Dalga Televiziyasi Siyasət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Hava proqnozu

Weather data OK
Bakı
24 °C

Ziyarətçi sayğacı

Bu günBu gün2355
DünənDünən2632
Bu həftəBu həftə2355
Bu ayBu ay82644
Bu günə qədərBu günə qədər2615659

Bizi Paylaşın

Video Xəbərlər

 

Təqvim


Azərbaycan, Türkiyə və Gürcüstan arasında müdafiə sahəsində Anlaşma Memorandumu imzalanıb

Martın 31-də Giresun şəhərində Azərbaycanın müdafiə naziri, general-polkovnik Zakir Həsənov, Türkiyənin milli müdafiə naziri Nurəddin Canikli və Gürcüstanın müdafiə naziri Levan İzoriya arasında görüş keçirilib.
 

Müdafiə Nazirliyinin mətbuat xidmətindən APA-ya verilən məlumata görə, görüşdən sonra Azərbaycan, Türkiyə və Gürcüstan arasında müdafiə sahəsində əməkdaşlıq haqqında Anlaşma Memorandumu imzalanıb.
 

Danışıqlardan sonra keçirilən mətbuat konfransında müdafiə nazirləri müzakirə olunan məsələlər və görüşün yekunları barədə kütləvi informasiya vasitələrinə məlumat veriblər.
 

Media qarşısında çıxışı zamanı Z.Həsənov bu formatda növbəti görüşün Azərbaycanda keçiriləcəyini bildirərək həmkarlarını ölkəmizə dəvət edib.

Azərbaycan, Türkiyə və Gürcüstanın müdafiə nazirlərinin görüşü keçirilib

Bu gün Türkiyənin Giresun şəhərində Azərbaycanın Müdafiə naziri general-polkovnik Zakir Həsənov, Türkiyənin Milli müdafiə naziri Nurəddin Canikli və Gürcüstanın Müdafiə naziri Levan İzoriya arasında üçtərəfli görüş keçirilib.


Müdafiə Nazirliyinin mətbuat xidmətindən APA-ya verilən məlumata görə, görüşdə Azərbaycan, Türkiyə və Gürcüstan arasında hərbi əməkdaşlığın perspektivləri, dünyada və regionda cərəyan edən proseslər, bölgədə sülhün, sabitliyin və iqtisadi inkişafın təmin olunması istiqamətində fəaliyyətlər və qarşılıqlı maraq doğuran digər məsələlər müzakirə edilib.


Vurğulanıb ki, üç qonşu xalq arasında dostluq əlaqələri inkişaf edir və dövlətlərimiz arasında strateji tərəfdaşlıq səviyyəsinə yüksələn münasibətlər xalqlarımızın iradəsini əks etdirir. Qarşılıqlı etimada əsaslanan bu əlaqələr regionda sülhün və sabitliyin, davamlı inkişafın bərqərar edilməsi, eləcə də xalqlarımızın rifahının təmin olunması baxımından mühüm rol oynayır.


Görüşdə çıxışı zamanı general-polkovnik Zakir Həsənov ölkəmizdə 31 mart tarixinin Azərbaycanlıların Soyqırımının 100 iliyi kimi qeyd edildiyini həmkarlarının diqqətinə çatdırıb. Müdafiə naziri bildirib ki, 1918-ci il 30 mart - 3 aprel tarixlərində Bakıda və digər ətraf rayonlarda erməni silahlı dəstələri tərəfindən on mindən çox azərbaycanlı qətlə yetirilib və itkin düşüb.


Soyqırımı ilə əlaqədar Türkiyənin Milli müdafiə naziri Nurəddin Canikli Azərbaycan xalqına başsağlığı verib.

Gürcüstanda 31 mart soyqırımının 100 illiyinə həsr olunmuş tədbir keçirilib

Azərbaycanın Gürcüstandakı səfirliyində 31 mart 1918-ci il soyqırımının 100-cü ildönümünə həsr olunmuş tədbir keçirilib.

APA-nın Gürcüstan bürosunun məlumatına görə, tədbir soyqırım qurbanlarının xatirəsinin bir dəqiqəlik sükutla yad edilməsi ilə başlayıb.  Sonra 31 mart soyqırımına aid sənədli film nümayiş etdirilib.

