Dalga Televiziyasi İdman
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün3312
DünənDünən3495
Bu həftəBu həftə3312
Bu ayBu ay30002
Bu günə qədərBu günə qədər2878443

Bizi Paylaşın

Video Xəbərlər

 

Təqvim


Bakıda “Dəniz kuboku-2017” beynəlxalq yarışlarının təntənəli açılış mərasimi keçirilib

Avqustun 1-də Dənizkənarı Milli Parkda “Beynəlxalq Ordu Oyunları–2017” çərçivəsində Bakıda təşkil edilən “Dəniz kuboku-2017” beynəlxalq yarışlarının təntənəli açılış mərasimi keçirilib.

"Report" xəbər verir ki, açılış mərasimində şəhər sakinləri, hərbçilər və xarici ölkələrin Azərbaycanda akkreditə olunmuş nümayəndələri iştirak ediblər.

Əvvəlcə Azərbaycan haqqında videoçarx nümayiş etdirilib, yarışların simvolu olan qayıq mərkəzə gətirilib.

Sonra bayraqdarlar meydana daxil olub. “Azərbaycan fanfarası” ilə tədbirin başlandığı elan edilib.

Yarışların hakimlər briqadası və komandalar mərasimə dəvət olunub.

Azərbaycan Respublikasının dövlət himni ifa edilib, dövlət bayrağımız qaldırılıb.

Sonra Beynəlxalq Ordu Oyunlarının və “Dəniz Kuboku–2017” yarışlarının bayraqları qaldırılıb.

Mərasimdə çıxış edən “Dəniz Kuboku–2017” beynəlxalq yarışları təşkilat komitəsinin sədri, Azərbaycan Respublikası Silahlı Qüvvələrinin Baş Qərargah rəisinin müavini – Döyüş Hazırlığı və Hərbi Təhsil Baş İdarəsinin rəisi, general-leytenant Nizam Osmanov bildirib ki, bu gün Bakıda III Beynəlxalq Ordu Oyunları çərçivəsində “Dəniz Kuboku-2017” beynəlxalq yarışlarına start verilir. Artıq bir neçə gündür ki, Rusiya Hərbi Dəniz Donanmasının Xəzər Flotiliyasının, İran İslam Respublikasının və Qazaxıstan Respublikasının gəmiləri Azərbaycanın Xəzər dənizindəki ərazi sularında keçiriləcək “Dəniz Kuboku-2017” beynəlxalq yarışlarında iştirak etmək üçün ölkəmizə gəlib.

Qeyd edilib ki, Beynəlxalq Ordu Oyunları Rusiya Federasiyasının Müdafiə Nazirliyinin təşəbbüsü ilə təşkil olunub. Beynəlxalq Ordu Oyunlarının tərkib hissəsi olan “Xəzər-2015” müsabiqəsinin nəticələrinə görə Azərbaycan Hərbi Dəniz Qüvvələrinin komandası 3-cü, “Xəzər-2016” müsabiqəsində isə 2-ci yerə layiq görülüb və “Admiral-480” motorlu qayığı ilə mükafatlandırılıb. İki gün öncə isə III Beynəlxalq Ordu Oyunlarına Moskvanın Alabino poliqonunda start verilib. Azərbaycan Silahlı Qüvvələrinin nümayəndələri yarışların beş növündə güclərini sınayacaqlar. III Beynəlxalq Ordu Oyunları çərçivəsində Azərbaycanda keçirilən “Dəniz Kuboku-2017” beynəlxalq yarışlarının şəffaf və yüksək səviyyədə təşkili üçün hər cür şərait yaradılıb. Azərbaycanın Xəzər dənizindəki ərazi sularında iştirakçılar üç mərhələ və altı epizodda yarışacaqlar.

Diqqətə çatdırılıb ki, Beynəlxalq Ordu Oyunlarının digər yarışları kimi “Dəniz Kuboku-2017” də iştirakçı ölkələrin Silahlı Qüvvələri arasında qarşılıqlı etimad mühitinin inkişafına, qarşılıqlı əməkdaşlığın möhkəmləndirilməsinə, dostluq və rəqabət gücünün artırılmasına, şəxsi heyətin döyüş və mənəvi-psixoloji hazırlıqlarının daha da yüksəlməsinə xidmət edəcək.

