Dalga Televiziyasi Siyasət
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Hava proqnozu

Weather data OK
Bakı
22 °C

Ziyarətçi sayğacı

Bu günBu gün0
DünənDünən1600
Bu həftəBu həftə3199
Bu ayBu ay30282
Bu günə qədərBu günə qədər2786224

Bizi Paylaşın

Video Xəbərlər

 

Təqvim


Vitse-spiker: "Gürcüstanın TANAP-ın açılışında yüksək səviyyədə iştirak etməməsi ölkədaxili siyasi vəziyyətlə bağlıdır"

"Gürcüstanın TANAP layihəsinin rəsmi açılış mərasimində yüksək səviyyədə iştirak etməməsi ölkədəki daxili siyasi vəziyyətlə bağlı olub".

APA-nın yerli bürosunun məlumatına görə, bunu Gürcüstan parlamentinin vitse-spikeri, Gürcüstan-Azərbaycan parlamentlərarası dostluq qrupunun rəhbəri Zviad Dzidziquri deyib.

O qeyd edib ki, rəsmi açılış mərasimində Gürcüstan prezidenti və ya baş nazirinin təmsil olunmaması ölkənin Azərbaycan və Türkiyə ilə münasibətlərinə heç bir təsir etməyəcək.

 

 

Tbilisidə Azərbaycanın Milli Qurtuluş günü qeyd olunub

Azərbaycanın Gürcüstandakı səfirliyində Milli Qurtuluş gününə həsr olunmuş tədbir keçirilib.

APA-nın yerli bürosunun məlumatına görə, tədbir iştirakçıları öncə Tbilisidə Heydər Əliyev adına parkda ümummilli liderin büstünü ziyarət edərək önünə gül dəstələri qoyublar.

Tədbir Milli Qurtuluş günü haqqında video çarxın nümayiş etdirilməsi ilə başlayıb.

Tədbirdə çıxış edən Azərbaycanın Gürcüstandakı səfiri Dursun Həsənov Milli Qurtuluş gününün tarixi əhəmiyyətindən danışıb: "Həmin dövrdə ümummilli lider Heydər Əliyev milli dövlətçilik konsepsiyasını yaratdı və ən qısa müddətdə ölkədə sabitlik bərpa olundu, xaosa son qoyuldu. Azərbaycan dünyəvi və demokratik dövlət kimi inkişaf etməyə başladı".

Səfir H. Əliyevin Azərbaycan-Gürcüstan münasibərlərinin inkişafındakı rolundan da söz açıb.

Tədbirdə Gürcüstanda səfərdə olan Diasporla İş üzrə Dövlət Komitəsinin sədri Fuad Muradov, Gürcüstan parlamentinin azərbaycanlı deputatları, gürcü ekspertlər, ziyalılar, azərbaycanlı iş adamları və gənclər iştirak edib. 

Gürcüstan prezidenti: "Baş nazir İvanişvili olmalıdır"

Gürcüstan prezidenti Giorgi Marqvelaşvili baş nazir Giorgi Kvirikaşvilinin istefasına münasibət bildirib.

APA-nın yerli bürosunun məlumatına görə, dövlət başçısı ölkədəki prosesləri maskarad adlandırıb.

G. Marqvelaşvili deyib ki, ictimaiyyət istefanın arxasında hansı arqumentlərin olduğunu bilməlidir: "Maskarad başa çatmalıdır. Avropa ölkələrində hakim partiya sədrləri baş nazir vəzifəsini tutur. Buna müvafiq olaraq hakim partiyanın lideri Bidzina Ivanişvili baş nazir olmalıdır".

Gürcüstanın baş nazirliyinə namizəd bu gün məlum olacaq

Gürcüstanın parlament çoxluğu bu gün baş nazir vəzifəsinə namizədlə bağlı müzakirə aparacaq.

APA-nın yerli bürosunun məlumatına görə, parlament çoxluğunun görüşü bu gün saat 17:00-da hakim "Gürcü Arzusu-Demokratik Gürcüstan" Partiyasının baş ofisində keçiriləcək.