Tədbir çərçivəsində səfirlikdə ermənilərin azərbaycanlılara qarşı tarix boyu törətdikləri soyqırımı həqiqətlərini əks etdirən fotoşəkil və kitablardan ibarət sərgi təşkil olunub.

Mərasimdə çıxış edən Azərbaycanın Gürcüstandakı səfiri Dursun Həsənov 31 mart soyqırımının qısa tarixi barədə danışaraq 30 mindən çox azərbaycanlının qanına qəltan edildiyini diqqətə çatdırıb: "31 mart soyqırımı ermənilərin xalqımıza qarşı tarix boyu soyqırım həyata keçirdiklərini, bu prosesin məqsədyönlü və ultramillətçi ideoloji əsaslarla gerçəkləşdirildiyini sübuta yetirir. Ermənilər uydurma "Böyük Ermənistan" xülyalarını həyata keçirmək üçün tarixi şəraitdən və himayədarlarının dəstəyindən istifadə edərək, regionu azərbaycanlılardan və qeyri-millətlərdən təmizləmək, yalnız ermənilərin yaşadığı nasist dövləti yaratmaq istəyiblər. Azərbaycanın tarixi torpaqlarında – Dağlıq Qarabağda və ətraf rayonlarda törədilmiş soyqırımı cinayətləri, işğal bu prosesin davamıdır".

Sonra çıxış edən Türkiyənin Gürcüstandakı səfiri Fatma Ceren Yazqan soyqırım həqiqətlərinin dünya ictimaiyyətinə çatdırılmasının vacib olduğunu qeyd edib: "1918-ci il qətliamları törədilən zaman bu hadisənin unutdurulmasına çalışırdılar. O zaman media, televiziya olmadığından buna nail olunurdu. Bizim əsas vəzifəmiz qətliam qurbanlarının xatirəsini yad etmək və bu cür qətliamların bir daha təkrarlanmasına yol verməməkdir".

Diplomatın sözlərinə görə, Türkiyə və Azərbaycan təhdidlərin haradan gələ biləcəyini çox yaxşı bilir: "Biz böyük millətik. İki böyük dövlətimiz var. Gürcüstan kimi çox yaxşı qonşumuz var. Hər üç xalq gələcəkdə ortaq təhdidləri birgə aradan qaldırmalıdır".

Gürcüstan parlamentinin deputatı Mahir Dərziyev öz növbəsində deyib ki, Azərbaycan həqiqətlərinin Gürcüstan ictimaiyyətinə çatdırılması istiqamətində səylər daha da artırılmalıdır.

Tədbirdə SOCAR-ın Gürcüstan nümayəndəliyinin rəhbəri Mahir Məmmədov, azərbaycanlı ziyalılar, gürcü tarixçilər və ekspertlər və digər şəxslər iştirak edib.

Gürcüstan MSK-nın üzvləri Azərbaycanda seçkiləri müşahidə edəcək

alt

Gürcüstanın Mərkəzi Seçki Komissiyasının (MSK) dörd üzvündən ibarət nümayəndə heyəti Azərbaycanda keçiriləcək prezident seçkilərini müşahidə edəcək.

Bu barədə APA-nın yerli bürosuna Gürcüstan MSK-nın mətbuat katibi Ana Mikeladze məlumat verib.  O bildirib ki, təmsil etdiyi qurum Azərbaycan MSK-dan aprelin 11-də keçiriləcək prezident seçkilərini müşahidə etməklə bağlı dəvət alıb: "Azərbaycana göndəriləcək nümayəndə heyətinə Gürcüstan Mərkəzi Seçki Komissiyası sədrinin müşaviri Tamaz Şarmanaşvili rəhbərlik edəcək".   

Azərbaycan ordusu döyüş atışlı təlimlərə başladı

Müdafiə nazirinin təsdiq etdiyi 2018-ci il üçün döyüş hazırlığı planına uyğun olaraq Raket və Artilleriya birləşmələrinin və bölmələrinin döyüş vərdişlərinin təkmilləşdirilməsi məqsədilə cəbhə bölgəsindəki bütün ümumqoşun poliqonlarında təlimlər keçirilir.

Bu barədə Müdafiə Nazirliyinin mətbuat xidmətindən məlumat verilib.

Poliqonların birində keçirilən təlimdə özüyeriyən artilleriya qurğularının tətbiqi ilə praktiki döyüş atışları icra olunur. 