Sonra müdafiə naziri, general-polkovnik Zakir Həsənov Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin “Dəniz Kuboku-2017” yarışlarının iştirakçılarına təbrik məktubunu oxuyub.

Məktubda bildirilir ki, bu gün Azərbaycan yeni bir yarışa - möhtəşəm idman birinciliklərindən seçilməyən Beynəlxalq Ordu Oyunlarının tərkib hissəsi olan “Dəniz Kuboku-2017” beynəlxalq yarışlarına ev sahibliyi edir. Bu yarışların Azərbaycanın Xəzər dənizindəki ərazi sularında keçirilməsi heç də təsadüfi deyil. Azərbaycan artıq dünyada idman dövləti kimi tanınır. Birinci Avropa Oyunları, IV İslam Həmrəyliyi Oyunları, Formula-1 kimi möhtəşəm yarışların, dünya hərbçilərinin güləş, boks, futbol üzrə çempionatlarının ölkəmizdə keçirilməsi bunu bir daha təsdiqləyir və bu missiya bu gün də uğurla davam etdirilir. Bütün bunlar Azərbaycanın dünyada getdikcə artan nüfuzunun, siyasi, iqtisadi, mədəni, idman, eləcə də ordu quruculuğu sahəsində qazandığı müvəffəqiyyətlərin nəticəsində mümkün olub.

Vurğulanır ki, Beynəlxalq Ordu Oyunları hərbi əməkdaşlığın daha da möhkəmlənməsi, hərbi xidmətin nüfuzunun artırılması, döyüş imkanlarının nümayişi, şəxsi heyətin döyüş qabiliyyətinin daha da yüksəldilməsi məqsədinə xidmət edir. “Dəniz Kuboku-2017” hərbi qulluqçularda həmrəylik hissi oyatmaqla bərabər, həm də bütün iştirakçıların yaddaşında xoş xatirə olaraq qalacaq.

Qeyd edilir ki, Xəzər dənizi tarixən sahillərində yaşayan xalqların ümumi sərvəti olub. “Dəniz Kuboku-2017” beynəlxalq yarışları da ölkələrimiz arasında qarşılıqlı əlaqələrin, dəniz təhlükəsizliyi sahəsində əməkdaşlığın daha da güclənməsinə, Xəzər dənizinin sülh, dostluq, əməkdaşlıq və mehriban qonşuluq zonası olaraq qalmasına öz töhfəsini verəcək.

Daha sonra nazir “Dəniz Kuboku-2017” beynəlxalq yarışlarını açıq elan edib.

Qeyd edək ki, yarışlarda Azərbaycan, Rusiya, İran və Qazaxıstan Hərbi Dəniz Qüvvələrinin gəmi heyətləri, eləcə də müşahidəçi qismində Türkiyə, Səudiyyə Ərəbistanı və Bəhreyn Silahlı Qüvvələrinin nümayəndələri iştirak edirlər.

Tbilisidə qarışıq idman növləri üzrə dünya çempionatı başlayıb

 Gürcüstanın paytaxtı Tbilisidə qarışıq idman növləri üzrə dünya çempionatı başlayıb.

“Report”un Gürcüstan bürosu xəbər verir ki, müxtəlif ölkələrdən 300-dək idmançının iştirak etdiyi çempionatda Azərbaycan 12 idmançı ilə təmsil olunur.

İki gün davam edəcək dünya çempionatında yeniyetmə və gənclər, eləcə də, böyüklər mübarizə aparacaqlar.

Bu gün çempionatın rəsmi açılışı olub, idmançılar müxtəlif idman növləri üzrə bacarıqlarını nümayiş etdiriblər.

Azərbaycanın “Qartal” peşəkar idman klubunun baş məşqçisi Yaqub İbrahimov jurnalistlərə bildirib ki, idmançılarımız bu çempionatda idmanın iki növü - Muay thai və Uşu sanda üzrə mübarizə aparacaqlar.

Baş məşqçi idmançılarımızın bu çempionatda Azərbaycan bayrağını yüksəldəcəklərinə əmin olduğunu bildirib.

