Dalga Televiziyasi İdman
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün0
DünənDünən1600
Bu həftəBu həftə3199
Bu ayBu ay30282
Bu günə qədərBu günə qədər2786224

Bizi Paylaşın

Video Xəbərlər

 

Təqvim


“Qarabağ” – “Samtredia” oyununun başlama saatı dəqiqləşib

“Qarabağ”ın Çempionlar Liqasının II təsnifat mərhələsində "Samtredia" ilə keçirəcəyi ilk oyunun başlanma saatı məlum olub. Apasport.az klubun saytına istinadən xəbər verir ki, Gürcüstan təmsilçisi ilə qarşılaşma Tofiq Bəhramov adına Respublika stadionunda baş tutacaq.

İyulun 11-də keçiriləcək qarşılaşma saat 21:00-da start götürəcək.

Qeyd edək ki, tərəflər arasında cavab görüşü isə iyulun 18-də Gürcüstanda olacaq.

“Qarabağ”ın rəqibindən əzmkar qələbə

Gürcüstan çempionatında XVIII tura start verilib. Apasport.az saytının məlumatına görə, “Qarabağ”ın Çempionlar Liqasının II təsnifat mərhələsindəki rəqibi “Samtredia” öz meydanında “Dila”nı qəbul edib.

Matçın gedişində qonaqlar iki dəfə hesabda önə keçmələrinə baxmayaraq, bərabərliyi təmin edən Gia Tsetzadzenin yetirmələri son 10 dəqiqədə məğlubiyyətdən qaçmaq bir tərəfə, hətta qələbə də qazana bilib. Belə ki, öncə 81-ci dəqiqədə status-kvonu bərpa edən “Samtredia” rəqibin meydanda azlıqda qalmasından yararlanaraq, 88-ci dəqiqədə 3 xalı gətirən qolu vurub.

Bu qalibiyyət sayəsində turnir cədvəlində 3-cü pillədəki mövqeyini möhkəmlədən Azərbaycan çempionunun rəqibinin aktivində 33 xal var.

“Samtredia” – “Dila” – 3:2
Qollar: G. Datunaşvili, 23; D. Razamaşvili, 81; N. Sandoxadze, 88 – Z. Dereti, 10, 51
“Samtredia”: Omar Migineşvili, Davit Mtivlişvili, Nika Sandoxadze, Cemal Qoqiaşvili, Georgi Mçedlişvili, Georgi Datunaşvili, Davit Razamaşvili, Giuli Mancqaladze (Laşa Kasradze, 90+5), Teymuraz Markozaşvili (Davit Jikia, 60), Quram Samuşia (Konstantin Belov, 90), Georgi Beriaşvili

https://youtu.be/zcbpBLk8AGo

 

"Qarabağ" Gürcüstan çempionuna rəqib oldu

Çempionlar Liqasında 2017/18 mövsümünün ilk püşkatması olub. Fanat.Az xəbər verir ki, İsveçrənin Nyon şəhərində keçirilən mərasimdə Azərbaycan çempionu “Qarabağ” da rəqibini tanıyıb.

Çempionumuzun mübarizəyə başlayacağı II təsnifat mərhələsində 34 iştirakçı olacaq. Püşkdə 29 komanda və I təsnifat mərhələsinin 5 cütü hərəsində 17 iştirakçı olmaqla iki səbətə bölünüb. "Səpələnmişlər" sırasında yer alan “Qarabağ”ın rəqibi daha zəiflər - "səpələnməmişlər arasından seçilbi.

Püşk "Qarabağ"ı bu mərhələdə Gürcüstan çempionu “Samtredia” ilə üz-üzə qoyub. Bu mərhələnin ilk qarşılaşmaları iyulun 11-12-də, cavab matçları isə 18-19-da oynanılacaq.
 