Atışların dəqiqliyini və intensivliyini təmin etmək məqsədilə artilleriya bölmələri müasir avtomatlaşdırılmış idarəetmə sistemlərindən istifadə edirlər.

https://youtu.be/6KI8aSCEN_c

Gürcüstanın baş naziri istefa verəcəyi barədə xəbərlərə münasibət bildirib

Gürcüstanın baş naziri Giorgi Kvirikaşvili istefası ilə bağlı son günlər yayılmış xəbərlərə münasibət bildirib.

APA-nın Gürcüstan bürosunun məlumatına əsasən, baş nazir jurnalistlərə hələ heç yerə getməyə hazırlaşmadığını deyib.

G.Kvirikaşvili bildirib ki, dəyişikliklər adi haldır: "Biz bir sıra vacib işlər görməliyik. Sakitləşin, ölkəyə sabitlik lazımdır və hər şey yaxşı olacaq".

Gürcüstan Rusiyanın maraqlarını təmsil edən diplomatı ölkədən çıxarır

Gürcüstan Rusiyanın maraqlarını təmsil edən diplomatı ölkədən çıxarır.
 

APA-nın yerli bürosunun xəbərinə görə, bu barədə Gürcüstanın Xarici İşlər Nazirliyi məlumat yayıb.
 

Məlumatda bildirilir ki, Gürcüstan XİN Birləşmiş Krallıq ərazisində 3 insanın sağlamlığına ciddi ziyan vurmuş və digər insanların həyat və sağlamlığına ciddi təhlükə yaratmış kimyəvi silahın istifadəsi faktını qınayır: "Bu, ümumi təhlükəsizlik üçün ciddi çağırışdır. XİN Birləşmiş Krallıqla həmrəylik nümayiş etdirir və ölkənin, dünya ictimaiyyətinin bu məsələ ilə bağlı mövqeyini bölüşür".
 

Gürcüstan XİN İsveçrə Konfederasiyasının səfirliyində Rusiya səfirliyinin maraqları seksiyasının əməkdaşını "arzuolunmaz şəxs" elan edərək ondan 7 gün ərzində Gürcüstanı tərk etməyi tələb edib. 
 

Qeyd edək ki, Gürcüstan və Rusiya arasında 2008-ci ildən etibarən diplomatik münasibətlər dayandırılıb. Gürcüstanda Rusiyanın maraqlarını İsveçrə Konfederasiyası səfirliyinin seksiyası təmsil edir

İlham Əliyev və Həsən Ruhani arasında görüş olub

Martın 28-də rəsmi qarşılanma mərasimindən sonra Azərbaycan prezidenti İlham Əliyevin və İran İslam Respublikasının prezidenti Həsən Ruhaninin təkbətək görüşü olub.

Dalga tv xəbər verir ki, dövlət başçıları görüşdə çıxış ediblər.

Azərbaycan prezidenti səfərin uğurlu olacağı, İran-Azərbaycan dostluq və qardaşlıq əlaqələrinin inkişaf edəcəyinə əmin olduğunu bildirib:

"Bizim aramızda çox sıx əlaqələr mövcuddur. Bütün sahələr üzrə çox yaxşı əməkdaşlıq edirik. Həm siyasi, həm iqtisadi, mədəni, enerji, nəqliyyat – bütün sahələrdə yaxşı nəticələr var və bu gün imzalanacaq sənədlər əlaqələrimizin inkişafına yeni təkan verəcək. Bizim görüşlərimiz müntəzəm olaraq keçirilir. Görüşlər zamanı əldə edilmiş razılaşmalar, verdiyimiz tapşırıqlar yerinə yetirilir. Bunun nəticəsində bu gün İran-Azərbaycan əlaqələri ən yüksək zirvəyə çatmışdır. Bir daha xoş gəlmisiniz".

Prezident Həsən Ruhanı, öz növbəsində deyib:

 "Biz bu Novruz bayramı günlərində Sizin ölkənizin və xalqınızın qonağıyıq. Regionun iki böyük milləti, iki böyük xalqı ortaq tarix və mədəniyyətə sahibdir. Eyni zamanda, ortaq məqsədlər də müəyyənləşdirilib ki, qarşıdakı hədəflərə nail olunsun.

