Türkiyənin Pınarlıbelen-Bodrum səmtində zəlzələ olub.

Dalga tv Oxu.Az -a istinadən xəbər verir ki, 11:42 radələrində baş verən təkanlar əvvəlcə 5.1, sonra isə 5.3 bal gücündə olub. Zəlzələnin episentri 1.6 km dərinlikdədir.

Gökova sahillərində 3.4 bal gücündə başqa bir zəlzələ qeydə alınıb. Gecə saatlarında isə 4.3 bal gücündə yeraltı təkanlar hiss edilib.

Zəlzələ 17.49 km dərinlikdə qeydə alınıb.

İraqın Mosul şəhərinin cənubunda, darmadağın olmuş evin uçqununda aşkarlanan 17 yaşlı qız ağlayıb, aman istəyib.

İraqlı hərbçilərsə onun qollarından tutaraq sürüyüblər və zirehli maşına tərəf aparıblar.

Dalga tv Oxu.Az-a istinadən bildirir ki, bu qız 17 yaşlı alman Linda Venseldir.

Linda Vensel 15 yaşı olanda Almaniyanın şərqindəki Pulşnits şəhərini, evini tərk edərək Türkiyəyə yollanıb, oradan qaçaqmalçıların köməyi ilə Suriyaya keçib, “İraq və Şamda İslam Dövləti” (İŞİD) terror təşkilatına qoşulub.

Lindanı İŞİD-ə sosial şəbəkədə tanış olduğu çeçen terrorçu cəlb edib.

Çeçen terrorçu ilə Suriyada yaşayan Linda sonradan “ər”i ilə birlikdə Mosula yollanıb.

Mosulun İŞİD-dən azad edilməsi əməliyyatı zamanı bu şəhərdə 25 min terrorçunun məhv edildiyi bildirilir.

Linda isə sağ qalmağı bacarıb və yaralı vəziyyətdə iraqlı hərbçilərin əlinə keçib.

"Ona yer verin. Bu qız xristiandır, almandır. Yaralıdır. Maşına tərəf aparın", - iraqlı hərbçilərdən biri deyib.

Lindanın dediyinə görə, onların dəstəsində Almaniyanın Mannheym şəhərindən gələn, özünü “Laviyə” adlandıran qadın və onun 21 yaşlı qızı “Nadiya” da vardı.

“Almaniyaya, evə qayıtmaq istəyirəm. Savaşdan, qandan yorulmuşam”, - Linda Vensel söyləyib. Onun sözlərinə görə, sağ əlindən və sol baldırından yaralanıb.

Lindanın atası, inşaatda fəhlə işləyən 52 yaşlı Reyner Vensel qızını gözləyir.

“Qızımın Mosulda tutulduğunu eşidəndə az qaldı huşumu itirim. Qızım sağdır. İşdə eşitdim bu xəbəri. Yerə çökdüm, ağladım. Balaca qızımı dərhal tanıdım. Uşaq vaxtı yıxılmışdı, qaşı çapılmışdı. O çapıqdan tanıdım. Qızımı hələ belə qəmli görməmişdim. Qızım iki il əvvəl evdən çıxanda mənə dedi ki, rəfiqəsi ilə parka gedir. Evdəki pulları götürüb hava limanına yollanıbmış. Oradan da İstanbula gedib. Sonra eşitdim ki, Suriyaya keçib”, - R.Vensel söyləyib.

R.Vensel qızının anasından, 48 yaşlı Katarinadan ayrı yaşayır. Katarina Vensel də qızının sağ olduğunu eşidən kimi Reynerə zəng vurub.

Linda Vensel hazırda İraqın paytaxtı Bağdadda, həbsxanadadır.

İraq qanunvericiliyinə görə, Linda Venseli edam cəzası gözləyir. Lakin bu cəzanın tətbiq ediləcəyi ağlabatan deyil. Almaniyanın hakimiyyət dairələri rəsmi Bağdadla danışıqlar aparır, L.Venselin ekstradisiya olunmasına çalışırlar.

İtaliyada torpaq sürüşməsi nəticəsində sərnişin qatarı relsdən çıxıb.

Dalga tv-nin APA-ya istinadən verdiyi məlumata görə, şənbə günü leysan və dolu ilə müşahidə olunan fırtına İtaliyanın şimal-şərqində Trentino-Alto-Adice əyalətində torpaq sürüşməsinə yol açıb.