Çempionlar Liqası
I təsnifat mərhələsi

 
1. Vikinqur (Farer adaları) - Trepça (Kosova)
2. Hibernians (Malta) - İnfonet (Estoniya)
3. Alaskert (Ermənistan) - Santa Koloma (Andorra)
4. TNS (Uels) - Europa (Cəbəllütariq)
5. Linfild (Şimali İrlandiya) - La Fiorita (San Marino)


II təsnifat mərhələsi
 
APOEL (Cənubi Kipr) - Dudelanj (Lüksemburq)
Jalgiris (Litva) - Ludoqorets (Bolqarıstan)
Qarabağ (Azərbaycan) - Samtredia (Gürcüstan)
Partizan (Serbiya) - Buduçnost (Monteneqro)
2-ci cütün qalibi - Zalsburq (Avstriya)

Şerif (Moldova) - Kukesi (Albaniya)
Astana (Qazaxıstan) - Spartak (Latviya)
BATE (Belarus) - 3cü cütün qalibi
Jilina (Slovakiya) - Kopenhagen (Danimarka)
Hapoel (Beyer Şeva, İsrail) - Honved (Macarıstan)
Riyeka (Xorvatiya) - 4-cü cütün qalibi

Malmö (İsveç) - Vardar (Makedoniya)
Zrinski (Bosniya və Herseqovina) - Maribor (Sloveniya)
Dandalk (İrlandiya) - Rusenborq (Norveç)
Hafnarfyordur (İslandiya) - 1-ci cütün qalibi
5-ci cütün qalibi - Seltik (Şotlandiya) 
Mariehamn (Finlandiya) - Legiya (Polşa) 

Azərbaycan yığması Ermənistan yığmasını darmadağın etdi

Bolqarıstanda keçirilən həndbol üzrə İnkişaf Etməkdə Olan Ölkələrin çempionatında oyunlar davam edir. 

Dalga tv Oxu.Az-a istinadən xəbər verir ki, 15 avropa ölkəsindən komandaların iştirak etdiyi çempionatda Azərbaycan millisi də təmsil olunur. 

Bu gün Ermənistan komandası ilə üz-üzə gələn yığma komandamız oyunda 39:21 hesabı ilə qalib gəlib.

Komandamız növbəti görüşünü İrlandiya yığmasına qarşı keçirəcək 

Azərbaycan və Şimali İrlandiya yığmaları qarşılaşdı

Azərbaycan və Şimali İrlandiya yığmaları arasında futbol üzrə 2018-ci il dünya çempionatının seçmə mərhələsi çərçivəsində oyun keçirilib.

Dalga tv Oxu.Az-a istinadən xəbər verir ki, komandamız Tofiq Bəhramov adına Respublika stadionunda Şimali İrlandiya yığmasını qəbul edib. 

Görüşdə yeganə qolu 90+2-ci dəqiqədə Stüart Dallas vurub.

2018-ci il dünya çempionatının seçmə mərhələsi 

10 iyun 20:00. Azərbaycan – Şimali İrlandiya - 0:1
Qol: Stüart Dallas, 90+2 
Xal durumu: Almaniya - 15; Şimali İrlandiya - 13, Çexiya - 8, Azərbaycan - 7, Norveç - 3, San Marino - 0.

Azərbaycan milli komandası Şimali İrlandiya yığması ilə qarşılaşacaq

Bu gün futbol üzrə Azərbaycan milli komandası 2018-ci il dünya çempionatının seçmə mərhələsi çərçivəsində növbəti oyununu keçirəcək. 

“Report”un məlumatına görə, Robert Prosineçkinin rəhbərlik etdiyi kollektiv Şimali İrlandiya yığmasını qəbul edəcək.

Tofiq Bəhramov adına Respublika stadionunda baş tutacaq matç mundiala vəsiqə şansını saxlamaq baxımından böyük əhəmiyyət kəsb edir. C qrupunun lideri Almaniya yığmasının büdrəyəcəyi real olmadığından, digər kollektivlər üçün əsas hədəf 2-ci pilləni tutub, pley-off mərhələsinə vəsiqə əldə etməkdir.

Hazırda Şimali İrlandiya 10 xalla Bundestimin ən yaxın izləyicisi statusunu daşıyır. Lakin Bakıdakı dueldən sonra vəziyyət dəyişə bilər. Hesabında 7 xal olan Azərbaycan yığması qalib gələcəyi halda 2-cilik ehtimalını artıracaq.