Müzakirələrdə hökumət başçısı postuna bir neçə nəfərin namizədliyi nəzərdən keçiriləcək. Namizədlər arasında Gürcüstanın maliyyə naziri Mamuka Baxtadzenin də olduğu bildirilir.

 

Baş nazir vəzifəsinə namizəd məlum olandan sonra həmin namizəd prezident Giorgi Marqvelaşviliyə təqdim olunacaq. Prezident 7 gün ərzində namizədi təsdiq olunması üçün parlamentə təqdim edəcək. Bundan sonra baş nazirliyə namizəd 7 gün ərzində komandasını formalaşdırmalı və hökumətin fəaliyyət proqramını təqdim etməlidir. Daha sonra parlament etimadın göstərilməsi üçün hökumətin tərkibi və proqramla bir həftə ərzində tanış olacaq. Yeni hökumət qanunverici orqanın 150 deputatının yarısından çoxunun dəstəyi ilə təsdiq olunacaq.

Qeyd edək ki, baş nazir Giorgi Kvirikaşvili ötən gün istefa verib. O, istefasının əsas səbəbi kimi hakim partiya rəhbərliyi ilə fikir ayrılıqlarının olduğunu göstərib. Onun istefasından sonra hökumət də tam tərkibdə istefaya göndərilib. 

Gürcüstanın baş naziri istefa verib

Gürcüstanın baş naziri Giorgi Kvirikaşvili istefa verib.

"Mən hər bir vətəndaşın baş naziri olmağa çalışdım. Bu gün öz vəzifəmi tərk edirəm", - o, keçirdiyi brifinqdə bildirib. 

Qeyd edək ki, G.Kvirikaşvili etirazlar fonunda vəzifəsindən getməyəcəyini bildirmişdi. 

Fuad Muradov: "Azərbaycan ilə Gürcüstan strateji tərəfdaşlardır"

alt

 

Azərbaycan Respublikasının Diasporla İş üzrə Dövlət Komitəsinin (DİDK) sədri Fuad Muradovun başçılıq etdiyi nümayəndə heyəti Gürcüstana səfərə gəlib.

İlk öncə Azərbaycan nümayəndə heyətinin üzvləri Tbilisinin mərkəzindəki Heydər Əliyev parkında Ulu Öndərin büstünü ziyarət ediblər, büstün önünə gül dəstələri düzüb, Ulu Öndərin xatirəsini ehtiramla anıblar.

Fuad Muradov Gürcüstan katolikosu II İlya ilə görüşüb. Katolikos II İlya Azərbaycan nümayəndə heyətini salamlayıb, iki ölkə arasındakı əlaqələrin inkişafında dövlət başçılarının rolunu xüsusi qeyd edib. O, gürcü xalqının Prezident İlham Əliyevin xüsusi diqqət və qayğısını daim hiss etdiyini vurğulayıb: "Bu gün SOCAR-ın Gürcüstanda həyata keçirdiyi layihələr bizim xalqlarımızın daha da yaxınlaşmasına, rifah halının xidmət edir".

II İlya mədəni əlaqələrin inkişafında Azərbaycanın Birinci vitse-prezident xanım Mehriban Əliyevanın rolunu xüsusi qeyd edib.

Fuad Muradov göstərilən qonaqpərvərliyə və Azərbaycan xalqının, Prezident İlham Əliyevin, Birinci vitse-prezident xanım Mehriban Əliyevanın ünvanına söylədiyi xoş sözlərə görə minnətdarlıq edib.

O qeyd edib ki, Azərbaycan ilə Gürcüstan arasında əlaqələr çox yüksək səviyyədədir: "Prezident İlham Əliyevin həyata keçirdiyi uğurlu siyasət nəticəsində münasibətlərimiz strateji tərəfdaşlıq səviyyəsinə yüksəlib".

