წელს ფიზიკაში ნობელის პრემიის ლაურეატები ბელგიელი ფრანსუა ენგლერტი და ინგლისელი პიტერ ჰიგსი აღმოჩნდნენ.
ეს დღეს ნობელის კომიტეტმა განაცხადა.
ფრანსუა ენგლერტი და პიტერ ჰიგსი 1 მილიონ 250 დოლარის ჯილდოს გაიზიარებენ.

"დსთ-ში სავიზო რეჟიმის დანერგვა იმას ნიშნავს, რომ ჩვენ პოსტსაბჭოთა რესპუბლიკებს ვიშორებთ. ამის მაგივრად, ჩვენ ისინი უნდა დავიახლოვოთ. ეს პროცესი უფრო ცივილიზებული გზით უნდა შევასრულოთ, საქმე ისე უნდა წავმართოთ, რომ ადგილობრივი მოსახლეობა არ გავაღიზიანოთ, პირიქით, დადებითი რეაქცია დავბადოთ".
ეს რუსეთის პრეზიდენტმა ვლადიმერ პუტინმა აზია-წყნარი ოკეანის ეკონომიკური თანამშრომლობის ორგანიზაციის სამიტის დასრულებასთან დაკავშირებით ჩატარებულ პრესკონფერენციაზე განაცხადა.

არგენტინის პრეზიდენტ კრისტინა ფერნანდეს დე კირჩნერს ტვინში სისხლის ჩაქცევის დიაგნოზი დაუსვეს.
ექიმების გამოკვლევის შედეგების თანახმად, პრეზიდენტს ერთი თვით დასვენება ურჩიეს.

გუშინ აფხაზეთში რუსეთის საბრძოლო მანქანა (BTR) ჩეხში გადავარდა.
ტყვარჩელის რაიონის სოფელ ოქუმში მანქანის ავარიაში მოყოლის შედეგად ერთი რუსი ჯარისკაცი მოკვდა, ოთხმა კი სხვადასხვა დონის სხეულის დაზიანებები მიიღო.
ამის შესახებ სოფელ ოქუმის ტერიტორიის წარმომადგენელმა ბასლან არშბამ განაცხადა.
ცნობილია, რომ დაღუპული ეკიპაჟის მეთაურია, ხოლო დაშავებულები სოხუმის ცენტრალურ საავადმყოფოში გადაიყვანეს.

მადაგასკარის ჩრდილოეთით ნუსი-ბეს კუნძულზე ადამიანთა ჯგუფმა 2 ევროპელი და ერთი ადგილობრივი მკვიდრი დაანაწილეს.
შემთხვევა სოფელში დაკარგული 8 წლის ბავშვის ცხედრის ისეთ მდგომარეობაში აღმოჩენით დაიწყო, რომ მისი ამოცნობა შეუძლებელი იყო.
პოლიციამ ადგილობრივი მკვიდრი დააკავა. მოსახლეობა პოლიციის დეპარტამენტის წინ შეიკრიბა. გავრცელდა ჭორები ადამიანების ორგანოებით ვაჭრობის შესახებ. ამის შემდეგ ჯგუფმა ადგილობრივი მკვიდრი, ასევე საფრანგეთის და იტალიის ორი მოქალაქე დააკავა და მათ ადამიანების ორგანოებით ვაჭრობა დასდო ბრალად. შემდეგ კი მათ ისინი ცოცხლად დაწვეს. უშიშროების ძალებს შემთხვევის ადგილზე მოსვლა დააგვიანდათ. მადაგასკარის პრეზიდენტის მოვალეობის შემსრულებელმა ანდრი რაძუელინამ მოსახლეობას დუმილის დაცვისკენ მოუწოდა.

ცენტრალური აზიის ქვეყანამ ტაჯიკეთმა იარაღის იმპორტი დროებით შეაჩერა.
ქვეყნის პრეზიდენტმა იმამელი რეჰმანმა ქვეყანაში იარაღის და მისი გამოყენების ორგანიზებასთან დაკავშირებით განკარგულებას მოაწერა ხელი. აღინიშნება, რომ ეს განკარგულება საზოგადოებრივი წესრიგის, მოქალაქეთა უსაფრთხოების უზრუნველყოფის და დანაშაულების აღმოფხვრის მიზნით გაფორმდა. ახალი განკარგულების თანახმად, წლის ბოლომდე მოქალაქეების გამოყენებული იარაღის იმპორტი დროებით შეჩერდება. აგრეთვე აიკრძალა იარაღის ტარება, გამოყენება, ვაჭრობა და სხვისთვის გადაცემა.