Çox sevinirəm ki, hər dəfə Sizinlə görüşürük. Bunun şahidi oluruq ki, iki ölkənin əlaqələrində inkişaf əldə etmişik. Ötən bir neçə ildə biz onuncu dəfədir ki, görüşürük, yəni, üzbəüz görüşürük. Bu da göstərir ki, iki ölkənin əlaqələri səmimiyyətə söykənir. Keçmişdə razılaşdığımız məsələlər bu gün öz töhfəsini verir və sabah da biz bir neçə açılışın şahidi olacağıq.

Budəfəki səfərimizdə də əldə edəcəyimiz razılaşmalar qətiyyətlə deyə bilərəm ki, iki ölkənin əlaqələrinin inkişafına xidmət edəcək. Biz Azərbaycanın təhlükəsizliyini və suverenliyini öz təhlükəsizliyimiz və suverenliyimiz hesab edirik. İki dövlət, iki millət və iki xalqın iradəsi ilə biz bu əlaqələri daha da inkişaf etdirəcəyik. Zati-alinizin və xalqınızın qonaqpərvərliyinə görə bir daha təşəkkür edirəm".

 

Gürcü ekspertlər Ermənistanda faşizmin təbliğatını təhlükəli hesab edirlər

"Ermənistanda faşist Qareqin Njdeyə heykəlin qoyulması sadəcə təhqirdir".

APA-nın yerli bürosunun məlumatına əsasən, bunu Gürcüstanın Hərb Tarixi Cəmiyyətinin sədri, tarix elmləri doktoru, polkovnik Mamuka Qogitidze deyib.  O bildirib ki, fazişmin bu formada qəhrəmanlaşdırılması qəbuledilməzdir: "Böyük Vətən Müharibəsində qələbə böyük itkilər hesabına başa gəlib və 73 il qabaq heç kəsin ağlına gəlməzdi ki, faşizm və neofaşizm nə vaxtsa bərpa oluna bilər".

"Patriot"  İnformasiya Agentliyini direktoru Giorgi Remadze də Ermənistanda faşizm ideologiyasının təbliğatını təhlükəli adlandırıb: "Ermənistanla yanaşı, Qafqazda da faşizm ideologiyasının bərpası və gənclər arasında yayılmasına cəhdlər müşahidə olunur. Bu cür təhlükəli tendensiyalar və cəhdləri yalnız birgə mübarizə aparmaqla aradan qaldırmaq olar".

Cəbhədə son vəziyyət

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 106 dəfə pozub.

Bu barədə Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Barekamavan, Voskevan kəndlərində və adsız yüksəkliklərdə, İcevan rayonu ərazisindəki adsız yüksəkliklərdə yerləşən mövqelərdən Qazax rayonunun Kəmərli, Quşçu Ayrım kəndlərində və adsız yüksəkliklərdə, Berd rayonunun Çinari kəndində yerləşən mövqelərdən Tovuz rayonunun Koxanəbi və Ağbulaq kəndlərində yerləşən mövqelərimiz atəşə tutulub.

Tərtər rayonunun işğal altında olan Çiləbürt, Yarımca, Ağdam rayonunun  Şuraabad, Tağıbəyli, Baş Qərvənd, Cəvahirli, Sarıcalı, Xocavənd rayonunun Kuropatkino, Füzuli rayonunun Qərvənd, Aşağı Seyidəhmədli, Qorqan, Kürdlər, Horadiz, Cəbrayıl rayonunun Nüzgar və Mehdili kəndləri yaxınlığında, həmçinin Goranboy, Tərtər, Ağdam, Xocavənd və Füzuli rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

Giorgi Kvirikaşvili: “Azərbaycan Gürcüstanın sadiq dostu və strateji tərəfdaşıdır”

"Azərbaycan Gürcüstanın sadiq dostu və strateji tərəfdaşıdır".

APA-nın yerli bürosunun məlumatına əsasən, bu barədə Gürcüstanın baş naziri Giorgi Kvirikaşvilinin Marneuli sakinlərinə Novruz bayramı münasibətilə ünvanladığı təbrik müraciətində deyilir.

Baş nazir qeyd edib ki, Gürcüstan azərbaycanlılarının tarixi vətənləri olan Azərbaycanla əlaqələrini itirməməsini alqışlayır: "

"Azərbaycan Gürcüstanın sadiq dostu və strateji tərəfdaşıdır".

