ბაქოში თბილისის გამზირის ერთი ნაწილი დაიკეტა.

ამის შესახებ Day.az-ის საიტს კომპანია "აზერიოლსერვისის" პრესსამსახურმა განუცხადა. ინფორმაციაზე დაყრდნობით, იზმირის ქუჩის გადაკვეთიდან ალი ჰასანოვის ქუჩის გადაკვეთამდე თბილისის გამზირი "20 იანვრის" გამზირის მიმართულებით საგზაო სამუშაოებთან დაკავშირებით დაიკეთა.

გზის დახურულ ნაწილზე ასფალტი გამოიცვლება. გარდა ამისა, საგზაო ნიშნები დაიდგმება.

გუშინ რესპუბლიკის საავტომობილო გზაზე მომხდარი ავტოსაგზაო შემთხვევაშებში 3 ადამიანი დაიღუპა.

შინაგან საქმეთა სამინისტროს საიტის ინფორმაციით, გუშინ რესპუბლიკაში 4 საგზაო შემთხვევა მოხდა. ამის შედეგად 3 ადამიანი დაიღუპა, ორი კი დაშავებულია.

ბაქოში ორი სახანძრო შემთხვევა მოხდა. დედაქალაქის ბინეგედის რაიონში მოქალაქის კუთვნილი ქვის ბაზრის ტერიტორიაზე 100 კვ. მეტრის ფართობზე აწყობილი 1200 მმ-ის დიამეტრის გამოუყენებელი საიზოლაციო მილები დაიწვა. ახლომდებარე 8 ცალი 20-ტონიანი პროპანის ტანკერები და სახლები ცეცხლს გადაურჩა.

გარდა ამისა, ბაქოს ყარაბაღის რაიონში მთისწინეთში 30 ჰა მშრალი ბალახი და 50 წიწვოვანი ხე დაიწვა. ახლომდებარე ნავთობსადენები ცეცხლს გადაურჩა.

ორივე შემთხვევაში, ცეცხლი მეხანძრეებმა ჩააქრეს.

სოციალური ქსელი "Facebook" მომხმარებლებს აძლევს საშუალებას, კონკრეტულ თემაზე შესაბამისი ჯგუფების შესაძლებლობის მომცემ ფუნქცია ჰეშტაგს ამუშავებს.

ქსელის წარმომადგენლები აღნიშნავენ, რომ ჯერჯერობით იმის გასაგებად, თუ რა მოხდა ან რაზე საუბრობენ ადამიანები ქსელში დეტალური ინფორმაციის მომცემი მეთოდი არ არსებობდა.

ამ მიზნით სოციალური ქსელის დეველოპერები რამდენიმე ფუნქციას წარადგენენ, ეს კი იმის საშუალებას მოგვცემს, რომ მნიშვნელოვან მოვლენებს, ცნობილ ადამიანებს ან ტრენდული თემების შესახებ საინტერესო დისკუსიებს თვალი ვადევნოთ.

მიბმული ჰეშტეგები ამ ფუნქციებისგან პირველი იქნება. მომხმარებლებს შეეძლებათ, თავის ჩანაწერებზე უკვე თვითერზე ცნობილი # ნიშნით დაამატონ. ფუნქციაზე ღილაკის დაჭერის შემთხვევაში მომხმარებელი სხვა ადამიანების, ჯგუფის და გვერდების მსგავსი ჩანაწერების კომპლექტს ნახავენ.

ქუთაისში, ჭავჭავაძის გამზირზე გახსნილ თურქულ მარკეტს ქალაქში თურქული სერიალის „სიყვარულის და სასჯელის“ მთავარი გმირის, სავაშ ბალდარის სახელს უკავშირებენ.

ქუთაისში მცხოვრებლები ამბობენ, რომ თურქული მარკეტი, რომელიც ქალაქში ყველაზე ცნობადი დაწესებულებაა, სერიალში მთავარი როლის შემსრულებელს სავაშ ბალდარს ეკუთვნის.

მაღაზიის კლიენტები აღნიშნავენ, რომ მაღაზიის პროდუქციის ერთგული მყიდველები არიან, თუმცა მეპატრონე არ უნახავთ.

თურქი მსახიობის ქუთაისში ჩადებულ ინვესტიციას უარყოფენ მარკეტის მეპატრონეები და ამბობენ, რომ სავაშ ბალდარს ჭავჭავძის გამზირზე არსებულ თურქულ მარკეტთან არანაირი შეხება არ აქვს.

საქართველოს საზოგადოებრივი ტელევიზიის მეორე არხზე საინფორმაციო პროგრამა "მოამბე" ახალ ფორმატში გადადის.

ახალი ამბები დღის განმავლობაში ხუთჯერ გავა ეთერში.

საინფორმაციო პროგრამა, რომელიც ეთერში სხვადასხვა ენებზე გადის, აზერბაიჯანულ ენაზეც იქნება.

პირველი გამოშვება სამშაბათს გავა ეთერში. პროგრამაში, რომელიც 20:00-ზე გავა, მაყურებლებს საშუალება ექნებათ, ხუთ ენაზე მოუსმინონ ახალ ამბებს - ოსურ, აფხაზურ, აზერბაიჯანულ, რუსულ და სომხურ ენებზე.