Dövlət Komitəsinin sədri Azərbaycanın və Gürcüstanın birgə heyata keçirdikləri layihələrin regiondavə dünyada sülhə, tərəqqiyə, sabitliyə xidmət etdiyini xüsusi vurğulayıb.

Fuad Muradov Dağlıq Qarabağ münaqişəsi barədə ətraflı məlumat verib. Hər iki dövlətin ərazi bütövlüyünün pozulmasını təəssüf hissi ilə qeyd edib, Azərbaycanla Gürcüstanın bir-birinin ərazi bütövlüyünü dəstəkləndiyini xüsusi vurğulayıb.

SOCAR-ın Gürcüstan nümayəndəliyinin rəhbəri Mahir Mammədov, Qafqaz Müsəlmanları İdarəsinin (QMİ) Gürcüstan nümayəndəliyinin rəhbəri Hacı Əli Əliyev, yepiskop Şio, yepiskop Qerosimo və başqaları çıxış edib, iki ölkə arasında əlaqələrin inkişaf pespektivləri barədə fikirlərini bölüşüblər.

Daha sonra  Fuad Muradov Gürcüstanın xarici işlər naziri Mixail Canelidze ilə görüşüb.Görüşdə Azərbaycanla Gürcüstan arasında əlaqələr, regionda həyata keçirilən irimiqyaslı enerji və nəqliyyat layihələri, ikitərəfli, həmçinin Azərbaycan-Gürcüstan-Türkiyə formatı çərçivəsində münasibətlərin inkişaf perspektivləri geniş müzakirə olunub.

Mixail Canelidze iki ölkə arasında münasibətlərin strateji tərəfdaşlıq səviyyəsinə yüksəlməsini xüsusi vurğulayıb. O qeyd edib ki, hər iki dövlət beynəlxalq təşkilatlarda da bir sıra vacib məsələlərlə bağlı eyni mövqedən çıxış edirlər.

Fuad Muradov Azərbaycan dövlətinin, əsasən də Prezident İlham Əliyevin Gürcüstanla münasibətlərə xüsusi önəm verdiyini söyləyib: "İki ölkənin həyata keçirdiyi regional layihələr təkcə xalqlarımızın rifahının yaxşılaşmasıma deyil, bütövlükdə regionun inkişafına, eləcə də Avropanın enerji təhlükəsizliyinə xidmət edir".

Görüşdə iki ölkə arasında əlaqələrin digər sahələr üzrə də inkişaf etdirilməsinin vacibliyi qeyd olunub, münasibətlərin bundan sonra da yüksələn xətlə inkişaf edəcəyinə əminlik ifadə olunub.

Fuad Muradov Tbilisidəki Cümə Məscidində Gürcüstan Müsəlmanları İdarəsinin (GMİ) sədri Hacı Ramin İgidovla görüşüb.

Görüşdə Gürcüstanda dini etiqad azadlığı, müsəlmanlarla digər dini icmalar arasındakı münasibətlər və digər məsələlər ətrafında fikir mübadiləsi aparılıb.

GMİ-nin sədri Ramin İgidov bildirib ki, Gürcüstanda yaşayan müsəlmanlar dini qurumlar arasında ikincidir. Ölkədə 300-dən artıq məscid var, onların da 180-dən çoxu qeydiyyata alınıb və müsəlmanların mülkiyyətinə verilib. Müsəlman dini icması hər il dövlət büdcəsindən 2 milyon 700 min laridən çox yardım alır. Bu vəsait hesabına son dörd ildə 120-yə yaxın məscid təmir olunub.

“Gürcüstanda dini etiqad azadlığı və ya ayrıca din haqqında qanuna ciddi ehtiyac var. Azərbaycanda din azadlığı ilə əlaqədar qəbul olunmuş qanun bizim üçün də məqbuldur”, - deyə R.İgidov vurğulayıb.

F.Muradov Azərbaycanda din azadlığının, tolerantlığın dünyada nümunə olduğunu vurğulayıb.

Bildirib ki, Azərbaycanın və Gürcüstanın dini qurumları arasında çox yaxşı münasibətlər var. Bu, digər sahələrdə də əlaqələrimizin daha da genişləndirilməsi üçün gözəl zəmin yaradır.

