Azərbaycandan Gürcüstana gələn şəxslərdən tələb edilən sənədlər açıqlandı
Azərbaycandan hava yolu ilə Gürcüstan, Türkiyə, Rusiya və Ukraynaya səfər edən şəxslərdən tələb edilən sənədlər müəyyənləşib.
Bu barədə Azərbaycan Dövlət Miqrasiya Xidmətinin rəisi Vüsal Hüseynov məlumat verib.
Onun sözlərinə görə, tələb olunan sənədlər aşağıdakılardır:
– Gürcüstana səfər edən şəxslər tamamlanmış vaksinasiya (hər iki dozanın vurulması) haqqında sənəd təqdim etməlidir.
– Rusiya, Ukrayna və Türkiyəyə səfər edən şəxslər uçuşdan 48 əvvəl alınmış COVID-19 testinin (PCR metodu ilə) neqativ nəticəsi. (Rusiyaya üçün test nəticəsini göstərən tibbi arayış rus və ya ingilis dilində olmalıdır. Türkiyəyə səfər edən 6 yaşa çatmamış uşaqlardan test nəticəsi tələb olunmur).
– Ukraynaya səfər edən şəxslər əlavə olaraq sığorta şəhadətnaməsini və Ukraynada yaşama icazəsi və ya Ukrayna vətəndaşının ailə üzvü olmadığı təqdirdə isə maddi vəziyyətini təsdiq edən sənəd (bank arayışı, nəğd pul və sair) təqdim etməlidir.
V.Hüseynov əlavə edib ki, quru yolu ilə səfər etmək istəyən şəxslər bu dövlətlərin ölkəmizdə yerləşən səfirliklərinə (konsulluqlarına) müraciət etməlidir.
