სირიაში ქიმიურ იარაღებთან დაკავშირებით მკვლევარი გაეროს ინსპექტორებმა დამასკო დატოვეს. საერთაშორისო ექსპერტებმა 21 აგვისტოს სირიის დედაქალაქთან ახლოს ქიმიური იარაღის გამოყენების ფაქტებს შეისწავლიდნენ.
გაეროს ინსპექტორების საბოლოო გადაწყვეტილების თანახმად, იმ დღეს შემადგენლობაში ნივთიერება გამოიყენეს. თუმცა ამის პასუხისმგებლობა არცერთ მხარს არ დაეკისრა.
აღსანიშნავია, რომ მალე სირიაში საერთაშორისო ინსპექტორებისგან შედგენილი კიდევ ერთი ჯგუფი დაიწყებს ფუნქციონირებას. ეგ ჯგუფი ქვეყანაში ქიმიური იარაღის რეზერვის განადგურების პროცესს დაესწრება.

საფრანგეთის ქალაქ ვიენის მერის ხელმძღვანელობით დელეგაცია აზერბაიჯანის ოკუპირებულ მიწებს ეწვია. სომხური მედიის ინფორმაციით, ე.წ. მთიანი ყარაბაღის რესპუბლიკის პრეზიდენტმა ბაკო სააკიანმა მერის ხელმძღვანელობით დელეგაცია მიიღო.
შეხვედრაზე მხარეებმა ორმხრივი ურთიერთობები განიხილეს.

ნიგერიაში დაჯგუფება "ბოკო ჰარამის" შეიარაღებულმა პირებმა ერთ-ერთ კოლეჯს თავს დაესხნენ. ინფორმაციის თანახმად, ქვეყნის ჩრდილოეთ-აღმოსავლეთით მდებარე კოლეჯის სტუდენტებზე თავდასხმის დროს 50 სტუდენტი დაიღუპა.
შეიარაღებული პირები სტუდენტებს ღამის საათებში, მათი ძილის დროს დაესხნენ თავს. გარდა ამისა, კოლეჯის ზოგიერთი შენობა დაწვეს. გარდაცვლილთა რაოდენობის ზრდა არ არის გამორიცხული.

სირიაში ასადის ძალების კუთვნილმა საბრძოლო თვითმფრინავმა ქალაქ რაკაში ლიცეი დაბომბა.
სირიის ადგილობრივი კოორდინაციის კომიტეტის მიერ გავრცელებული ინფორმაციით, დაბომბვის დროს 14 სტუდენტი გარდაიცვალა, 30 კი დაშავდა.
ცნობილია, რომ თავდასხმის დროს დაშავებული ზოგიერთი სტუდენტის მდგომარეობა მძიმეა, დაშავებულები უდაბნოს საავადმყოფოებში გადიან მკურნალობას.
სირიის კოორდინაციის კომიტეტმა აღნიშნა, რომ რეჟიმის ძალები ქვეყნის ჩრდილოეთით რამდენიმე ქალაქში საჰაერო თავდასხმას გეგმავს.

ბრიტანეთის ყოფილი პრემიერ-მინისტრის მარგარეტ ტეტჩერის ცხედრის ფერფლი 28 სექტემბერს ლონდონის სამხრეთ-დასავლეთით სამეფო სასაფლაოზე დაკრძალეს.
"რკინის ლედის" ფერფლის დაკრძალვაზე მისი შვილები და ნათესავები, ასევე ახლო მეგობრები მონაწილეობდნენ.
იგი 2003 წელს გარდაცვლილი მეუღლის დენისის საფლავთან დაკრძალეს. საფლავის ქვაზე კი მხოლოდ სახელი და ცხოვრების წლები (1925-2013) დაწერეს.
შეგახსენებთ, რომ მარგარეტ ტეტჩერი ამა წლის 8 აპრილს 87 წლის ასაკში ინსულტით გარდაიცვალა. ის 1979-1990 წლებში ბრიტანეთის პრემიერ-მინისტრი იყო.

ბრიტანეთის კონსერვატიული პარტიის თავმჯდომარის მოადგილე ალან ლუისი გაუპატიურების ბრალდებით დააპატიმრეს.
სავარაუდო მსხვერპლმა განაცხადა, რომ ლუისმა ის 1960 წლების დასასრულს ქალაქ მანჩესტერის მახლობლად გააუპატიურა.
75 წლის თავმჯდომარის მოადგილე გირაოს სანაცვლოდ გაათავისუფლეს. დაზარალებულმა პოლიციაში განაცხადა, რომ მხარდაჭერისთვის და თანამშრომლობისთვის მზადაა.