“Ümid edirik ki, Bakı-Tbilisi-Qars dəmir yolu dəhlizinin tikintisi bu ilin sonu və ya növbəti ilin birinci yarısında yekunlaşacaq”. 

Bu gün Azərbaycan Dövlət Neft Şirkətinin (SOCAR) prezidenti Rövnəq Abdullayev Fransanın “Total” şirkətinin baş icraçı direktoru Patrik Puyannenin rəhbərlik etdiyi nümayəndə heyətini qəbul edib.

“Report”un SOCAR-a istinadən verdiyi xəbərə görə, qonaqları salamlayan R.Abdullayev “Total” şirkətinin Azərbaycanda fəaliyyətinin 20 illiyi münasibəti ilə şirkət rəhbərliyini təbrik edib, onlara gələcəkdə daha böyük uğurlar arzulayıb. O, SOCAR və “Total” arasında mövcud olan səmərəli əməkdaşlıq əlaqələrindən bəhs edib, hər iki şirkətin birgə iştirak etdiyi neft-qaz layihələrinin regional və beynəlxalq enerji təhlükəsizliyində oynadığı rolu xüsusi qeyd edib. Bu gün dünya neft-qaz sənayesində mühüm mövqeyə malik olan “Total”ın Azərbaycanda fəaliyyət göstərən ilk xarici enerji şirkətlərindən və ölkənin neft-qaz sənayesinə sərmayə qoymuş beynəlxalq investorlardan biri olduğu, SOCAR və “Total” arasında uğurlu və işgüzar əməkdaşlıq münasibətlərinin yüksək səviyyədə davam etdiyi vurğulanıb. “Abşeron” qaz-kondensat yatağında aparılan geoloji-kəşfiyyat və qazma işləri, yatağın texniki-iqtisadi göstəricilərinin qiymətləndirilməsi, hasilatın başlanması üçün işlənmə proqramının hazırlanması bu əməkdaşlığın bariz nümunəsidir. 

Səmimi qəbul üçün təşəkkürünü bildirən “Total”ın baş icraçı direktoru Patrik Puyanne Azərbaycanda əlaqələrin davam etdirilməsində maraqlı olduqlarını söyləyib, əməkdaşlığın inkişafı üçün geniş perspektivlər gördüyünü bildirib.O, Azərbaycanda həyata keçirilən layihələrin gedişini diqqətlə izlədiklərini qeyd edib, yeni investisiya imkanlarını araşdırdıqlarını və Azərbaycanda neft-qaz əməliyyatlarına sərmayə qoyuluşunu davam etdirəcəklərini deyib. 

Görüşdə “Total” şirkətinin Azərbaycanın digər neft-qaz layihələrində, o cümlədən “Ümid” yatağı və “Babək” perspektiv sahələrinin işlənməsi layihələrində iştirak etmək üçün öz imkanlarından maksimum istifadə istəyi ifadə olunub. 

Görüşün sonunda SOCAR və “Total” arasında “Abşeron” layihəsinin işlənmə proqramını tənzimləyən prinsiplər haqqında çərçivə sazişi imzalanıb. 

"Bu il Gürcüstan ilə Azərbaycan arasında kənd təsərrüfatı məhsullarının ticarətində azalma müşahidə olunub. 2016-cı ilin 10 ayında ölkələrimiz arasında təqribən 38 milyon dollarlıq idxal-ixrac əməliyyatları həyata keçirilib".

Bunu “Report”un Gürcüstan bürosuna açıqlamasında Gürcüstanın kənd təsərrüfatı nazirinin müavini Qoça Çopuraşvili deyib. 

Nazir müavini bildirib ki, Gürcüstan bütün sahələrdə olduğu kimi, kənd təsərrüfatı sahəsində Azərbaycan ilə səmərəli əməkdaşlıq edir: "Bizim fitosanitar və baytarlıq xidmətlərimiz sərhədyanı bölgələrdə tez-tez yoxlamalar aparır, informasiya mübadiləsi edirlər. Yolxucu və digər xəstəliklərin vaxtında aşkarlanması və müalicəsi istiqamətində birgə fəaliyyət göstərirlər".

O qeyd edib ki, iki ölkə arasında kənd təsərrüfatı məhsullarının ticarəti də həyata keçirilir: “Bu ilin 10 ayında Azərbaycandan ölkəmizə 16 milyon dollara yaxın taxıl, un və makaron məmulatları, qənnadı məhsulları, şokalad, bitki yağları, spirt və s məhsulları idxal olunub. Gürcüstandan isə Azərbaycana 22 milyon dollardan çox sitrus meyvələri, kartof, şərab, ət məhsulları və s ixrac edilib”.

Q.Çopuraşvili deyib ki, bu göstərici 2014 və 2015-ci illərlə müqayisədə xeyli azdır: "Bunun da bir sıra obyektiv və subyektiv səbəbləri var. Amma bu heç də ölkələrimiz arasında kənd təsərrüfatı sahəsində problemlərin olduğu anlamına gəlmir. Sadəcə olaraq başqa ölkələrin bazarları da var və həmin malların başqa bazarlara çıxarılması halları artıb”.