Fuad Muradov Gürcüstana gedəcək

 

 

Diasporla İş üzrə Dövlət Komitəsinin sədri Fuad Muradov iyunun 12-də Gürcüstana gedəcək.

Bu barədə Dövlət Komitəsindən məlumat verilib.

Bildirilib ki, Fuad Muradovun rəhbərlik etdiyi nümayəndə heyətinin sabah Gürcüstana rəsmi səfəri başlayır. Səfər çərçivəsində Dövlət Komitəsinin sədrinin Gürcüstan rəsmiləri və bu ölkədə yaşayan azərbaycanlılarla görüşləri planlaşdırlır. 

Səfər iyunun 17-də başa çatacaq. 

UNEC-in professor-müəllim heyəti Gürcüstandakı Azərbaycan məktəblərində olub

UNEC-in professor-müəllim heyəti Gürcüstandakı Azərbaycan məktəblərinə səfər edib.

Azərbaycan Respublikasının Diasporla İş üzrə Dövlət Komitəsinin dəstəyi ilə reallaşan səfərin məqsədi Gürcüstanda yaşayan azərbaycanlıların ana dilində ali təhsil almasına dəstək vermək, həmvətənlərimizi ali təhsilə yönəltmək və abituriyentləri UNEC barədə məlumatlandırmaqdır.

"Müəssisənin iqtisadiyyatı" kafedrasının müdiri, dosent Əli Hacıyevin rəhbərlik etdiyi nümayəndə heyəti Gürcüstan Respublikasının Bolnisi və Dmanisi rayonlarının orta məktəblərinin yuxarı sinif şagirdləri ilə görüşüblər. Görüşdə məktəblilərə regionun ən böyük iqtisadyönümlü universiteti olan UNEC barədə ətraflı məlumat verilib. Bildirilib ki, Azərbaycanın 4 dildə təhsil verən yeganə ali təhsil ocağı olan UNEC-ə xarici ölkə vətəndaşlarının qəbulu tamamilə elektronlaşdırılıb. Abituriyentlər tələb olunan sənədləri elektron qaydada təqdim edir və müvafiq tələblərə cavab verdikləri halda UNEC-də təhsil almaq hüququ qazanırlar.

UNEC-ə qəbul prosesinin sadələşdirildiyi məktəblilərin diqqətini cəlb edib. Onlar UNEC-də tədris olunan ixtisaslarla maraqlanıblar. Dünyanın nüfuzlu universitetləri ilə həyata keçirilən ikili diplom və mübadilə proqramları şagirdlərin marağına səbəb olub. Məktəblilər dörd ildə iki ixtisasa yiyələnmək imkanı tanıyan UDİD proqramını isə tələbələr üçün əvəzsiz fürsət adlandırıblar.

Səfər çərçivəsində həmvətənlərimizə UNEC-in magistr proqramları barədə də ətraflı məlumat verilib. Bildirilib ki, UNEC-in müasir tələblərə cavab verən Beynəlxalq Magistratura və Doktorantura Mərkəzində 11 ixtisas 39 ixtisaslaşma üzrə 4 dildə tədris həyata keçirilir. Mərkəzin tələbələri UNEC-in diplomu ilə y

Görüşlərdə UNEC-in tanıtım videoçarxı nümayiş olunub, suallar cavablandırılıb. Görüşdə iştirak edənlər Cənubi Qafqazın ən böyük iqtisadyönümlü universitetində təhsil imkanları ilə tanışlıqdan sonra UNEC-in tələbəsi olmaq istədiklərini bildiriblər.

 

GÜRCÜSTAN QARIŞIB: BAŞ NAZİRƏ ÇIXIŞ ETMƏYƏ İMKAN VERİLMƏDİ

Gürcüstanın baş naziri Giorgi Kvirikaşvili Tbilisidə kütləvi aksiyanın keçirildiyi parlamentin qarşısına gəlib. APA-nın Gürcüstan bürosunun məlumatına əsasən, o, aksiya iştirakçılarına müraciət edib.