Gürcüstan Qarışıq İdman Federasiyasının prezidenti Kaxa Basia bildirib ki, Gürcüstan bu turnirin yüksək səviyyədə keçirilməsini öz üzərinə götürüb. Bir ay öncə idmançılar Batumidə qonaq olublar. “Çalışırıq ki, yarışmanı yüksək səviyyədə təşkil edək və qonaqlar təşkilatçılıqdan razı qalsınlar”, - deyə Basia vurğulayıb.

 

Georgi Tsetsadze: "Bakıda edə bilmədiyimizi sabah etməyə çalışacağıq"

 "Bakıda keçirilən ilk görüşdə edə bilmədiyimizi sabah ortaya qoyaraq, qalib gəlməyə çalışacağıq".

"Report"un məlumatına görə, bunu Gürcüstan "Samtredia"sının baş məşqçisi Georgi Tsetsadze "Qarabağ"la keçirəcəkləri Çempionlar Liqasının II təsnifat mərhələsinin cavab görüşündən əvvəl mətbuat konfransında deyib.

Təcrübəli mütəxəssis "Samtredia"nın ilk görüşdə 0:5 hesablı məğlubiyyətə layiq olmadığını deyən "Qarabağ"lı həmkarı Qurban Qurbanova minnətdarlıq edib. O, nəticənin hər şeyi ifadə etdiyini təsdiqləyib. Bununla yanaşı, G.Tsetsadze oyuna köklənə bilmədiklərini söyləyib:

"5 qoldan 4-nü ilk və ikinci hissənin sonlarında buraxdıq, 1-ni isə oyunun əvvəlində. Bu, analiz olunası detallardan biridir. Lakin mən yaxşı oynadığımızı deyə bilmərəm. Hazırda "Qarabağ" çox yaxşı komandadır".

G.Tsetsadze cavab görüşündə korrektələr edəcəklərini vurğulasa da, bu addımı rəqibin imkanlarına uyğun atacaqlarını açıqlayıb:

"2014-cü il dünya çempionatında Almaniya Braziliyanı 7:1 hesabı ilə yenmişdi. Bu, iki komanda arasındakı oyun fərqindən xəbər vermirdi. "Qarabağ"la bizim aramızda da belə bir fərq yox idi. Lakin tarixdə nəticə qalır. Rəqibi aşağılamaq istəmirəm. Onlar qələbəyə layiq idilər. Daha yaxşı olardı ki, görüş 0:5 yox, 0:0 və ya 0:2 hesabı ilə nəticələnərdi. İlk oyunda rəqib bizə hücum imkanı yaratmışdı. Sabahkı görüşdə dəyişikliklər edəcəyik. Amma bu o demək deyil ki, mütləq 6:0 hesabı ilə qalib gələcəyik".

Baş məşqçi Şotlandiya "Reyncers"inə qalib gələn Lüksemburq "Proqres"i kimi mərhələ adlaya bilməmələrinin səbəbini belə izah edib:

"Bizi nə Lüksemburq, nə də "Barselona" ilə müqayisə edin. Öz inkişafımızın qayğısına qalın. Klublarda məşqçilər və oyunçular inkişaf etməsə, problemlər həllini tapmayacaq. Kifayət qədər problem var. Hazırkı mətbuat konfransı isə bunun üçün deyil".

Qeyd edək ki, Tbilisidəki Boris Payçadze adına "Dinamo" arenasında keçiriləcək "Samtredia" - "Qarabağ" matçı Bakı vaxtı ilə saat 21:00-da başlanacaq.

“Qarabağ”ın III təsnifat mərhələsində mümkün rəqibi müəyyənləşib

Bu gün Çempionlar Liqasında III təsnifat mərhələsinin püşkü atılıb. Apasport.az saytının məlumatına görə, İsveçrənin Nyon şəhərində keçirilən tədbirdə növbəti raundun 15 cütü bəlli olub.

Püşkatma iki hissədə keçirilib. Çempionlar yolunda II təsnifat mərhələsinin 17 cütü və mübarizəyə yeni qoşulacaq 3 komanda çıxış edəcək. Onlar 10 cütlük təşkil edib.