APA-nın yerli bürosunun məlumatına əsasən, bu barədə Gürcüstanın baş naziri Giorgi Kvirikaşvilinin Marneuli sakinlərinə Novruz bayramı münasibətilə ünvanladığı təbrik müraciətində deyilir.

Baş nazir qeyd edib ki, Gürcüstan azərbaycanlılarının tarixi vətənləri olan Azərbaycanla əlaqələrini itirməməsini alqışlayır: "Biz bir ölkənin övladlarıyıq. Bizim əcdadlar birgə yaşayıb, kədər və sevinci bölüşüblər. Biz beləyik və bizim övladlar da bu ənənəni davam etdirəcəklər".

 G.Kvirikaşvili azərbaycanlılara sülh, xoşbəxtlik, sevinc və tərəqqi arzu edib.

Gürcüstan prezidenti Giorgi Marqvelaşvili də marneuliləri bayram münasibətilə təbrik edib: "Siz dövlət quruculuğuna verdiyiniz töhfə ilə fəxr edə bilərsiniz. Sizə ölkə naminə böyük uğurlar arzu edirəm".

Biz bir ölkənin övladlarıyıq. Bizim əcdadlar birgə yaşayıb, kədər və sevinci bölüşüblər. Biz beləyik və bizim övladlar da bu ənənəni davam etdirəcəklər."

Gürcüstan parlamentinin sədri azərbaycanlıları Novruz bayramı münasibətilə təbrik edib

Gürcüstan parlamentinin sədri İrakli Kobaxidze ölkənin azərbaycanlı vətəndaşlarını Novruz bayramı münasibətilə təbrik edib.

APA-nın yerli bürosunun məlumatına əsasən, spiker təbrikində Gürcüstanda yaşayan müxtəlif millətlərin nümayəndələrinin  dövlət quruculuğundakı rolunu qeyd edib: "Bu gün gözəl bahar bayramını qeyd edən vətəndaşlarımızı təbrik edirəm. Biz güclü dövləti bir ailə kimi bir yerdə qururuq. Novruz bayramı Gürcüstanda əsrlər boyu qeyd olunur. Sizə xoşbəxtlik, sülh və əmin-amanlıq arzu edirəm".

Siyasət

Gürcüstan hökumətinin yeni strukturu sabah məlum olacaq

"Gürcüstanın yeni hökumətinin strukturu sabah təqdim olunacaq". APA-nın yerli bürosunun məlumatına görə, bu barədə Gürcüstanın baş naziri Mamuka Baxtadze deyib. O bildirib ki, hökumətin yeni tərkibində nazirliklərin sayı 11-dən çox olmayacaq: "Bu, effektiv fəaliyyət üçün ən optimal saydır". M. Baxtadze qeyd edib...

Azərbaycanın yeni hərbi helikopterləri Ermənistanı təşvişə saldı — ABŞ-a TƏCİLİ MƏKTUB

Ermənistan Azərbaycan ordusunun Amerika istehsalı olan yeni Bell-412 hərbi helikopterlərindən təşvişə düşüb. Təşviş dolu məktubla ölkə parlamentinin vitse-spikeri Arpin Hovanisyan ABŞ konqresinin Ermənistan-Amerika Dostluq Qrupunun üzvü Tulsi Harbarda müraciət edib. O,  Azərbaycanda hərbi parad zamanı sözügedən helikopterlərin nümayiş etdiriləcəyi barədə xəbərlərdən...

Sərhəddə atışma: Əsgər yaralanıb

Dövlət Sərhəd Xidməti (DSX) Cəlilabad rayonu ərazisində İranla sərhəddə baş vermiş insident barədə məlumat yayıb. DSX-nın mətbuat mərkəzindən verilən məlumata görə, bu gün DSX Sərhəd Qoşunlarının sərhəd zastavasının xidməti ərazisində dövlət sərhədinin pozulmasına cəhd edilib. Baş vermiş hadisə zamanı sərhəd naryadının başçısı, Balakən rayonundan...

