ჰეიდარ ალიევის ფონდის პრეზიდენტი მეჰრიბან ალიევა 7 ოქტომბერს საფრანგეთის სენატის წევრს, სენატის სადამკვირვებლო მისიის თავმჯდომარე ნატალი გულენის ხელმძღვანელობით წარმომადგენელთა დელეგაციას შეხვდა.
წარმომადგენელთა დელეგაციას ჰეიდარ ალიევის ფონდში მეჰრიბან ალიევამ აზერბაიჯანსა და საფრანგეთს შორის ძალიან ეფექტური ბიზნესურთიერთობები აღნიშნა.

27 ოქტომბერს საქართველოში მორიგი საპრეზიდენტო არჩევნები ჩატარდება. ამასთან დაკავშირებით 37 ქვეყანაში საარჩევნო პუნქტები იმუშავებს.
ეს საქართველოს საგარეო საქმეთა მინისტრის პირველმა მოადგილემ დავით ზალქალიანმა დღევანდელ ბრიფინგზე განაცხადა.
მისი თქმით, რუსეთში მცხოვრები ქართველები კი ახალი პრეზიდენტის არჩევაში მონაწილეობას ვერ მიიღებენ: "საქართველოსა და რუსეთს შორის დიპლომატიური ურთიერთობების დარღვეის გამო საპრეზიდენტო არჩევნების მსვლელობისას ამ ქვეყანაში საარჩევნო პუნქტები არ გაიხსნება".

დღეს 7-ზე ბაქოს ნიზამის რაიონში დაუნის სინდრომით დაავადებულ პირთა სარეაბილიტაციო ცენტრი გაიხსნა.
აზერბაიჯანის პირველი ლედი, ჰეიდარ ალიევის ფონდის პრეზიდენტი მეჰრიბან ალიევა, ფონდის ვიცე-პრეზიდენტი ლეილა ალიევა და არზუ ალიევა ცერემონიალს დაესწრნენ.
ჰეიდარ ალიევის ფონდის პრეზიდენტი ცენტრში შექმნილ პირობებს გაეცნო. აღნიშნა, რომ შენობის ინტერიერის მრავალფეროვნება მის დინამიკურ აურას კიდევ უფრო ამდიდრებს.
მეჰრიბან ალიევას აცნობეს, რომ სასადილოში პაციენტებისთვის ყველანაირი პირობაა შექმნილი. ცენტრში ფსიქოლოგიის, სკოლამდელის მომზადების, მშობელთა ოთახები, ბიოლოგიისა და ზოოლოგიის კაბინეტები არსებობს.

აზერბაიჯანის რესპუბლიკის პრეზიდენტმა ილჰამ ალიევმა 7 ოქტომბერს აზერბაიჯანში საპრეზიდენტო არჩევნების სადამკვირვებლო მისიის თავმჯდომარის, პინო არლაჩინის ხელმძღვანელობით ევროპის პარლამენტის წარმომადგენელთა დელეგაცია მიიღო.
შეხვედრაზე აზერბაიჯანსა და ევროპარლამენტს შორის თანამშრომლობის მნიშვნელობა აღინიშნა, აზერბაიჯანში ჩატარებულ საპრეზიდენტო არჩევნების მომზადების პროცესთან დაკავშირებულ საკითხებზე აზრები გაცვალეს.

"კანდიდატების მხარდასაჭერად ან საწინააღმდეგოდ აზრის გამოთქმის აკრძალვა ITV-ს ეხება"
ცენტრალურმა საარჩევნო კომისიამ მედიასაშუალებებს მიმართა.
ორშაბათს ჩატარებულ სხდომაზე ცესკოს თავმჯდომარემ მაზაჰირ ფანაჰოვმა მასობრივი ინფორმაციის საშუალებებს საარჩევნო კოდექსის მოთხოვნების შესაბამისად მოქმედებისკენ, ნებისმიერი კანდიდატის სასარგებლოდ ან საწინააღმდეგოდ მასალის მომზადებისგან თავის შეკავებისკენ მიუწოდა.
ფანაჰოვმა აღნიშნა, რომ კანდიდატების სასარგებლოდ ან საწინააღმდეგოდ აზრის გამოთქმის აკრძალვა მხოლოდ საზოგადოებრივ ტელევიზიას ეხება: "მიუხედავად ამისა, ცესკო ყველა მედიასაშუალებას მიმართავს".

დსთ-ის სადამკვირვებლო მისიის ხელმძღვანელი სერგეი ლებედევი 7 ოქტომბერს ცესკოს თავმჯდომარეს მაზაჰირ ფანაჰოვს შეხვდა.
შეხვედრაზე ცესკოს თავმჯდომარემ განაცხადა, რომ სადამკვირვებლო ინსტიტუტს არჩევნების გამჭვირვალობის მხრიდან დიდი მნიშვნელობა აქვს, მისიის წევრების აზერბაიჯანში ნახვა ძალიან გაუხარდა.
ლებედევმა აღნიშნა, რომ წინასაარჩევნო მდგომარეობის საკვლევად დსთ-ის სადამკვირვებლო მისიის ჯგუფის წევრი 10 სექტემბრიდან აზერბაიჯანში იმყოფება. დამკვირვებლები ბაქოს გარდა რესპუბლიკის რეგიონებშიც იყვნენ, რიგი შეხვედრები ჩაატარეს, წინასაარჩევნო სიტუაცია შეისწავლეს. მისიის სხვა წევრებიც რეგიონებს ეწვევიან, არჩევნების დღეს პუნქტებს დააკვირდებიან.
ლებედევმა განაცხადა, რომ აზერბაიჯანში არჩევნებისთვის მზადება მაღალ დონეზეა. მისი თქმით, პრეზიდენტობის 10-ივე კანდიდატს წინასაარჩევნო კამპანიისთვის ერთნაირი პირობები შეუქმნეს.