sərnişinlər - Tovuz rayonunun Düz Cırdaxan kənd sakinləri, 2002-ci il təvəllüdlü Nərmin Seymur qızı Mustafayeva, 1956-cı il təvəllüdlü Elman Əsgər oğlu Hümbətov, 1990-cı il təvəllüdlü Elşən Sultanov və...

İqtisadiyyat

STAR zavodunun açılış mərasimi keçirilib

Türkiyənin İzmir şəhərində STAR neft emalı zavodunun açılış mərasimi keçirilib. Mərasimdə Azərbaycan Respublikasının prezidenti İlham Əliyev, Türkiyə Respublikasının prezidenti Rəcəb Tayyib Ərdoğan, Azərbaycan Dövlət Neft Şirkətinin (SOCAR) prezidenti Rövnəq  Abdullayev, Türkiyənin xəzinə və maliyyə naziri Berat Albayrak və Türkiyənin energetika və təbii sərvətlər naziri Fatih Dönmezçıxış ediblər. ...

Bakıdan Batumiyə birbaşa aviareys açılır

 "Buta Airways" aşağı büdcəli aviaşirkəti Gürcüstanın məşhur kurortu Batumiyə birbaşa aviareyslərə başlayacaq. Şirkətdən Reporta verilən məlumata görə, bu, loukosterin Gürcüstanda 2-ci istiqaməti olacaq.  Belə ki, aviaşirkət artıq Bakıdan Tbilisiyə müntəzəm reyslər yerinə yetirir. Aviaşirkətin digər istiqamətləri kimi Bakı-Batumi (IATA: BUS) istiqaməti üzrə də minimal...

Vergilər naziri Gürcüstan səfiri ilə görüşüb

Vergilər naziri Mikayıl Cabbarov Gürcüstanın Azərbaycandakı səfiri Zurab Pataradze ilə görüşüb.  Bu barədə Vergilər Nazirliyinin Mətbuat xidmətindən məlumat verilib. Tanışlıq məqsədi daşıyan görüşdə ölkələr arasındakı mövcud iqtisadi əlaqələr, qarşılıqlı ticarətin və investisiyaların genişləndirilməsi, yaxın qonşuluq və regionda starteji tərəfdaşlıq məsələləri barədə fikir mübadiləsi...

İdman

"Vorskla" “Qarabağ”a minimal hesabla qalib gəlib

UEFA Avropa Liqasının III turu çərçivəsində “Qarabağ” və Ukraynanın “Vorskla” komandaları arasında oyun qonaqların qələbəsi ilə başa çatıb. AZƏRTAC xəbər verir ki, Bakı Olimpiya Stadionunda oynanılan qarşılaşmanın 48-ci dəqiqəsində “Vorskla”nın 10 nömrəli oyunçusu Vladislav Kulaç topu “Qarabağ”ın qapısından keçirib - 0:1. “Qarabağ”ın...

Həbib Nurməhəmmədov əsrin döyüşündən qalib çıxdı — 27 döyüşdə 27-ci qələbə

Qarışıq döyüş növlərinin (MMA) UFC229 kateqoriyası üzrə ən güclü idmançılar hesab edilən rusiyalı Həbib Nurməhəmmədov və irlandiyalı Konor Makqreqor arasında döyüş keçirilib. Əsrin döyüşü adlanan görüş Las Vegas şəhərində "T-Mobile Arena"da baş tutub. Peşəkar arenada indiyədək məğlub olmayan rusiyalı döyüşçü bu görüşdə...

“Qarabağ” – “Arsenal” oyununda anşlaq olacaq

Bu gün Avropa Liqasının qrup mərhələsinin II turu çərçivəsində oyunlar keçiriləcək. "Qarabağ"ın İngiltərənin "Arsenal" komandası ilə oyununa maraq həddindən artıq böyükdür. Klubdan aldığımız məlumata görə, artıq təxminən 70 minlik tamaşaçı tutumuna malik stadiona 65 mindən çox bilet satılıb. Bu isə o deməkdir ki, oyun...

Dünya

Gürcüstan vətəndaşlığı almaq istəyən əcnəbilər üçün şərtlər sərtləşdirilir

Gürcüstan hökuməti vətəndaşlıq almaq istəyən xarici vətəndaşlar üçün şərtləri sərtləşdirir. AZƏRTAC xəbər verir ki, bununla əlaqədar olaraq “Əcnəbilərin hüquqi vəziyyəti və vətəndaşlığı olmayan şəxslər haqqında” Qanuna dəyişikliklər olunacaq. Bununla əlaqədar “Vahid Milli Hərəkat” partiyasının hazırladığı qanun layihəsi Gürcüstan parlamentinin siyasi iqtisadiyyat komitəsində...

İrlandiyalı müğənni O Konnor İslam dinini qəbul edib - FOTO

İrlandiyalı müğənni, ötən il adını Maqda Davitə dəyişən Şineyd O Konnor İslam dinini qəbul etdiyini bildirib. "Report" xəbər verir ki, bu barədə "Daily Mail" nəşri yazıb. Sənətçi bildirib ki, hazırda onun adı Şuhadədir. Nəşrin məlumatına görə, müğənninin yeni ad tərcümədə "şəhid" deməkdir. Müğənni...

Hindistanda qatar izdihamı əzib — 50 nəfərdən çox insan ölüb

Hindistanda qatar dəmir yolunun üstündə toplaşan izdihamı əzib. Hadisə Pəncab ştatındakı Əmritsar şəhəri yaxınlığında qeydə alınıb.  Qəza nəticəsində 50 nəfərdən çox insanın öldüyü bildirilir.   Faciəyə səbəb kimi hinduistlərin qədim Dəşəhra bayramı münasibətilə xeyli sayda sakinin ənənəyə uyğun olaraq müqəvvalar yandırmaq üçün dəmir yolu...

Saytda Axtarış

ახალი ამბები