Onun sözlərinə görə, Azərbaycanın iş adamları Gürcüstanda kənd təsərrüfatı sahələrinə sərmayə qoyurlar və gəlir əldə edirlər: "Hökumət onlar üçün bütün şəraiti yaradıb. Azərbaycanın dost köməyini daimi hiss edirik. Bu il taxıl biçini zamanı Azərbaycan bizə texnika ilə yardım göstərdi. Həmin texnikanın köməyi ilə biz məhsulu vaxtında toplaya bildik. Azərbaycanın dost yardımı bu gün də davam edir. Buna görə, Azərbaycan dövlətinə minnətdarlığımızı bildirirəm”. 

"Səkkiz il davam edən qlobal maliyyə böhranının neqativ təsirlərini yalnız islahatlar yolu ilə aradan qaldırmaq olar". Türkiyənin Azərbaycandakı səfirliyindən APA-ya verilən məlumata görə, bunu qonşu ölkənin prezidenti Rəcəb Tayyib Ərdoğan İstanbulda keçirilən Maliyyə konqresində çıxışı zamanı bildirib.

"Lazımi islahatların aparılmaması səbəbindən qlobal iqtisadiyyat 2008-ci ildəki həcmə çata bilməyib", - deyə prezident bildirib.

Onun sözlərinə görə, ciddi çağırışlara baxmayaraq, Türkiyə iqtisadiyyatı artım nümayiş etdirir: "Böyük dövlətlərin iqtisadi artım tempi 2% səviyyəsində olduğu halda, qeyri-stabil regionda yerləşən Türkiyənin iqtisadiyyatı 3-4% artıb. Qlobal maliyyə böhranı başlayan zaman mən bildirmişdim ki, Türkiyə onun öhdəsindən gələcək. Bəziləri buna ciddi yanaşmadı. Lakin reallıq göstərdi ki, bir qədər qeyri-stabilliyi ilə seçilən 2009-cu ili nəzərə almasaq, Türkiyə iqtisadiyyatı rekord templərlə inkişaf etdi".

Ərdoğan bildirib ki, iri layihələrin reallaşdırılması davam etdirilir: "Ölkədə çevriliş cəhdinə baxmayaraq, biz bu layihələrin reallaşdırılmasını davam etdirdik. Onların arasında açılışı bu ilin sonuna planlaşdırılan Bakı-Tbilisi-Qars dəmir yolu layihəsi də var. Bu layihə Londonla Pekin arasında dəmir yolu əlaqəsi yaradacaq".

"Bu ilin sonunda Bakı-Tbilisi-Qars dəmiryolu xəttinin açılışı gözlənilir. Bu, Pekin və London arasında dəmiryolu əlaqəsinin ən vacib hissəsi olacaq."

"Report"un verdiyi xəbərə görə, bunu İstanbulda keçirilən Maliyyə Konqresində Türkiyənin Prezidenti Rəcəb Tayyib Ərdoğan deyib.

Prezident həmçinin bildirib ki, səkkiz il davam edən qlobal böhranın neqativ nəticələrini yalnız islahat yolu ilə aradan qaldırmaq mümkündür.

Onun sözlərinə görə, dəyişikliklərin baş verməməsi onunla nəticələndi ki, dünya iqtisadiyyatı hələ də 2008-ci ilin həcminə çata bilməyib.

R.T.Ərdoğan vurğulayıb ki, ciddi çətinliklərə baxmayaraq, Türkiyə iqtisadiyyatı ümumdünya göstəricilərini üstələyən artım göstərib: "Eyni zamanda böyük dövlətlərin orta inkişaf göstəriciləri 2% səviyyəsindədir". 

O diqqətə çatdırıb ki, Türkiyədə iqtisadi inkişaf tempi 3-4% civarındadır, baxmayaraq, ölkə qeyri-sabit regionda yerləşir.

"Qlobal iqtisadi böhran başlayanda demişdim ki, Türkiyə onun öhdəsindən gələcək. Bəziləri mənim sözlərimə qeyri-ciddi yanaşdı. Ancaq reallıq onu göstərdi ki, 2009-cu ildə cüzi geriləmə istisna olmaqla, Türkiyənin iqtisadiyyatı rekord sürətlə artdı. Bundan başqa, ölkədə dövlət çevrilişinə cəhd oldu. Buna baxmayaraq, meqalayihələrin reallaşması davam etdirildi", - R.T.Ərdoğan deyib.

Misirə rəsmi səfəri çərcivəsində Azərbaycan Dövlət Neft Şirkətinin (SOCAR) prezidenti Rövnəq Abdullayev noyabrın 2-də bu ölkənin neft və mineral ehtiyyatlar naziri Tarık əl Molla ilə göruşüb.

“Report” SOCAR-a istinadən xəbər verir ki, görüşdə tərəflər SOCAR ilə EGPC (Misir Dövlət Neft Şirkəti) arasında əməkdaşlığın genişləndirilməsi, Misirin neft sənayesinin modernləşdirilməsində SOCAR-ın rolu və həyata keçirilən digər müştərək layihələr barədə fikir mübadiləsi aparıblar. 

Görüşün sonunda SOCAR prezidenti R.Abdullayev və EGPC-nin icraçı direktoru Tarık əl Hadidi tərəfindən iki qurum arasında Anlaşma Memorandumu imzalanıb.