Tədbirdə Azərbaycan çempionu “Qarabağ”ın da mümkün rəqibi müəyyənləşib. II təsnifat mərhələsində Gürcüstanın “Samtredia” klubu ilə qarşılaşan Ağdam təmsilçisinin yer aldığı cütün rəqibi “Şerif” (Moldova) – “Kukesi” (Albaniya) ilə qarşılaşacaq. Bu cütdə ilk görüş Azərbaycan və Gürcüstan çempionlarının qalibinin meydanında keçiriləcək.

“Şerif” Albaniya təmsilçisi ilə ilk qarşılaşmada qalib gəlib. Belə ki, Moidovadakı matçda meydan sahibləri 1:0 hesabına sevinib. Öz ölkəsində çempion olmayan 10 klub isə 5 cütlük təşkil edib.

Qeyd edək ki, III təsnifat mərhələsinin oyunları iyulun 25-26-da və avqustun 1-2-də keçiriləcək.

Çempionlar Liqası

III təsnifat mərhələsi

Çempionlar Liqası

III təsnifat mərhələsi

“Slaviya” (Çexiya) - BATE (Belarus) - “Alaskert” (Ermənistan) cütünün qalibi

“Spartak” (Latviya) - “Astana” (Qazaxıstan) cütünün qalibi - “Mariehamn” (Finlandiya) - “Legiya” (Polşa) cütünün qalibi

“Zrinski” (Bosniya və Herseqovina) - “Maribor” (Sloveniya) cütünün qalibi - “Hafnarfyordur” (İslandiya) - “Vikinqur” (Farer adaları) cütünün qalibi

“Jilina” (Slovakiya) - “Kopenhagen” (Danimarka) cütünün qalibi - “Malmö” (İsveç) - “Vardar” (Makedoniya) cütünün qalibi

“Linfild” (Şimali İrlandiya) - “Seltik” (Şotlandiya) cütünün qalibi - “Dandalk” (İrlandiya) - “Rusenborq” (Norveç) cütünün qalibi

“Hapoel” (Beyer Şeva, İsrail) - “Honved” (Macarıstan) cütünün qalibi - “Jalgiris” (Litva) – “Lüdoqorets” (Bolqarıstan) cütünün qalibi

 “Vitorul” (Rumıniya) - APOEL (Kipr) - “Dudelanj” (Lüksemburq) cütünün qalibi

“Hibernians” (Malta) - “Zalsburq” (Avstriya) cütünün qalibi - “Riyeka” (Xorvatiya) - TNS (Uels) cütünün qalibi

“Qarabağ” (Azərbaycan) -“Samtredia” (Gürcüstan) cütünün qalibi - “Şerif” (Moldova) - “Kukesi” (Albaniya) cütünün qalibi

“Partizan” (Serbiya) - “Buduçnost” (Monteneqro) cütünün qalibi - “Olimpiakos” (Yunanıstan)

Qeyri-çempionlar yolu

“Styaua” (Rumıniya) - “Viktoriya” (Çexiya)

“Nitsa” (Fransa) - “Ayaks” (Hollandiya)

“Dinamo” (Kiyev, Ukrayna) - “Yanq Boyz” (İsveçrə)

AEK (Yunanıstan) - MOİK (Rusiya)

“Brügge” (Belçika) - “Başakşehər” (Türkiyə)

Kaxa Kaladzenin atası Bakıya gəldi

İtaliyanın “Milan” komandasının keçmiş futbolçusu və Gürcüstanın sabiq energetika naziri Kaxa Kaladzenin atası Bakıya gəlib.

Dalga tv Report-a istinadən xəbər verir ki, Karlo Kaladze Çempionlar Liqasının II təsnifat mərhələsi çərçivəsində Ağdamın “Qarabağ” və Gürcüstan təmsilçisi “Samtredia” arasında baş tutacaq ilk matçı izləmək üçün Azərbaycanda səfərdədir. 

Bu gün Tofiq Bəhramov adına Respublika stadionunda keçiriləcək görüş saat 21:00-da başlayacaq. Qarşılaşmaya “Samtredia”nın veteran futbolçuları da canlı baxacaq.  

Qeyd edək ki, 70 yaşlı Karlo Kaladze Gürcüstanın Samtredia şəhərində anadan olub. O, şəhərin “Lokomotiv” komandasında futbol oynayıb. Ata Kaladze 1980-ci illərdə “Lokomotiv”in varisi olan “Samtredia” klubunun rəisi vəzifəsində çalışıb. Kaxa Kaladze də “Qarabağ”ın rəqibinin yetirməsidir. 39 yaşlı veteran futbolçu 1992-ci ildə Tbilisi “Dinamo”suna transfer olunub, 2001-2010-cu illərdə isə “Milan”da çıxış edib.