"lk növbədə bəyan edirəm ki, bu ölkənin sıravi vətəndaşı kimi mənim üçün vəzifə qara qəpiyə dəyməz. Mənim üçün prosesin hüquqi çərçivədə inkişaf etdirilməsi vacibdir. Buna görə də səhər tezdən iş üzrə istintaq Daxili İşlər Nazirliyinə qaytarılacaq", - deyə baş nazir bildirib.
 
Aksiya iştirakçıları baş nazirə müraciətini bitirməyə imkan verməyərək, onun ünvanına "Get!" şüarı səsləndiriblər.
 
G. Kvirikaşvilinin mühafizəsi onu aksiya keçirilən ərazidən uzaqlaşdırıb.
 
 
Qeyd edək ki, Tbilisidə Gürcüstan parlamentinin binası qarşısında kütləvi aksiya keçirilir.
 
Aksiya iştirakçıları ötən ilin dekabrında Tbilisidə qətlə yetirilən iki məktəblinin qatillərinin cəzalandırılmasını tələb edirlər.
 
"Məni qətlə yetirmə" şüarlı aksiya öncə Baş prokurorluğun qarşısında Tbilisi şəhər məhkəməsinin yeniyetmələrin qətli ilə bağlı iş üzrə qərarından sonra keçirilib. Baş prokuror İrakli Şotadzenin istefasından sonra aksiya iştirakçıları parlamentin binası qarşısına doğru yürüş ediblər.
 
 
Qeyd edək ki, ötən ilin dekabrın 1-də Tbilisinin 51 saylı məktəbinin şagirdləri 16 yaşlı David Saralidze və Levan Dadunaşvili Xorava küçəsində mübahisə zamanı ölümcül bıçaq yaraları alıblar. Polis insidentdə şübhəli bilinən 2 yeniyetməni saxlayıb. Tbilisi şəhər məhkəməsi ötən gün təqsirləndirilən şəxsləri qismən təqsirli hesab edib.

Tbilisidə etiraz aksiyası davam edir

Tbilisidə parlamentin binası qarşısında saat 17:00-dan başlamış aksiya davam edir.

APA-nın Gürcüstan bürosunun məlumatına görə, yağışın başlaması səbəbindən parlament binası qarşısında olan çadırlar Rustaveli prospektinə daşınıb.

Aksiya iştirakçıları yağışdan qorunmaq üçün çadırlara toplaşıblar.

Zaza Saralidze jurnalistlərə açıqlamasında deyib ki, oğlunun qətlində günahı olanların hamısı müəyyən olunmayana qədər  Rustaveli prospektindəki çadırdan çıxmayacaq.

Düşmən təxribatı davam edir

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 85 dəfə pozub.

Bu barədə Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Voskevan, İcevan rayonunun Paravakar kəndlərində yerləşən mövqelərdən Ağstafa rayonunun Köhnəqışlaq, Qazax rayonunun Quşçu Ayrım, Məzəm kəndlərində, Berd rayonunun Çinari kəndində yerləşən mövqelərdən Tovuz rayonunun Ağdam kəndində, Krasnoselsk rayonunun Cil kəndində və adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən Azərbaycan ordusunun mövqeləri atəşə tutulub.

 

İşğal altında olan Ağdam rayonunun Abdinli, Qaraqaşlı, Mərzili, Xocavənd rayonunun Kuropatkino, Füzuli rayonunun Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Ağdam, Xocavənd və Füzuli rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

Kvirikaşvili: “Yeniyetmələrin qətli ilə bağlı məhkəmə qərarı çoxlu suallar doğurub”

"Birinci instansiya məhkəməsinin Xorava küçəsində baş vermiş faciə ilə bağlı qərarı bizim də aramızda çoxlu suallar doğurub".