Daha əvvəl DÇ-2006 və DÇ-2014-ün seçmə mərhələsində Azərbaycan millisinə rəqib olan Şimali İrlandiya yığması Bakıda qələbə üzü görməyib. 2004-cü il oktyabrın 9-da 0:0 hesablı heç-heçə qeydə alındığı halda, 2013-cü il oktyabrın 11-də “Bakcell Arena”da baş tutan matçda Berti Foqtsun rəhbərlik etdiyi yığma britaniyalıları 2 cavabsız qolla üstələyib.

Lakin səfər qarşılaşmaları ilə bağlı statistika rəqibin lehinədir. Əvvəlki iki tsikldə ümumilkdə 4 xal qazanan (2:0, 1:1) Şimali İrlandiya cari seçmə mərhələdə Belfastda 4:0 hesablı qələbəyə sevinib.

Azərbaycan yığması ilə oyun ərəfəsində Yeni Zelandiyanı yoldaşlıq görüşündə 1:0 hesabı ilə üstələyən britaniyalılar Bakıdakı iqlimə uyğunlaşmaq üçün iyunun 3-dən etibarən Türkiyədə 4 günlük hazırlıq keçib. Robert Prosineçkinin rəhbərlik etdiyi kollektiv isə paytaxtda və Avstriyada olmaqla, 20 günlük təlim-məşq toplanışında olub.

2018-ci il dünya çempionatının seçmə mərhələsi

VI tur, C qrupu

10 iyun

20:00. Azərbaycan – Şimali İrlandiya

Hakimlər: Xavyer Estrada Fernandes, Migel Martines Munuera, Teodoro Sobrino Maqan, Alexandro Xose Ernandes (hakimlər briqadası İspaniyadandır)

Hakim-inspektor: Giorgios Bikas (Yunanıstan)

FİFA nümayəndəsi: Jan-Pol Mievis (Belçika)

Bakı. Tofiq Bəhramov adına Respublika stadionu

Xal durumu: Almaniya - 15; Şimali İrlandiya - 10, Çexiya - 8, Azərbaycan - 7, Norveç - 3, San Marino - 0.

Azərbaycan - Gürcüstan matçında 10 qol

Azərbaycan və Gürcüstan futbol veteranları arasında yoldaşlıq görüşü keçirilib.

Dalga tv Xəbər.ge-yə istinadən xəbər verir ki, Əlincə Arenada baş tutan görüş 5-5 hesablı bərabərliklə başa çatıb.

Qeyd edək ki, cavab qarşılaşması Gürcüstanda reallaşacaq.

“Real Madrid” Çempionlar Liqasının qalibi oldu

Futbol üzrə Çempionlar Liqasının final matçı keçirilib.

Dalga tv Oxu.Az-a istinadən xəbər verir ki, qarşılaşmada İspaniyanın "Real Madrid" və İtaliyanın "Yuventus" komandaları üz-üzə gəlib.

Uelsin paytaxtı Kardiffdəki “Millenium” stadionunda təşkil olunmuş matç “kral klubu”nun böyük hesablı qələbəsi ilə yekunlaşıb - 4:1. 

Çempionlar Liqası
Final

 “Yuventus” (İtaliya) – “Real Madrid” (İspaniya) - 1:4
Qollar: Mario Mancukiç, 27 - Kriştianu Ronaldu, 20; 64. Karlos Kazemiro, 61. Marko Assensio, 90
Qırmızı vərəqə: Xuan Kuadrado, 84 ("Yuventus")
Baş hakim: Feliks Brıx (Almaniya)

Tbilisidə "Formula-1" Azərbaycan Qran-prisi ilə əlaqədar təqdimat keçirilib

"Formula-1" Azərbaycan Qran-prisi ilə əlaqədar mayın 24-də Gürcüstan paytaxtı Tbilisi şəhərində təqdimat mərasimi keçirilib.

Dalga tv “Report”a istinadən  xəbər verir ki, mərasimdə Gürcüstan mətbuatına, dinləyicilərə Azərbaycanın idman sahəsindəki zəngin təcrübəsi, ölkəmizin iqtisadi imkanları, sosial-iqtisadi inkişafı, turizm potensialı barədə ətraflı məlumat verilib.

