სომხეთის პარტია "მემკვიდრეობის" საპარლამენტო ფრაქციის თავმჯდომარის ზარუი პოსტანჯიანის სერჟ სარკისიანის სათამაშო ვალში ბრალდებას ხელისუფლების მკაცრი რეაქცია მოჰყვა.
საპარლამენტო ფრაქცია "მემკვიდრეობის" ამ ქვეყნის ესსაში წარმომადგენელთა დელეგაციაში აღარ იქნება. ასეთი გადაწყვეტილება სპიკერ ოვიკ აბრამიანის ხელმძღვანელობით ჩატარებულ სხდომაზე მიიღეს.

მოსკოვში ვლადივოსტოკის ყოფილი მერი ვიქტორ ჩერეპკოვი სცემეს.
სამართალდამცავებმა ორგანოებმა ამბავი დაადასტურეს.
მას ბულვარში უცნობი პირები დაესხნენ თავს. მათ მერის ცემის შემდეგ დაიმალნენ. ჩერეპკოვი საავადმყოფოში გადაიყვანეს.

სირიის პრეზიდენტმა ბაშარ ასადმა, შესაძლოა, მომავალ წელს დაგეგმილ საპრეზიდენტო არჩევნებზე კანდიდატურა წარადგინოს.
ამის შესახებ ბაშარ ასადმა ლიბანის ტელევიზია "ალ-მეიადინისთვის" მიცემულ ინტერვიუში განაცხადა.

ავსტრალიის სამხრეთ ვალესის პროვინციაში მომხდარ ხანძარში 200-ზე მეტი სახლი განადგურდა, 150 კი დაზიანდა. ერთი ადამიანი კი, რომელიც თავისი სახლის ხანძრისგან დაცვას ცდილობდა, გარდაიცვალა.
როგორც წესი, ავსტრალიაში დეკემბერ-თებერვლის თვეებში ტყის ხანძრები იმატებს. წლევანდელი ხანძრები კი ვადაზე ადრე დაიწყო.
ხანძრის ჩაქრობას მოხალისედ პრემიერ-მინისტრი ტონი აბოტიც ჩაერთო.

ავსტრალიაში ტყის ხანძრებმა კრიტიკულ ეტაპს მიაღწია. სინოპტიკოსებისგან კი გაფრთხილება მოვიდა. უახლოეს დღეებში ტემპერატურა უფრო მოიმატებს, ქარის გაძლიერებას პროგნოზირებენ და აცხადებენ, რომ სავარაუდოდ, ცეცხლი უფრო გაინტენსივდება.
ნიუ საუს უეილსის შტატში ხანძარმა 200-ზე მეტი სახლი გაანადგურა, 122 საცხოვრებელ სახლს კი დიდი ზარალი მიაყენა. სიდნეის დასავლეთით ხანძრებმა ყველაზე მეტი ზარალი ბლუ მაუნთეინსის რაიონს მიაყენა - 193 სახლი დაიწვა და 109 დაზიანდა.