APA-nın yerli bürosunun məlumatına görə, bu barədə Gürcüstanın baş naziri Giorgi Kvirikaşvili hökumətin iclasında deyib. O bildirib ki, iki gəncin itirilməsi ilə nəticələnmiş faciə cəmiyyətdə ciddi narahatlıq yaradıb. Baş nazir Tbilisinin Xorava küçəsində iki yeniyetmənin qətlini hökumət üçün ciddi çağırış adlandırıb: "Bizim üçün əsas dəyər insandır. Biz iki gənc insanı itimişik".


G. Kvirikaşvili qeyd edib ki, Daxili İşlır Nazirliyicinayətin bilərəkdən gizlədilməsi, həmçinin şahidlərə mümkün təzyiqin göstərilməsi istiqamətində təhqiqatı bərpa edib. 


Qeyd edək ki, ötən ilin dekabrın 1-də Tbilisinin 51 saylı məktəbinin 16 yaşlı iki şagirdi Xorava küçəsində mübahisə zamanı qətlə yetirilib. Tbilisi şəhər məhkəməsinin iş ilə bağlı qərarı yeniyetmələrin doğmaları ilə yanaşı cəmiyyətdə də kəskin narazılıq və etiraza səbəb olub. 

 

Siyasət

Gürcüstanda prezident seçkilərində 25 namizəd iştirak edəcək

Gürcüstanda oktyabrın 28-də keçiriləcək prezident seçkilərində 25 namizəd iştirak edəcək. Bu barədə Gürcüstanın Mərkəzi Seçki Komissiyasından (MSK) məlumat verilib. Məlumata əsasən, namizədlərin 19-u siyasi partiya, 6-sı isə təşəbbüs qrupları tərəfindən irəli sürülüb. 25 namizəd arasında namizədliklərini geri götürmək istəyənlər bu barədə oktyabrın 16-dan gec...

Gürcüstandakı prezident seçkiləri ilə bağlı 40-a yaxın ölkədə seçki məntəqəsi yaradılacaq

Gürcüstanın Mərkəzi Seçki Komissiyası (https://report.az/axtar%C4%B1%C5%9F/M%C9%99rk%C9%99zi%20Se%C3%A7ki%20Komissiyas%C4%B1/)(MSK) prezident seçkiləri ilə bağlı 40-a yaxın ölkədə seçki məntəqəsi açacaq. Bu barədə MSK-nın mətbuat katibi Ana Mikeladze keçirdiyi brifinqdə bildirib. O deyib ki, xarici ölkələrdə seçki məntəqələri sentyabrın 28-dən gec olmayaraq yaradılacaq və onların ünvanları MSK-nın rəsmi...

Cəbhədə silahlar susmadı

Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 112 dəfə pozub. Bu barədə Azərbaycan Müdafiə Nazirliyinin Mətbuat xidmətindən məlumat verilib. Ermənistan Respublikası Noyemberyan rayonu ərazisindəki adsız yüksəkliklərdə yerləşən mövqelərdən Qazax rayonunun Aşağı Əskipara kəndində,...

Mədəniyyət

Tbilisidə azərbaycanlı gənc rəssamın ilk fərdi sərgisi açılıb

Gürcüstanın paytaxtı Tbilisi şəhərindəki Mirzə Fətəli Axundov adına Azərbaycan Mədəniyyəti Muzeyində gənc rəssam Fuad Babazadənin ilk fərd sərgisi açılıb. Sərgidə rəssamın 30-a yaxın rəsm əsəri təqdim olunub. F.Babazadə jurnalistlərə müsahibəsində Tbilisidə doğulduğunu və uşaqlıqdan rəssamlığa böyük marağının olduğunu deyib: "Tbilisi İncəsənət Akademiyasını...

Gürcüstanda Nəriman Nərimanova həsr olunan tədbir keçirilib

Gürcüstanın Marneuli rayonunda Azərbaycanın görkəmli dövlət xadimi və ədibi Nəriman Nərimanovun həyat və yaradıcılığının təbliğinə həsr olunan görüş keçirilib. Tədbir Azərbaycan Respublikasının Dövlət Neft Şirkətinin (SOCAR) Gürcüstan nümayəndəliyinin təşkilatı dəstəyi ilə baş tutub. Görüşdən öncə Nəriman Nərimanovun Bakıdakı Ev Muzeyinin direktoru Kamilə Hüseynova,...