“Bakı Şəhər Halqası” Əməliyyat Şirkətinin (BŞH) marketinq və kommunikasiya şöbəsinin rəhbəri Nigar Arpadarai Azərbaycan Qran-prisinin təşkili ilə bağlı görülən işlər, Azərbaycanın sosial-iqtisadi, mədəni və turizm imkanları barədə ətraflı məlumat verib. Bildirib ki, Azərbaycan artıq beynəlxalq idman yarışlarının təşkili sahəsində zəngin təcrübəyə malikdir.

BŞH Əməliyyat Şirkətinin kommunikasiya və əməliyyatlar şöbəsinin rəhbəri Bülənt Özerdin çıxışında Azərbaycanın beynəlxalq yarışların keçirilməsi barədə təcrübəsindən danışıb. Bildirib ki, Azərbaycan Qran-prisini "Formula-1" rəhbərliyi, Beynəlxalq Avtomobil Federasiyası, eləcə də Bakıya səfər edən çoxsaylı mətbuat nümayəndələri, bilet almış çoxsaylı insanlar çox yüksək qiymətləndiriblər. İnanırıq ki, iyunun 23-24 və 25-də keçiriləcək "Formula-1" Azərbaycan Qran-prisi də çox yüksək səviyyədə keçəcək.

Sonra "Formula-1" Azərbaycan Qran-prisinin 2016-cı ildə keçirilmiş yarışları barədə video-çarx nümayiş etdirilib.

Azərbaycanın Gürcüstandakı səfiri Dursun Həsənov təqdimat mərasimində iştirak edib.

Nigar Arpadarai REPORT a müsahibəsində deyib ki, "Formula-1" yarışları təkcə Azərbaycan üçün deyil, region dövlətləri üçün də önəmli tədbirdir. Dünyanın müxtəlif ölkələrindən gələn turistlər paytaxt Bakını və respublikamızın regionlarını da görmək istəyirlər. Onlar, eyni zamanda, qonşu Gürcüstanla da maraqlanırlar. Bunu nəzərə alaraq Tbilisiyə gəlmişik. Məqsədimiz, gürcü mətbuatına "Formula-1" haqqında geniş məlumatlar yaymaq, Gürcüstan əhalisini məlumatlandırmaqdır.

Onun sözlərinə görə, "Formula-1" dünyada ən çox izlənilən idman tədbirlərindən biridir. Bu yarışlar futbol üzrə dünya çempionatı və yay olimpiya oyunlarından sonra televiziya auditoriyasında izlənməyə görə, üçüncü yerdədir. Buna görə də "Formula-1"in televiziya izləyiciləri çoxdur.

Bülənt Özerdim isə bildirib ki, Gürcüstan bizə dost və qonşu ölkədir. Keçən il bu ölkədən Azərbaycana xeyli qonaq gəlmişdi. Bu il satılan biletlərin 100-də 60-ı xarici ölkə vətəndaşlarının payına düşür. Dünyanın 50 ölkəsindən bilet sifarişi verilib. Artıq bəzi sektorlara satılan biletlər qurtarıb. Bu, xarici ölkə vətəndaşlarının Azərbaycana marağının artdığını sübut edir”.

Onun sözlərinə görə, bilet alan xarici ölkələr sırasında Gürcüstan vətəndaşları Rusiya, İngiltərə və Ukraynadan sonra dayanırlar.

B.Özerdim "Formula-1" Azərbaycan Qran-prisinin bu dəfə də çox yüksək səviyyədə keçiriləcəyinə inandığını bildirib.

İslamiadanın bağlanış mərasimi keçirilib

“Bakı 2017” IV İslam Həmrəyliyi Oyunlarının bağlanış mərasimi başa çatıb.

Dalga tv-nin APA-ya istinadən məlumatına görə, mərasimdə Səmra Rəhimli, Nigar Camal, Miri Yusif, Səbinə Babayeva və Eldar bütün idmançıları və qonaqları əyləndirmək üçün səhnəyə çıxıblar.