Mədəniyyət

Gürcüstanın məşhur aktyoru vəfat edib

Gürcüstanın əməkdar artisti, aktyor və rejissor Baadur Tsuladze 83 yaşında vəfat edib. APA-nın TASS agentliyinə istinadən verdiyi məlumata görə, B. Tsuladze 1935-ci ildə Batumidə anadan olub. B. Tsuladze "Buratinonun sərgüzəştləri", "Mənim ərim ol" və digər məşhur filmlərdə çəkilib. Ümumilikdə 90 filmə çəkilən...

Fuad Poladov vəfat edib

Xalq artisti Fuad Poaldov Bakıdakı "Qurd qapısı" qəbiristanlığında dəfn olunub. Mərhum sənətkarın ailəsinə başsağlığı verənlər onun evini ziyarət etməkdə davam edirlər. Qeyd edək ki, Xalq artisti Azərbaycan kino və teatr sahəsində yetərincə sözünü demiş, 50-dən çox tamaşa və filmdə müxtəlif obrazlar yaradıb. ...

Tbilisidə “Azərbaycan payızı” festivalı keçiriləcək

Gürcüstanın paytaxtı Tbilisi şəhərinin Bakı küçəsində "Azərbaycan payızı" festivalı keçiriləcək. APA-nın Gürcüstan bürosunun məlumatına əsasən, bu barədə Tbilisi sakrebulosunun majoritar deputatı Rima Beradze şəhərin Kiyev küçəsində keçirilmiş "Ukrayna baharı" festivalında çıxışı zamanı bildirib. O deyib ki, şəhərin Çuqureti rayonunda yerləşən Bakı küçəsində...

Cəmiyyət

Salyanda yük avtomobilinin sürücüsü bacısını və onun 4 yaşlı oğlunu vurub, uşaq ölüb

Salyanda yük avtomobilinin sürücüsü ehtiyatsızlıqdan bacısını və 4 yaşlı oğlunu vurub. APA-nın Mil-Muğan bürosunun xəbərinə görə, hadisə Boranıkənd kəndində qeydə alınıb. Boranıkənd sakini, 1997-ci il təvəllüdlü Aslanov Əmrulla Nurulla oğlu idarə etdiyi "KamAZ" markalı yük avtomobili ilə bacısı -1994-cü il təvəllüdlü Məmmədova...

Tbilisidə görkəmli azərbaycanlıların panteonuna aparan yol bərpa olunur

Gürcüstanın paytaxtı Tbilisidə Milli Botanika Bağında bir sıra infrastruktur layihələrin icrasına başlanılıb. APA-nın Gürcüstan bürosunun məlumatına görə, layihələr çərçivəsində bağ ərazisində yerləşən görkəmli azərbaycanlıların panteonuna aparan əsas marşrut yollardan biri bərpa olunacaq. Tbilisi meri Kaxa Kaladze Botanika bağı ərazisində həyata keçiriləcək layihələrlə tanış...

Gürcüstanda 100-ə yaxın insan zəhərlənib

Gürcüstanın Batumi şəhərində uşaqlar da daxil olmaqla 100-ə yaxın insan zəhərlənib. APA-nın Gürcüstan bürosunun məlumatına görə, həmin şəxslərin bir neçə gün əvvəl toy şənliyi zamanı zəhərləndiyi bildirilir. Zəhərlənmiş şəxslərin əksəriyyəti müxtəlif xəstəxanalarda müalicə olunurlar. Onların hamısında qızdırma, qusma və ishal kimi eyni...

İqtisadiyyat

Bakı-Batumi avtobus reysi fəaliyyətə başlayır

İyul ayının 2-dən etibarən Bakı Beynəlxalq Avtovağzal Kompleksindən həftənin 1, 3, 5-ci günləri olmaqla Bakı-Batumi reysi fəaliyyətə başlayacaq. "APA-Economics"in məlumatına görə, avtobusların yola düşmə vaxtı Bakı vaxtı ilə saat 18:00, təyinat məntəqəsinə - Batumi şəhərinə isə növbəti gün saat 9:00-da çatacaq. Avtobusların...