Bu gün dahi Üzeyirin ad günüdür

Bu gün Azərbaycan musiqisinin dahisi sayılan Üzeyir Hacıbəyovun ad günüdür. Üzeyir Hacıbəyov 18 sentyabr 1885-ci ildə Əbdülhüseyn bəy və Şirinbəyim xanım Hacıbəyovların ailəsində doğulub. Üzeyirin atası Əbdülhüseyin Molla Məhəmməd oğlu Hacıbəyov öz dövrünün savadlı, ziyalı şəxslərindən biri idi. O, XIX əsrin...

Cəmiyyət

Tbilisidə yaşayış binasında yanğın olub, sakinlər təxliyyə edilib

Gürcüstanın paytaxtı Tbilisinin Samqori rayonunda yaşayış binasında güclü yanğın baş verib. Yanğın binanın 5-ci mərtəbəsində 2 otaqlı mənzildə qeydə alınıb. Fövqəladə halların idarə olunması xidmətindən bildirilib ki, yanğın zamanı 20 kv. metr sahə yanıb. Hadisə yerinə 6 yanğınsöndürən maşın cəlb olunub. Təhlükəsizlik baxımından binanın...

Yağışdan sonra - FOTO

Bazar günü səhər saatlarında baş verən və paytaxtın bəzi mərkəzi küçələrini su altında qoyan yağışın fəsadları ilə bağlı məlumatlar gəlməkdə davam edir.  Oxucularımızdan birinin göndərdiyi fotolarda "Gənclik" metrostansiyası yaxınlığındakı istinad divarının uçması aydın görünür.  Hadisə nəticəsində üç avtomobilə ciddi ziyan dəyib.  ...

İnsanların əsas ölüm səbəbi açıqlandı

Spirtli içki qəbuluna görə hər il üç milyona yaxın insan ölür. Bu, QİÇS-ə, zorakılığa və yol qəzalarına görə ölənlərin sayından çoxdur. Bununla bağlı Ümumdünya Səhiyyə Təşkilatı məlumat yayıb.  Məlumat "MedicalXpress"in press-relizində yayımlanıb.  Mütəxəssislərin sözlərinə görə, spirtli içkilər dünyadakı 20 ölüm halından birinin səbəbi...

İqtisadiyyat

SOCAR-da “Azərbaycan nefti” ekspozisiyası açılıb

Bu gün "Əsrin müqaviləsi”nin imzalanmasının ildönümü və Azərbaycan neft-qaz sənayesi işçilərinin peşə bayramı - "Neftçilər günü” ərəfəsində Azərbaycan Dövlət Neft Şirkətinin (SOCAR) Baş ofisində "zərbaycan nefti" ekspozisiyasının açılışı olub. Mərasimdə SOCAR-ın prezidenti Rövnəq Abdullayev, energetika naziri Perviz Şahbazov, BP-nin Azərbaycan, Gürcüstan və Türkiyə...

SOCAR qazma əməliyyatları üçün nəzərdə tutulan məbləğin bir hissəsini əldə edib

Azərbaycan Dövlət Neft Şirkəti (SOCAR (https://report.az/axtar%C4%B1%C5%9F/SOCAR/)) qazma əməliyyatları aparılması üçün dövlət büdcəsindənayrılması nəzərdə tutulan 663,2 mln. manat məbləğin 1/3-ni artıq əldə edib. Bunu SOCAR-ın iqtisadi məsələlər üzrə vitse-prezidenti Süleyman Qasımov bildirib. Onun sözlərinə görə, bu məbləğ "Ümid", "Qarabağ" və "Babək" neft yataqlarında qazma...