"Qarabağ" Çempionlar Liqasında mübarizəyə başlayır

“Qarabağ” bu gün yeni avrokubok mövsümünə start verəcək. Apasport.az saytının məlumatına görə, Azərbaycan çempionu ardıcıl 4-cü dəfə qatıldığı Çempionlar Liqasında ilk görüşünə çıxacaq.

Qitənin ən nüfuzlu turnirinə II təsnifat mərhələsindən başlayacaq Ağdam təmsilçisi “Samtredia” ilə üz-üzə gələcək. Gürcüstan çempionu ilə ilk qarşılaşma Bakıda baş tutacaq. Təmsilçimiz evdə keçirəcəyi ilk oyunda gələn həftə baş tutacaq cavab qarşılaşması üçün sərfəli nəticə əldə etməyə iddialıdı. Ardıcıl 3 dəfə Avropa Liqasının qrupunda çıxış etmiş “Qarabağ” bu dəfə hədəfini daha da böyüdüb. Komanda nüfuzlu Çempionlar Liqasında eyni uğuru təkrarlamaq niyyətindədi. Bu yolda ilk səddi adlamaq üçün “Samtredia” mübarizədən kənarlaşdırılmalıdır.

Son üç mövsümdə Çempionlar Liqasında ilk rəqiblərini adlayan ağdamlıların bu dəfə necə çıxış edəcəyi maraqla gözlənilir. “Valletta”, “Rudar” və “Düdelanj”la görüşlərdə mərhələni məğlubiyyətsiz keçən çempionumuzun qonşu ölkə təmsilçisinə qarşı da bu qədər uğurlu çıxış edib-etməyəcəyinə bu gün aydınlıq gələcək. Qarşılaşma “Qarabağ”ın avrokuboklardakı ev oyunlarını keçirdiyi Tofiq Bəhramov adına Respublika stadionunda baş tutacaq. Matç saat 21:00-da başlayacaq.

Çempionlar Liqası

II təsnifat mərhələsi, ilk oyun

11 iyul

21:00. “Qarabağ” (Azərbaycan) – “Samtredia” (Gürcüstan)

Baş hakim: Mete Kalkavan (Türkiyə)

Bakı. Tofiq Bəhramov adına Respublika Stadionu

Türk idmançı ermənini yenib, Azərbaycan bayrağı qaldırdı

Türkiyə güləşçisi Cemal Mutlu Azərbaycana böyük jest etməsi ilə gündəmə gəlib. Apasport.az saytının məlumatına görə, yunan-Roma güləşçisi gənclər arasında Avropa çempionatında bürünc medal qazanan Mutlu bu sevinci Azərbaycan bayrağını qaldıraraq yaşayıb.

Belə ki, Almaniyanın Dortmund şəhərində keçirilən qitə birinciliyində 50 kq çəki dərəcəsində mübarizə aparan Cemal bürünc medal uğrunda görüşdə ermənistanlı Aşot Mxitaryanla üz-üzə gəlib.

Rəqibini döşəyə çıxmağına peşman edən qardaş ölkə nümayəndəsi 10:2 hesablı qələbə qazanıb. Görüşün ardından isə gənc pəhləvan Türkiyə və Azərbaycan bayraqlarını havaya qaldıraraq döşəkdə dövrə vurub.

Qeyd edək ki, Türkiyə Avropa çempionatında komanda hesabında 3-cü yeri tutub. Rusiya 1-ci, Gürcüstan isə 2-ci pillənin sahibi olub.

Mahir Məmmədov: “Bu, təxribat kimi başa düşülməməlidi”

“Qarabağ”ın “Samtredia” ilə Gürcüstanda keçirəcəyi oyunda hər hansı problemin yaşanacağını gözləmirəm”. Bu sözləri apasport.az saytına açıqlamasında “SOCAR Energy Georgia” şirkətinin baş direktoru Mahir Məmmədov bildirib.

