1 ივლისიდან აზერბაიჯანული პაკეტის შემადგენლობაში მყოფი TV და რადიო არხების სატელიტ "Turksat 3A"-დან მაუწყებლობა შეჩერდება.
კავშირგაბმულობისა და საინფორმაციის ტექნოლოგიების სამინისტროს წარმოების კავშირ "ტელერადიო"-დან განაცხადეს, რომ აზერბაიჯანულ პაკეტში შემავალი ტელე- და რადიოარხები "Azerspace1/Africasat-1a", "460 E" თანამგზავრზე გადავიდა.
ამჟამად პაკეტის ტელე- და რადიოარხები (AzTV, Idman Azerbaycan, Medeniyyet TV, Ictimay TV, ATV Int., Xazar TV, Azad Azerbaycan TV) "Azerspace 1/Africasat 1a" თანამგზავრიდან მაუწყებლობს.

24 ივნისის დღის ფოტო - რამდენიმე წლის განმავლობაში სინგაპურში მოქმედ ოტელში "Marina Bay Sands"-ში გადაიღეს.
მსოფლიოში ერთ-ერთი ყველაზე ძვირადღირებული ოტელი "Marina Bay Sands" ასევე უჩვეულო დიზაინით გამოირჩევა.
ამ სასტუმროს, რომლის მშენებლობაც 5.7 მილიარდ ევრო დაჯდა, ყველაზე დიდი განსაკუთრებულობა სახურავზე 200 მ-ის სიგრძის აუზია. აუზიდან ქალაქზე გახსნილი ხედი ადამიანს თავისი სილამაზით აოცებს. ოტელის მფლობელის თქმით, ტურისტების უმეტესობა სწორედ ამ აუზის სანახავად ეწვევიან "Marina bay Sands"-ს.

ჩინეთში კუდიანი ბავშვი დაიბადა.
ბავშვის დედა ექიმებისგან დახმარებას ითხოვს. 7 თვის ბავშვს 3-დიუიმიანი კუდი აქვს.
იგი "წელის ბიფიდის" (ხერხემლის გაყოფა) დეფექტით დაიბადა. ბავშვის ზრდით კუდიც გრძელდება. დედა ამბობს, რომ კუდის მოშორების თხოვნით მან უკვე რამდენჯერმე მიმართა ექიმებს, თუმცა ექიმებმა უთხრეს, რომ ეს არც ისე მარტივია.
ქირურგი ჩუანფინგ ხუანი ამბობს, რომ კუდის სიგრძე უკვე 10 სანტიმეტრს მიაღწია: "თუ ჩვენ ახლა ამას გავჭრით, ის ისევ გაიზრდება. ოპერაციამდე ჩვენ ზურგის ტვინის არხი უნდა აღვადგინოთ. ზურგის ტვინის დეფექტის მოშორების შემდეგ კუდის გაჭრა შესაძლებელი გახდება".

დიდი ბრიტანეთის სამხედრო-საზღვაო ძალებში მსახურებს ტრადიციული სადღეგრძელოების თქმის უფლება წაართვეს.
ასე რომ, მეზღვაურები აქამდე მეუღლეებისა და საყვარლების საპატივცემულოდ ნათქვამ სადღეგრძელოებს დღეიდან ვეღარ იტყვიან.
სამხედრო-საზღვაო ძალების ხელმძღვანელობამ ამ გადაწყვეტილების მიღება იმით ახსნა, რომ ბოლო 20 წლის განმავლობაში ქალებს სამხედრო-საზღვაო ძალების მიმართ ინტერესი მოემატათ. მამაკაცი მეზღვაურის მიერ ცოლის ან საყვარლის საპატივცემულოდ ნათქვამი სადღეგრძელოები დღეიდან ოჯახის საპატივცემულოდ ნათქვამ სადღეგრძელოებად გარდაიქმნება.
აგრეთვე გენდერული თანასწორობის უზრუნველყოფისთვის აქამდე ნათქვამი სიტყვები "ჩვენს მამაკაცებს გაუმარჯოს"-იც აკრძალულია. ამის მაგივრად დღეიდან იტყვიან - "ჩვენს მეზღვაურებს გაუმარჯოს".

 სამუხის რაიონის პოლიციის დეპარტამენტის თანამშრომელი განჯაში სცემეს. შემთხვევა განჯას ახალი განჯის დასახლებაში მდებარე კაფე "ბარაქაში" მოხდა. ცნობილია, რომ სამუხის რაიონის პოლიციის დეპარტამენტის საპატრულო სამსახურის გუნდის რიგითი პოლიციელი 1986 წელს დაბადებული თურალ ჰუსეინოვი არასამუშაო დროს მის ნაცნობთან 1987 წელს დაბადებულ გურბან საფაროვთან სადილობდა. შემდეგ საფაროვმა პოლიციის თანამშრომელს სიტყვიერი შეურაცხყოფა მიაყენა და ცემა დაუწყო. თურალ ჰუსეინოვმა მას ქალაქ განჯას ნიზამის რაიონის პოლიციის დეპარტამენტში უჩივლა. მიმდინარეობს გამოძიება.

კვირას დედამიწის მცხოვრებნი უჩვეულო კოსმოსური მოვლენის მოწმენი გახდებიან.

23 ივნისს ადამიანები სუპერ (გიგანტური) მთვარეს დაინახავენ. საქართველოში ეს შემთხვევა, დაახლოებით 14:00-ის ფარგლებში მოხდება.

იმ დღეს მთვარე საკუთარ ორბიტაზე დედამიწას ყველაზე ახლომდებარე წერტილზე მიუახლოვდება. ამ ყოველწლიურად განმეორებადი მოვლენის მომდევნო შემთხვევა 2014 წლის აგვისტოში მოხდება. დედამიწის თანამგზავრი - მთვარე კვირას დედამიწას 356 ათას 991 კილომეტრის მანძილზე მიუახლოვდება. ორი კვირის შემდეგ, 7 ივლისს მთვარე დედამიწას 406 ათას 490 კილომეტრამდე დაშორდება. ზოგი ადამიანი ვარაუდობს, რომკოსმოსური მოვლენა "სუპერ მთვარე" ცუნამის, ქარიშხლის, მიწისძვრისა და სხვა დიდი მასშტაბის მქონე სტიქიური უბედურებების მიზეზი შეიძლება გახდეს. თუმცა ნასა ამ და სხვა ვარაუდებს უარყოფს.