დღეს აზერბაიჯანში ჩატარებულ საპრეზიდენტო არჩევნებზე ხმის მიცემა დასრულდა.
ხმის მიცემის პროცესი, რომელიც ადგილობრივი დროით დილის 08:00-ზე დაიწყო, 19:00-ზე დასრულდა.
არჩევნებში 10 კანდიდატი მონაწილეობს.
ქვეყნის მასშტაბით 5 მილიონ 145 ათას 643 ადამიანს აქვს ხმის მიცემის უფლება. ამომრჩევლები 125 საარჩევნო ოლქის 5491 საარჩევნო უბანში აძლევდნენ ხმას. 5273 მათგანი მუდმივია, ხოლო 219 - დროებითი.
ხმის მიცემის პროცესი 119 საარჩევნო ოლქის 1000 საარჩევნო უბანში განთავსებული ვებ-კამერების საშუალებით მონიტორინგდა.

ბაქოს დროით 17:00-ზე აზერბაიჯანის საპრეზიდენტო არჩევნებზე ხმა 3 439 629 ამომრჩეველმა მისცა.
ამის შესახებ ინფორმაციას ცენტრალური საარჩევნო კომისია ავრცელებს.
ეს კი ამომრჩეველთა 66.84 პროცენტს შეადგენს.

"აზერბაიჯანში ჩატარებულ საპრეზიდენტო არჩევნებზე არანაირი კანონდარღვევა არ ყოფილა".
ეს აზერბაიჯანში საპრეზიდენტო არჩევნების დამკვირვებელმა, ჩეხეთის დიპლომატიური აკადემიის დირექტორმა, ქვეყნის ყოფილმა საგარეო საქმეთა მინისტრმა კირილ სვობოდამ განაცხადა.
სვობოდას თქმით, ის რამდენიმე საარჩევნო უბანში იყო: "ჩვენ ამომრჩევლებსაც შევხვდით და არანაირ კანონდარღვევას არ წავწყდომივართ. საარჩევნო პროცესის ისეთ ჩატარებას დავესწარით, როგორც ნორმალურ ქვეყნებში ხდება. ამავდროულად, ამომრჩევლებში კარგი განწყობაც იყო".

საარჩევნო აქტივობა აზერბაიჯანის რეგიონებშიც მაღალი იყო.
ეს ბელგიელმა დამკვირვებლებმა, არჩევნების ევროპის აკადემიის სადამკვირვებლო მისიის წევრებმა ანდრე ფრანსუა პიერ ჰოებრეხტსმა და ბელგიის პარლამენტის დეპუტატმა დევიდ გირტსმა განაცხადეს.
ბელგიელი დეპუტატები ხაჩმაზის რაიონის 56-ე საარჩევნო უბანზე საარჩევნო პროცესს აკვირდებოდნენ.
საერთაშორისო დამკვირვებელთა თქმით, დღის პირველ ნახევარში ამომრჩეველთა 50 პროცენტს ხმა უკვე მიცემული ჰქონდა და დღის მეორე ნახევარში ეს მაჩვენებელი 80%-ზე მეტი შეადგინა.

Müşahidəçilər bildiriblər: "Azərbaycanda keçirilən prezident seçkilərində indiyədək heç bir qanun pozuntusu müşahidə etməmişik. Hər kəs seçki məntəqəsinə gələrək sərbəst şəkildə səs verib."

აზერბაიჯანში საპრეზიდენტო არჩევნებთან დაკავშირებით ყველა პროცესი კარგად მიმდინარეობს.
ამის შესახებ ინდონეზიიდან ჩამოსულმა საერთაშორისო დამკვირვებელმა იმანუელ რობერტ ინკირივანგმა ჟურნალისტებს განუცხადა.
აზერბაიჯანში პირველად ჩამოსულმა დამკვირვებელმააღნიშნა, რომ ის ხათაის რაიონის საარჩევნო უბანში იყო და იქაური სიტუაცია კარგად შეაფასა: "დილით ცოტა ხალხი მოვიდა. მაგრამ შუადღისთვის მათი რაოდენობამ იმატა. სადღაც 300-400 ამომრჩეველი მოვიდა. იმას თუ გავითვალისწინებთ, რომ საარჩევნო სიაში 1400 ამომრჩეველია, ეს ციფრი საკმაოდ დამაკმაყოფილებელია. ტექნიკურ მხარეს რაც შეეხება, ყველაფერი წესრიგში იყო. საერთო ჯამში შემიძლია ვთქვა, რომ პროცესი კარგად მიმდინარეობს. თანამშრომლები ძალიან მეგობრულები იყვნენ".

პრეზიდენტობის კანდიდატის ჯამილ ჰასანლის წარმომადგენლები აცხადებენ, რომ საარჩევნო უბნებზე ხმის მიცემის პროცესის ნორმალურად გაგრძელების დაბრკოლებები ხდება.
ააპ-ის საიტის ინფორმაციით, ააპ-ის ხმის მიცემის პროცესის დამკვირვებლების ინფორმაციით, ჯამილ ჰასანლის საარჩევნო უბნებზე მყოფი ადგილობრივი წარმომადგენლები და ასევე რადიკალური ძალების წარმომადგენლები აცხადებენ, რომ ადგილი აქვს საარჩევნო პროცესის ჩაშლის პროვოკაციას.