Eyni zamanda, AFFA İcraiyyə Komitəsinin üzvü olan Məmmədov Çempionlar Liqasının II təsnifat mərhələsi çərçivəsində keçiriləcək “Samtredia” – “Qarabağ” görüşündə hansısa problemin yaşanmaq ehtimalının olmadığını açıqlayıb. Onun sözlərinə görə, 2-3 nəfər tərəfindən buna cəhd olarsa, yenə təxribata cəhdin qarşısı vaxtında alınacaq.

Məmmədov söhbət əsnasında 2 il öncə, Avropa Liqasının I təsnifat mərhələsi çərçivəsində Tbilisidə keçirilmiş “Dinamo” – “Qəbələ” oyununu xatırladıb: “Yadımdadı, həmin matçda 2-3 nəfər, başı işləməyən adam plakat açmışdı. Dərhal mühafizə orqanları plakatları yığışdırmışdılar. Bu, təxribat kimi başa düşülməməlidi. Çünki kiçik bir qrupun cəhdi idi”.

O bildirib ki, AFFA və Gürcüstan Futbol Federasiyası arasında təhlükəsizlik tədbirləri ilə bağlı danışıq aparılacaq: “Hər hansı problemin yaşanmasını heç kim istəməz. Yəqin ki, “Qarabağ” rəhbərliyi bu barədə fikirləşəcək. AFFA, yəni biz də Gürcüstan Futbol Federasiyası ilə məsləhətləşmələr aparacağıq. Mən elə bir problem gözləmirəm. Əlbəttə ki, Azərbaycan dövlətinin Gürcüstandakı qurumu kimi, biz də ayıq davranmalı və hər hansı hadisənin yaşanmaq ehtimalına hazır olmalıyıq. Amma kiminsə cibində nəsə gətirib, oyunun gedişində kameraya göstərməsi istisna deyil. Şəxsən mən həmin qarşılaşmanı canlı izləyəcəm”.

Məmmədov komandalarımızın avrokuboklardakı şanslarını da dəyərləndirib: “Qarabağ”ın növbəti mərhələyə adlayacağına inamım çox böyükdü. Bizim klublar artıq püxtələşib, birinci mərhələni keçməyə öyrəşiblər. Azarkeşləri də buna alışdırıblar. Əksər hallarda, ilkin mərhələni problemsiz adlayırlar. Çətinliklər növbəti mərhələlərdə başlayır. Klublarımız artıq Avropa Liqasının qrupunda da iştirak ediblər. Ümidvaram ki, “Qarabağ” və “Qəbələ” yenə də minimum qrup mərhələsinə qədər irəliləyəcək”.

İcraiyyə Komitəsinin üzvü əlavə edib ki, növbəti iclaslarının vaxtı hələ bilinmir: “AFFA-nın baş katibi Elxan Məmmədov bu barədə bizə məlumat verəcək. Dəqiq vaxtı biləndən sonra yığışacağıq”. 

Formulada bir gündə üç qəza

Formula 1 üzrə Azərbaycan Qran Prisinin ilk sərbəst yürüşü zamanı daha bir qəza baş verib. 

Dalga tv-nin Oxu.Az-a istinadən məlumatına görə, “Renault Sport”un pilotu Colion Palmer Qız Qalasının yaxınlığında qəzaya düşüb.

Onun bolidi səddə çırpılıb.

 

“Qarabağ” – “Samtredia” oyununun başlama saatı dəqiqləşib

“Qarabağ”ın Çempionlar Liqasının II təsnifat mərhələsində "Samtredia" ilə keçirəcəyi ilk oyunun başlanma saatı məlum olub. Apasport.az klubun saytına istinadən xəbər verir ki, Gürcüstan təmsilçisi ilə qarşılaşma Tofiq Bəhramov adına Respublika stadionunda baş tutacaq.

İyulun 11-də keçiriləcək qarşılaşma saat 21:00-da start götürəcək.

Qeyd edək ki, tərəflər arasında cavab görüşü isə iyulun 18-də Gürcüstanda olacaq.

“Qarabağ”ın rəqibindən əzmkar qələbə

Gürcüstan çempionatında XVIII tura start verilib. Apasport.az saytının məlumatına görə, “Qarabağ”ın Çempionlar Liqasının II təsnifat mərhələsindəki rəqibi “Samtredia” öz meydanında “Dila”nı qəbul edib.

