რუსეთის პრეზიდენტი ვლადიმირ პუტინი ჟურნალ "ფორბსის" ვერსიაზე დაყრდნობით, მსოფლიოს ყველაზე გავლენიან (ზეგავლენის ძალის მქონე) ლიდერად შეირჩა.
პუტინმა ამერიკელი კოლეგა ბარაკ ობამაც უკან დაიტოვა. ობამა რეიტინგში მეორე ადგილზეა.
მესამე ადგილზე ჩინეთის სახალხო რესპუბლიკის თავმჯდომარე სი სინპინია. მეოთხეზე - რომის პაპა ფრანსისკი, მეხუთეზე კი გერმანიის კანცლერი ანგელა მერკელია.

გუშინ დასავლეთ მოსკოვში სიკვდილით დასრულებული ავტოსაგზაო შემთხვევა მასობრივი ჩხუბის მიზეზი გახდა.
22:30-ზე კუტუზოვის გამზირზე ფოლკსვაგენის მარკის მანქანით მოძრავი 22 წლის, კავკასიური გარეგნობის მქონე ახალგაზრდა მოტოციკლეტით მოძრავ ახალგაზრდას დაეჯახა. შედეგად 17 წლის ბიჭი გარდაიცვალა.

2.51 მეტრის სიმაღლით მსოფლიოში ყველაზე მაღალ ადამიანად აღიარებული სულთან კოსე გუშინ საღამოს დაქორწინდა.
იგი თურქეთის ქალაქ მარდინის სოფელ დერიკში სირიელ მარვა დებოზე დაქორწინდა.

ირანი-პაკისტანის საზღვარზე შეიარაღებული ინციდენტი მოხდა.
შეიარაღებულ ჯგუფთან სროლის შედეგად, რომელიც პაკისტანიდან ირანში შესვლას ცდილობდა, 17 მესაზღვრე დაიღუპა. გარდა ამისა, დაშავებულია 5 სასაზღვრო პოლიციელი, 4 ადამიანი მძევლად აიყვანეს. ვარაუდობენ, რომ თავდასხმა "ჯუნდულაჰ"-ის მიერ იყო ორგანიზებული.