თათრეთის ქალაქ ყაზანში 50 ადამიანის სიკვდილით დასრულებული ავიაკატასტროფის მიზეზებს იძიებენ.
ავარიის მიზეზებს შორის რამდენიმე ვერსია არსებობს, მათ შორის ერთ-ერთი ტერორისტული აქტია.
გამოძიების კომისიის თავმჯდომარის მოადგილის მარატ ზარიფოვის თქმით, ავარიის მიზეზებს შორის სხვადასხვა ვარაუდებია: "ავარიას სხვადასხვა მიზეზი შეიძლება ჰქონდეს - ამინდის პირობები, პილოტის შეცდომა.
ყველა ვერსიას განვიხილავთ, მათ შორის ტერორისტული აქტის ვერსიასაც".

ამერიკის კინოაკადემიამ საპატიო ჯილდოს "ოსკარის" წარდგენის ცერემონია ჩატარდა.
ჯილდო კინემატოგრაფიაში დამსახურებისთვის მსახიობმა ანჯელა ლენსბერიმ, კომედიურმა მსახიობმა სტივ მარტინმა, კოსტიუმებისთვის პიერ ტოზიმ და ჰოლივუდურმა მსახიობმა, რეჟისორმა და სცენარის ავტორმა ანჯელინა ჯოლიმ ჰუმანიტარული საქმიანობისთვის სპეციალური ჯილდო, ჯინ ხეშოლტის ჯილდო მიიღო.

იტალიის ყოფილი პრემიერი სილვიო ბერლუსკონი დღეს პარტია "თავისუფლების ხალხის" ეროვნული საბჭოს რომაში ჩატარებულ შეკრებაზე გამოსვლისას ცუდად გახდა და მაშინვე დაცვისა და ექიმის დახმარებით უკან გავიდა.
ყოფილი პრემიერის გამოსვლა ძალიან ემოციური იყო და ეროვნულ საბჭოში რეფორმის ჩატარების და მოძრაობა "წინ, იტალია!"-ს აღდგენას მიძღვნილი იყო.

დიდი ბრიტანეთის დედოფალ ელისაბედ II-ს ქალიშვილმა პრინცესა ანამ ცხენებს მიძღვნილ კონფერენციაზე გამოსვლისას ხალხს მოუწოდა, ცხენის ხორცი უფრო ხშირად გამოიყენონ.
პრინცესა ანამ განაცხადა, რომ ხალხის ცხენის ხორცის გამოყენების და მისი ღირებულებისადმი დამოკიდებულება უნდა შეიცვალოს.

ოჯალანი ჟურნალისტებს შეხვდება
იმრალიში დაკავებულ PKK-ს ლიდერთან აბდულა ოჯალანთან დაგეგმილ შეხვედრასთან დაკავშირებით ნათელი ინფორმაცია გავრცელდა. ცნობილია, რომ ჟურნალისტებს, არასამთავრობო ორგანიზაციების წევრებს და ცნობილი ადამიანების ჯგუფსაც შეეძლებათ ოჯალანთან შეხვედრა.