Azərbaycan-Gürcüstan sərhədində laboratoriya açılıb

"Qırmızı körpü sərhəd-keçid məntəqəsinin inkişafına dəstək" layihəsi çərçivəsində Azərbaycan tərəfdə inşa olunmuş Ticarətin Asanlaşdırılması Mərkəzinin inzibati binasına baxış keçirilib.  Gürcüstan bürosunun verdiyi xəbərə görə, tədbirdə Gürcüstanın Maliyyə Nazirliyinin nümayəndələri, Azərbaycanın Dövlət Gömrük Komitəsinin sədr müavinləri - Cavad Qasımov və İqbal Babayev, Azərbaycanın...

İdman

Bakıda daha bir ilk: bacı-qardaş dünya çempionu oldu

Bakıda keçirilən cüdo üzrə dünya çempionatında daha bir ilk gerçəkləşib. İkinci yarış günündə qadınların mübarizəsində 52 kq, kişilərdə isə 66 kq çəki dərəcələri üzrə qaliblər bəlli olub. Maraqlıdır ki, hər iki çəkinin qalibi yaponiyalı Abe ailəsinin nümayəndələri olub. Belə ki, kişilərin mübarizəsində Hifumi Abe ardıcıl ikinci...

Batumi 43-cü Ümumdünya Şahmat Olimpiadasına hazırdır

Gürcüstanın Batumi şəhəri sentyabrın 23-də start götürəcək 43-cü Ümumdünya Şahmat Olimpiadasını qəbul etməyə hazırdır. Şahmat Peşəkarları Assosiasiyasının prezidenti Emil Sutovski, FIDE-nin (Beynəlxalq Şahmat Federasiyası) baş direktoru Ceffri Borq, Acarıstan Muxtar Repsublikasının hökumət başçısı Tornike Rijvadze, Gürcüstanın təhsil, elm, mədəniyyət və idman naziri...

Futbolçunu oyun zamanı ildırım vurdu

Almaniyanın Nider-Vizen şəhərinin futbol komandasının qolkiperini matç zamanı ildırım vurub. Hadisə oyunun bitməsinə 10 dəqiqə qalmış baş verib.   Futbolçu xəstəxanaya çatdırılıb. Lakin həkimlərin səylərinə rəğmən, qapıçının həyatını xilas etmək mümkün olmayıb. O, aldığı yanıq xəsarətlərindən dünyasını dəyişib....

Dünya

Nəhəng balinanın cəsədini dalğalar sahilə vurdu — FOTO

Avstraliyanın Royal Milli Parkının sahillərinə dalğalar nəhəng balinanın cəsədini atıb. Hər gün minlərlə yerli sakin balina cəsədinə tamaşa etmək üçün əraziyə axışır. 18 metr uzunluğu, 40 ton çəkisi olan balinanın ölüm səbəbi araşdırılır. Mütəxəssislər ölü balinanın regiondakı köpək balıqlarının sayını artıracağını ehtimal...

Dünyanın ən təhlükəli şəhərləri məlum oldu

Dünyanın ən təhlükəli şəhərləri məlum olub.  Numbeo araşdırma portalının ekspertləri müvafiq siyahı tərtib ediblər.  Bu il ilk "beşlik"də Karakas (Venesuela), Port-Morsbi (Papua Yeni Qvineya), Fortaleza (Braziliya) və Durban (Cənubi Afrika Respublikası) yer alıb.  327 şəhərin yer aldığı siyahıda Moskva 144-cü yer tutub.  Abu-Dabi (BƏƏ),...

İranda hərbi parad vaxtı terror aktı törədildi — Ölənlərin sayı 24-ə çatdı

İranda hərbi parad zamanı törədilən terror aktında ölənlərin sayı 24-ə çatıb. 53 nəfər yaralanıb. Onların arasında qadınlar və uşaqlar da var. Agentliyin məlumatına görə, terror aktına görə məsuliyyəti “Əhvazdakı patriot ərəb demokratik hərəkatı” qruplaşması öz üzərinə götürüb. Qeyd edək ki, bu qruplaşmanın...

Saytda Axtarış

ახალი ამბები