Gürcüstan-Rusiya dövlət sərhədinin Dağıstan Respublikası hissəsində baş verən partlayış nəticəsində 1 sərhədçi ölüb, 4 nəfər xəsarət alıb.  

Dalga tv “Report”а istinadən xəbər verir ki, Gürcüstan Sərhəd Departamenti partlayışın 5-ci idarədə baş verib.

Hadisə qaz balonunun partlaması nəticəsində baş verib. 

İstanbulda "Ataköy" metrostansiyasında yanğın baş verib.

Oxu.Az Türkiyə mətbuatına istinadən xəbər verir ki, yanğın qısa müddətdə söndürülüb.

Əldə edilən məlumata görə, saat 13:45-də metrostansiyasının girişindəkı büfenin bacasında başlayan yanğın qısa müddətə ətrafa yayılıb. Lakin xilasetmə qrupları yanğına tez bir zamanda müdaxilə ediblər.

Rusiyanın Krasnodar dairəsinin Kuban şəhərində 30-dan çox insanı qətlə yetirməkdə şübhəli bilinən ailə saxlanılıb.

APA-nın Rusiya bürosunun verdiyi xəbərə görə, ailənin oğurladığı insanları öldürərək yediyi bildirilir.

Məlumatda bildirilir ki, hüquq-mühafizə orqanları ər-arvadın insanları oğurlayaraq qətlə yetirdiyini, daha sonra qalıqlarından konserv hazırladığını müəyyən edib. Qətlə yetirilənlərin cəsədlərinin bir hissəsi şübhəli şəxslərin evindəki soyuducuda tapılıb.

Qeyd edək ki, fakt fəhlələrin sentyabrın 11-də Krasnodarın Repin küçəsindən mobil telefon tapması ilə üzə çıxıb. Həmin telefonda 35 yaşlı yerli sakinin naməlum qadın cəsədinin hissələri ilə fotosu olub. Cəsədin qalıqları səhərisi gün Dzerjinski adına Hərbi Aviasiya Məktəbinin ərazisində tapılıb. Ərazidə paket və insan cəsədinin hissələri olan vedrə aşkarlanıb.

Bundan başqa, telefonda tutulan ər-arvadın qətlə yetirdikləri digər insanların müxtəlif bədən üzvləri ilə selfi fotoları da olub.

Mətbuat hüquq-mühafizə orqanlarındakı mənbəyə istinadən yazır ki, telefonun sahibi iki qətli etiraf edib. Şəkil çəkdirdiyi bədən hissələrinin sahibindən başqa, o, 2012-ci ildə daha bir nəfəri qətlə yetirdiyini bildirib.

Rəsmi orqanlar hələlik faktı təsdiqləməyib. Hüquq-mühafizə orqanlarının araşdırma aparıldığı bildirilir.

Nəticədə hava limanı bağlanıb.

İstanbulun Atatürk adına Beynəlxalq Hava Limanının uçuş-eniş zolağında şəxsi təyyarə qəzaya uğrayıb.

Oxu.Az Doğan agentliyinə istinadən xəbər verir ki, nəticədə hava limanı bağlanıb.

Məlumata görə, təyyarə qəza enişi edib, ardınca yanmağa başlayıb.

NTV telekanalının məlumatına görə, qəza nəticəsində 4 nəfər xəsarət alaraq xəstəxanaya yerləşdirilib.

Sentyabrın 19-da Meksikada 7,1 bal gücündə zəlzələ baş verib ki, nəticədə 40-a yaxın bina uçub və 230 nəfərdən çox insan ölüb.

Dalga tv-nin Lent.az-a istinadən verdiyi məlumata görə, “Apple” şirkəti Meksika hökumətinin hesabına 1 milyon dollar keçirdiyini bildirib. Bu pullar dağıntıların aradan qaldırılmasına və zəlzələdən zərərçəkənlərə xərclənəcək.

Bundan əvvəl isə “Apple” şirkəti “Harvi” və “İrma” qasırğasından zərər çəkənlərə 8 milyon dollardan çox vəsait ayırıb.

Analoji olaraq Meksika sakinlərinə “Facebook” şirkəti də 1 milyon dollar həcmində maliyyə yardımı göstərib.

Son məlumatlara görə, dünən Meksikanın cənubunda baş vermiş zəlzələ nəticəsində  224 nəfər həyatını itirib.

Dalga tv  “Dailymail”ə istinadən xəbər verir ki, 7,1 bal gücündəki zəlzələ Meksikanın cənub-şərqində yerləşən Puebla-de-Saraqosa şəhərininin yaxınlığında baş verib. Zəlzələ nəticəsində onlarla bina dağılıb, Mexiko hava limanı fəaliyyətini dayandırıb. Məktəb binasının dağılması nəticəsində 20 uşaq həyatını itirib, 30-dan çox uşaq isə itkin düşüb.