Torpaq sürüşməsi bu gün 80 sərnişinin olduğu qatarın relsdən çıxmasına səbəb olub. Qatarın relsdən çıxması nəticəsində xəsarət alan olmayıb.

Cənubi Afrikada silahlı dəstə üzvləri zirehli maşındakı pul kassalarını sındıranda pullar ətrafa yayılıb.

Dalga tv moderator.az-a istinadən bildirir ki, Cənubi Afrikada 10 silahlı dəstə üzvü pul daşıyan zirehli maşınları izləmək üçün yola çıxıb. Limpopo yolunda zirehli maşının təkərlərini bir-bir partladaraq dayandıran təcavüzkarlar sürücünü maşından çıxararaq yerdə sürüyüb.

Bununla da kifayətlənməyən silahlı dəstə üzvləri zirehli maşındakı pul kassalarını partladıblar. Partlayışın şiddətindən bəzi parçalar ağac budaqlarına çırpılıarkən göydən də pul yağıb.

Təxminən 2 milyon dolları oğurlayan dəstə üzvləri polis tərəfindən ələ keçirilib.

Türkiyənin Adana şəhərində 37 yaşında infarktdan çatdırıldığı xəstəxanada həyatını itirən və heç bir yerdə qeydiyyatda olmayan vətəndaşın cənazəsi şəxsiyyət vəsiqəsi olmadığı üçün ailəsinə təhvil verilməyib.

Dalga tv-nin məlumatına əsasən, bu barədə Milli.Az Haberler-ə istinadən xəbər verir. 

Levent Akrep adlı şəxsin bu günə qədər heç zaman vəsiqəsi olmadığı üçün 6 gündür cənazəsi morqda saxlanılır.

Ali Akrep və Perihan Akrep dini nikahla evləniblər. Cütlüyün 9 uşağı olur. 22 ildən sonra cütlük rəsmi nikaha daxil olaraq uşaqlarına da şəxsiyyət vəsiqələri alıblar. Ancaq 9 uşaqdan Leventin şəxsiyyət vəsiqəsini almırlar. Aradan keçən müddət ərzində, valideyinləri ölüncə Levent Akrepin vəsiqə almağı üçün önə düşəcək heç kimi qalmır. Levent Akrep rəsmi olaraq yaşamırdı, bu səbəblə nə məktəbə nə də əsgərliyə gedib. Ancaq 29 iyul günü qəfil səhhəti pisləşib, Adana Nümunə Təhsil və Araşdırma Xəstəxanasının Seyhan Tətbiq Mərkəzinə çatdırılıb. Təcili yardımla xəstəxanaya gətirilən Leventdən səlahiyətlilər şəxsiyyət vəsiqəsi istəyiblər. Yaxınları gətirəcəklərini deyib. Xəstə təcili müayinə altına götürülməli olduğu üçün həkimlər xəstəni qəbul edib. Ancaq 30 iyul günü Levent Akrep müalicə gördüyü xəstəxanada dünyasını dəyişib. 

Leventin yaxınları cənazəni almaq istədiklərində xəstəxana səlahiyyətliləri ölüm hesabatını hazırlamaq üçün ailədən mərhumun şəxsiyyət vəsiqəsini istəyib.

Çarəsiz ailə çıxılmaz vəziyyətdə günlərdir xəstəxana önündə gözyaşı tökür.

Türkiyənin Alanya bölgəsinin Karğacık qəsəbəsindəki hotellərdən birində azərbaycanlı qadın iranlı ərini öldürüb, daha sonra otağa və meyitə od vurub.

Hadisə ötən gecə baş verib.

Hotelin otaqlarından birindən tüstü və alov qalxdığını görən personal yanğınsöndürənlərə və polisə zəng vurub. Hadisə yerinə gələn yanğınsöndürənlər alovu söndürüb.

Məlum olub ki, həmin otaqda qalan ər-arvad müntəzəm olaraq bir-biri ilə dava ediblər. Həmin axşam qadın içki şüşəsi ilə ərini yaralayıb, daha sonra otağa od vurub. O, polislər tərəfindən həbs olunub. Qadın azərbaycanlı olsa da, özü və ərinin İran vətəndaşlığı olduğu bildirilir, kimlikləri açıqlanmır. Qadının öldürdüyü və od vurduğu ərinin meyiti isə xəstəxana morquna aparılıb.