"Yaxın zamanda" Sınıq Körpü"də "Ticarətin Asanlaşdırılması Mərkəzi"nin inşası yekunlaşacaq

Azərbaycan ilə Gürcüstan sərhədində yerləşən "Sınıq Körpü"gömrük postunun yaxınlığında tikilən "Ticarətin Asanlaşdırılması Mərkəzi"nin inşası tezliklə yekunlaşacaq. "APA-Economics"in məlumatına görə, bu barədə Dövlət Gömrük Komitəsinin Gömrük Nəzarəti Baş İdarəsinin böyük inspektoru Rövşən Namazov jurnalistlərə açıqlamasında deyib. Onun sözlərinə görə, bu mərkəz Avropa İttifaqının maliyyə dəstəyi...

SOCAR-ın Kulevi terminalından neft məhsullarının nəqli azalıb

Bu ilin yanvar-aprel aylarında SOCAR-ın Gürcüstanın Qara dəniz sahilində yerləşən Kulevi Neft Terminalı 0,5 mln. ton neft və neft məhsulu qəbul edərək yola salıb. APA-nın yerli bürosu Gürcüstanın İqtisadiyyat və Davamlı İnkişaf Nazirliyinə istinadla xəbər verir ki, ötən ilin eyni dövrü...

İdman

İngiltərə Panamanı darmadağın etdi — 6:1

Futbol üzrə İngiltərə yığması DÇ-2018-in qrup mərhələsinin II turunda Panama üzərində böyükhesablı qələbə qazanıb.  Nijnıy Novqorodun eyniadlı stadionunda keçirilən görüş 6:1 hesabı ilə avropalıların xeyrinə başa çatıb. İngilislərin heyətində Harri Keyn het-trik, Con Stouns dubl edib. Cessi Linqard isə bir dəfə fərqlənməyə...

Formula 1-də ilk qəza — 3 pilot yarışı tərk etdi

Formula 1 Azərbaycan Qran-Prisinin startında həyəcanlı anlar yaşanıb. start verilən kimi birinci dövrədəcə iki pilot mübarizəni dayandırmalı olub. "Force India" komandasının pilotu Eseteban Okon və "Williams" komandasının pilotu Sergey Sirotkin qəza törədiblər. Nəticədə hər iki pilotun bolidi yararsız hala düşüb. Hər...

Azərbaycan prezidenti Formula 1 Azərbaycan Qran-Prisinin açılış mərasiminə və final yarışına baxıb

Bu gün Azərbaycan prezidenti İlham Əliyev, birinci xanım Mehriban Əliyeva və ailə üzvləri Formula 1 üzrə dünya çempionatının dördüncü mərhələsinin - Azərbaycan Qran-Prisinin əsas yarışına baxıblar. APA-nın məlumatına görə, dövlət başçısı və birinci xanım əvvəlcə yarışın paytaxtın Azadlıq meydanındakı idarəetmə mərkəzində...

Dünya

Nigeriyada qanlı toqquşma — 86 ölü

Nigeriyada Berom xalqının fermerləri ilə Fulani xalqının maldarları arasında qanlı toqquşma olub. Fermerlər maldarlara hücum edərək 5 nəfəri öldürüblər. Bundan sonra isə qarşı tərəfin cavabı olub. Fulanilərin hücumunda isə ölü sayı artıb. Bölgə uzun illərdir torpaq üstündə toqquşan bu iki qrupun qalnı...

Ərdoğan seçkilərdə qalib gəldi

Türkiyədə keçirilən prezident seçkilərində Rəcəb Tayyip Ərdoğan qalib gəldi. Türkiyənin Mərkəzi Seçki Komissiyasının sədri Sədi Güvən bu barədə məlumat verib. Məlumata əsasən, bülletenlərin 99.2%-i artıq sayılıb. Nəticələrə əsasən, Ərdoğan 52.55% səslə qalib gəlib.  Bundan başqa parlament seçkilərində də altı partiyanın 10 faizlik...

Türkiyədə prezident seçkilərində bülletenlərin 43 faizi hesablanıb, Ərdoğan liderdir

Türkiyədə keçirilən prezident seçkilərində bülletenlərin 42 faizi hesablanıb. APA-nın "Anadolu" agentliyinə istinadən verdiyi xəbərə görə, ilk yeri səslərin 56,98%-ni toplayan Türkiyənin hazırkı prezidenti Rəcəb Tayyib Ərdoğan  tutur. İkinci yerdə Cümhuriyyət Xalq Partiyasının (CHP) namizədi Məhərrəm İncə (28,31%), üçüncü isə İyi Partiyanın...

Saytda Axtarış

ახალი ამბები