Matçın gedişində qonaqlar iki dəfə hesabda önə keçmələrinə baxmayaraq, bərabərliyi təmin edən Gia Tsetzadzenin yetirmələri son 10 dəqiqədə məğlubiyyətdən qaçmaq bir tərəfə, hətta qələbə də qazana bilib. Belə ki, öncə 81-ci dəqiqədə status-kvonu bərpa edən “Samtredia” rəqibin meydanda azlıqda qalmasından yararlanaraq, 88-ci dəqiqədə 3 xalı gətirən qolu vurub.

Bu qalibiyyət sayəsində turnir cədvəlində 3-cü pillədəki mövqeyini möhkəmlədən Azərbaycan çempionunun rəqibinin aktivində 33 xal var.

“Samtredia” – “Dila” – 3:2
Qollar: G. Datunaşvili, 23; D. Razamaşvili, 81; N. Sandoxadze, 88 – Z. Dereti, 10, 51
“Samtredia”: Omar Migineşvili, Davit Mtivlişvili, Nika Sandoxadze, Cemal Qoqiaşvili, Georgi Mçedlişvili, Georgi Datunaşvili, Davit Razamaşvili, Giuli Mancqaladze (Laşa Kasradze, 90+5), Teymuraz Markozaşvili (Davit Jikia, 60), Quram Samuşia (Konstantin Belov, 90), Georgi Beriaşvili

https://youtu.be/zcbpBLk8AGo

 

"Qarabağ" Gürcüstan çempionuna rəqib oldu

Çempionlar Liqasında 2017/18 mövsümünün ilk püşkatması olub. Fanat.Az xəbər verir ki, İsveçrənin Nyon şəhərində keçirilən mərasimdə Azərbaycan çempionu “Qarabağ” da rəqibini tanıyıb.

Çempionumuzun mübarizəyə başlayacağı II təsnifat mərhələsində 34 iştirakçı olacaq. Püşkdə 29 komanda və I təsnifat mərhələsinin 5 cütü hərəsində 17 iştirakçı olmaqla iki səbətə bölünüb. "Səpələnmişlər" sırasında yer alan “Qarabağ”ın rəqibi daha zəiflər - "səpələnməmişlər arasından seçilbi.

Püşk "Qarabağ"ı bu mərhələdə Gürcüstan çempionu “Samtredia” ilə üz-üzə qoyub. Bu mərhələnin ilk qarşılaşmaları iyulun 11-12-də, cavab matçları isə 18-19-da oynanılacaq.
 
Çempionlar Liqası
I təsnifat mərhələsi

 
1. Vikinqur (Farer adaları) - Trepça (Kosova)
2. Hibernians (Malta) - İnfonet (Estoniya)
3. Alaskert (Ermənistan) - Santa Koloma (Andorra)
4. TNS (Uels) - Europa (Cəbəllütariq)
5. Linfild (Şimali İrlandiya) - La Fiorita (San Marino)


II təsnifat mərhələsi
 
APOEL (Cənubi Kipr) - Dudelanj (Lüksemburq)
Jalgiris (Litva) - Ludoqorets (Bolqarıstan)
Qarabağ (Azərbaycan) - Samtredia (Gürcüstan)
Partizan (Serbiya) - Buduçnost (Monteneqro)
2-ci cütün qalibi - Zalsburq (Avstriya)

Şerif (Moldova) - Kukesi (Albaniya)
Astana (Qazaxıstan) - Spartak (Latviya)
BATE (Belarus) - 3cü cütün qalibi
Jilina (Slovakiya) - Kopenhagen (Danimarka)
Hapoel (Beyer Şeva, İsrail) - Honved (Macarıstan)
Riyeka (Xorvatiya) - 4-cü cütün qalibi

Malmö (İsveç) - Vardar (Makedoniya)
Zrinski (Bosniya və Herseqovina) - Maribor (Sloveniya)
Dandalk (İrlandiya) - Rusenborq (Norveç)
Hafnarfyordur (İslandiya) - 1-ci cütün qalibi
5-ci cütün qalibi - Seltik (Şotlandiya) 
Mariehamn (Finlandiya) - Legiya (Polşa) 

Saytda Axtarış

ახალი ამბები