Müğənni Tünzalə Ağayeva yan səhnədə “Sürət – 2017 Azərbaycan Qran Pri” mahnısını ifa etdiyi zaman, 30 səhnə iştirakçısı Bakı Şəhər Halqasını təsvir edən əsas səhnədə işıq saçan çubuqlarla rəqs ediblər. 

Sonra, o, əsas səhnədə iki mahnı -“Salam Bakı” – “Bakı 2017” könüllülərin himni və “Mən Azərbaycanlıyam” mahnıları ilə “Birlik” konsertini başa çatdırıb. Konsert stadion üzərində atəşfəşanlıqla başa çatıb.

Bağlanış mərasimində bütövlükdə 15000 pirotexnik qurğudan istifadə edilib.

IV İslam Həmrəyliyi Oyunlarının bağlanış mərasimindən FOTOSESSİYA

alt

 

alt

 

alt

 

alt

 

Gürcüstanlı deputat: Bakı İslamiadanın tarixinə parlaq səhifə yazacaq

Bakıda keçirilən IV İslam Həmrəyliyi Oyunları İslamiadanın tarixinə ən möhtəşəm idman bayramı kimi yazılacaq. Belə bir möhtəşəm açılış mərasimini təşkil etmək yalnız peşəkar komandanın işidir.

Bu fikirləri IV İslam Həmrəyliyi Oyunlarının açılışını izləmək üçün Gürcüstandan Azərbaycana gələn nümayəndələr söyləyiblər.

Gürcüstan parlamentinin deputatı Savalan Mirzəyev AZƏRTAC-a müsahibəsində deyib ki, Azərbaycan irimiqyaslı idman yarışlarına yüksək səviyyədə ev sahibliyi edir. IV İslam Həmrəyliyi Oyunlarının möhtəşəm açılış mərasimində bunun bir daha şahidi olduq. Birinci Avropa Oyunlarında olduğu kimi bu dəfə də dünya ictimaiyyəti möhtəşəm bir idman bayramının şahidi olur. Bakının idman arenalarında yarışlar yüksək səviyyədə hazırlanıb və digər zəruri təşkilati tədbirlər həyata keçirilib.

“Tam əminliklə deyə bilərəm ki, Bakıda keçirilən Oyunlar İslamiadanın tarixinə möhtəşəm idman bayramı kimi yazılacaq”, - deyə S.Mirzəyev vurğulayıb.

Gürcüstanın Barış və Vətəndaş Bərabərliyi Dövlət nazirinin müşaviri Zaur Darğallı isə bildirib ki, İslam Həmrəyliyi Oyunları özündə dostluğu və sülhü birləşdirir. Azərbaycan zəngin adət-ənənəyə, yüksək qonaqpərvərliyə malik olan ölkədir. Düşünürəm ki, bütün qonaqlar Azərbaycandan xoş təəssüratlarla ayrılacaqlar.

“Göz oxşayan açılış mərasimi ilə Azərbaycan İslam Həmrəyliyi Oyunları tarixində silinməz iz qoydu”, - deyə, Z.Darğallı vurğulayıb.

Açılış mərasimi izləmək üçün Bakıya təşrif buyuran Gürcüstanın Maliyyə Nazirliyinin gəlir departamentinin məsul əməkdaşı Ayaz Məmmədov isə deyib: “Mən də dostlarımla birgə Bakıda keçirilən IV İslam Həmrəyliyi Oyunlarının açılış mərasiminə qatıldım. Bu, mənim üçün tarixi bir gün idi. Biz tədbirin açılışının yüksək səviyyədə keçirildiyinin şahidi olduq. Azərbaycan və onun qədim tarixi haqqında göstərilən videoçarx çox maraqlı idi. Bu çarxda biz Azərbaycanın möhtəşəm iqtisadi gücə və inkişafa malik olduğunun bir daha şahidi olduq. Mən Azərbaycan idmançılarının IV İslam Həmrəyliyi Oyunlarında qələbəsinə inanıram”.

Saytda Axtarış

ახალი ამბები