ჩინეთის ჩრდილოეთ-აღმოსავლეთით მდებარე ჰეილონგჯიანგის პროვინციაში ერთ-ერთ მოხუცთა თავშესაფარში ხანძარში 10 ადამიანი დაიღუპა.
ხანძარი იმ შენობაში გაჩნდა, სადაც ავადმყოფები ღამით რჩებოდნენ და ყველა დაღუპული ხანში შესული იყო.
აღინიშნება, რომ ხანძრის დროს შენობაში 32 ადამიანი იმყოფებოდა, საერთო ჯამში კი 7 ათასი კვ. მეტრის უზარმაზარ თავშესაფარში 283 მოხუცი რჩებოდა.
სავარაუდოდ, ხანძარი განზრახ არის გაჩენილი.

"აზერბაიჯანში დაუსწრებელ განათლებაზე ისეთი ადამიანები არიან, რომ დასწრებულზე მეტად განათლებულები არიან".
ეს გუბაში ვიზიტით მყოფმა დეპუტატმა ვაჰიდ ახმედოვმა ჟურნალისტებს განუცხადა. მას ქვეყანაში დაუსწრებელი განათლების გაუქმება არასწორად მიაჩნია. დეპუტატმა ისიც აღნიშნა, რომ მას მიაჩნია, საღამოს სკოლები უნდა აღდგეს.
დეპუტატმა ისიც აღნიშნა, რომ სტუდენტებს განათლების კრედიტების გაცემასთან დაკავშირებით კანონის მიღება მნიშვნელოვანია და ამ პროექტს პარლამენტის საშემოდგომო სესიაზე გამოტანაზე იზრუნებს.

24 ივლისს გადაბაის რაიონში მძიმე საგზაო შემთხვევა მოხდა.
შსს-ს პრესსამსახურის ინფორმაციით, 17:00-ის ფარგლებში რაიონის სოფელ ბაშქენდის ტერიტორიაზე სოფელ თურშსუს მკვიდრის თაფდიგ გალანდაროვის "VAZ-2121" მარკის ავტომანქანა ხიდიდან გადმოვარდა. შედეგად გალანდაროვი მიღებული დაზიანებებისგან ადგილზევე გარდაიცვალა.

23 ივლისს აზერბაიჯანის ოკუპირებულ ტერიტორიაზე მდებარე ერთ-ერთ სამხედრო ნაწილში ჯარისკაცი გარდაიცვალა.
სომხეთის მედიის მიხედვით, ჯარისკაცი გულის შეტევით გარდაიცვალა.
ჯარისკაცის სახელი და სიკვდილის მიზეზი ჯერჯერობით უცნობია. შემთხვევასთან დაკავშირებით ოფიციალური ინფორმაცია არ გავრცელებულა.
შეგახსენებთ, რომ 22 ივლისს აზერბაიჯანის ოკუპირებულ ტერიტორიაზე მდებარე ერთ-ერთ სამხედრო ნაწილში 19 წლის ჯარისკაცი ნარეკ ოვსეპიანი უბედური შემთხვევის შედეგად დაიღუპა.

ზემო ყარაბაღის არხში დამხრჩვალი ბარდას რაიონის მკვიდრის ჯეიჰუნ მირზა ოღლი ნადიროვის ძებნა დაასრულეს.
საგანგებო სიტუაციების სამინისტროს სახელმწიფო წყლებში სამაშველო სამსახურის თანამშრომლებმა მისი ცხედარი დახრჩობის ადგილიდან 15 კილომეტრის დაშორებით, ზემო ყარაბაღის არხის ბარდას სოფელ ჰაჯალის ტერიტორიიდან გამავალ ნაწილში იპოვეს.
შეგახსენებთ, რომ ბარდას რაიონში, ფიზულის ქუჩაზე მცხოვრებმა 1977 წელს დაბადებულმა ჯეიჰუნ ნადიროვმა მეუღლეს აცნობა, რომ არხში საბანაოდ მიდის და აღარ დაბრუნებულა.
ამასთან დაკავშირებით მისმა ოჯახმა პოლიციას მიმართა. ძიების დროს ჯეიჰუნის ტანსაცმელი ზემო ყარაბაღის არხის რაიონის სოფელ ჰუსეინბეილის ტერიტორიიდან გამავალ ნაწილში იპოვეს.

ლეიკოზით დაავადებული ჟურნალისტი ნიჯათ დაღლარი გერმანიაში 26 ივლისის ღამეს მიემართება.
ინფორმაცია ჟურნალისტის ცოლის ძმამ მაგსად რაჰიმოვმა განაცხადა.
მაგსად რაჰიმოვმა განაცხადა, რომ ქალაქ ფრანკფურტში მკურნალობის მიმართულება განისაზღვრება: "ექიმები გადაწყვეტენ, საჭიროა თუ არა ოპერაცია. გერმანიაში ნიჯათთან ერთად მე მივდივარ. რამდენ ხანს დავრჩებით იქ, ექიმების გადაწყვეტილებაზეა დამოკიდებული. მაცნობეს, რომ ფრანკფურტში ჩვენ აზერბაიჯანის საელჩოს წარმომადგენლები დაგვხვდებიან. ჩასვლისთანავე ნიჯათს კლინიკაში მოათავსებენ".
ნიჯათ დაღლარის მკურნალობას ილჰამ ალიევის განკარგულებით ხელისუფლებამ საკუთარ თავზე აიღო.